Amosi 2:4 - Luganuzi Luswanu Kuli Wanhu Wose 2002

⁴ Muwaha yakutya, “Wanhu wa Yuda, wetuma wubi kali kenji na ku soko yiyo, nane nowalipiciza. Hambi nha wehepa mafundo gangu, hamba siwebate ne malajilizo gangu. Hambi nha wakondya kwajiliza so wutyatye milungu yo wulambi yono wasogo zawo wayitumila.”

Amosi 2:4 ပူးပေါင်းရင်းမြစ်များ

2 Watemi 17:19

Ninga hamba nhavivyo, nawo wawo wo mulango wa Yuda, si wagebata yaye malajilizo go Muwaha Mulungu, u Mulungu wawo, wakatyatya du myoto mibi yono Waisilayeli wali wakondya kuyisolela.

2 Zinghomo 25:14

Nayo Amaziya lono yawuyaga ku wulawa kuwahoma no kuwasuma Waedomu, yakasoleleza ne vihwani vyawo, yakavisimya, yakavihemba, yakawa yakuvifusiza no wuvumba.

2 Zinghomo 30:7

Mulece kwiga mikalile ye walezi wenyu, hamba ye wandugu zenyu Waisilayeli, wono wali si wehuwilwa kuli Muwaha Mulungu u Mulungu wawo. Ninga nanye mukuwona nha vyono yawalipiciza ko wukali muno.

Nehemiya 1:7

Cetuma wubi winji hali'gwe cilemegwa sunga no kutyatya malajilizo gono wacilajiliza. Hamba kwibata wulajilize wono wacipelela muli mwitumami wako Musa.

Nehemiya 9:26

“Ninga hamba nha vivyo i wanhu wako siwakuhulika yaye. Wene wakakugaluka, wakataga ne malajilizo gako. Wakawawulaga sunga ne wawizi wono wawasugulaga, no kuwalonjela wakupitucile gwegwe. Wakakutovula kenji na kenji.

Isaya 28:15

Hambi 'nye nha mukwilumba mukutya vyono mwakondya kwilumbaniza ne lifwa, hamonga ne yisi ye wafu. Na kanyhi mwitumbiliye lukulu nha vyono wongomele si wolomuzizenyi yaye, vyono anye mwitumbiye wulambi wenyu hamonga no wukoci wenyu, mukutya wuwo wo womuponyenyi.

Isaya 44:20

Ne nghani yiyi, yo nghani yo wulele, yihwanile wubwiga mavu. Hambi i mahweso gakwe go wupufi, nha gakondya kumwajiliza nzila, ho yalece kuyiwona nzila yono yina wutazi. Hamba si yakusuma kumanya, nha vyono cico cihwani cono yebate mu muwoko wakwe, si mulungu yaye.

Yelemiya 16:11

Nagwe wuwapitule, wuwalonjele zono u Muwaha Mulungu yakulonga yakutya nhavi, ‘I walezi wenyu, wandeka ane no Mulungu wawo, wakawa kuyihemba milungu yinji, no kuyitumamila. Wakalemela lukulu no kugahulika i mejizo gangu.

Yelemiya 16:12

Anye nanye luno mwetuma vibi muno kuciza ne walezi wenyu. Nanye wose, mweza musina hamba cihuliko, kanyhi mweza muli wanhu wabi muno, hamba si mukusaka kuwa na cihuliko kuli'ne yaye.

Yelemiya 17:27

Ninga yiwanojeye wahulicize 'ne, no kuyikamisa Sabato, i lizuwa lisiwanulwe. Kanyhi walecele lukulu kudinghula mutegulo wo wose, no kuwukoza mu milango ya Yelusalemi mwizuwa lilyo. Na hono wejelele du wanoze nhavivyo, nane noyipembela moto milango yose ya Yelusalemi. No moto wuwo wologakongoga i makaya gose go wutemi ga mu Yelusalemi. Na holowa hasina hamba munhu monga mono kolosuma kuwuzimya moto wuwo.”

Yelemiya 6:19

Nagwe go 'si, wuhulicize! Wuwone vyono neza kugalipiciza i mahweso gawo, no kuwongomeza i wanhu wawa, hambi nha wagalema i mejizo gangu, hamba kuzibocela yaye zinghani zangu.

Yelemiya 8:2

Hanyuma geyagazwe caka mwi 'hala, gehwane mboleya ya mu migunda. Golokwanzalikwa he'zuwa, no mwezi, hamonga ne zinyelezi, vyono wene wali wavyendile no kuvitumamila, hamonga no kuvitumbila no kuvihemba.

Yelemiya 8:9

Ne wanhu wenyu we mahala wakozwa cevu, nalu watimanjila, wegwiza weneco mu mutego. Hambi nha wayilema nghani yangu, alu zili hayi 'mbi, zono wakwiyitya 'ti wena mahala?

Yelemiya 9:14

Wakawa wajendeleye ne lizeze lyawo du lyo kuhemba vihwani vya Baali, na vyono wafundwa ne wasogo zawo.

Ezekiyeli 13:22

“Alu, mulanje ta, ku soko yo wulambi wenyu, mwakondya kuwahodanga i wanhu wanji i waswanu, wono nali si nyendile niwatamise. Na kanyhi, mukuwemila i wanhu wabi, walece kunena zo wubi wawo, ho wawuponye wumi wawo.

Ezekiyeli 20:13

Ninga hamba nhavivyo, wene wakewubavya mu nyika, wakeyavufya. Wakawubena wulajilize wangu, wakagalema malajilizo gangu, gono gamupelaga wumi munhu wo wose mono yakugebata. Wakazavufya ne zisabato zangu. Sunga nhondo nasakaga niwalajile likuwo lyangu vyono linha, niwongomezeze mumo mu nyika.

Ezekiyeli 20:16

Nehuwiza nhavivyo, vyono wene wagalema malajilizo gangu, wakawubena no wulajilize wangu, wakazavufya ne zisabato zangu, wakenda kuvihemba vihwani vyawo du.

Ezekiyeli 20:18

“Ninga hamba nhavivyo, si naleka, langa nawasugula i wana wawo mu nyika nghawatya, Mulece kujendela mu malajilizo ge walezi wenyu, hamba kuyityatya myoto yawo, hamba kwiyavufya nyo weneco so wuhemba vihwani vyawo.

Ezekiyeli 20:24

Nane netuma zizi, vyono wene wagalema malajilizo gangu, wakawubena no wulajilize wangu, wazavufya sunga ne zisabato zangu. Wakahemba vihwani vivilya vyono i walezi wawo wavihembaga.

Ezekiyeli 20:30

Holeka luno, wuwalonjele Waisilayeli zono nghulonga ane nene Muwaha Mulungu, nghutya, alu nhawulenyi nanye mukwituma u wubi wuwulya du, wono sunga ne walezi wenyu wetumaga, no kuvihemba vihwani vyawo?

Ezekiyeli 22:28

Nawo i wawizi, wazihundice zo wubi wuwu, wehwana ne wanhu wono wahiliwaga swakala mwi'jinji. Wawonaga zo wugubulilwe wo wulambi, no kuwila zo wulambi du. Wene weyitezaga nha vyono wakuganula nghani yo Muwaha Mulungu, na kumbe nane no Muwaha Mulungu ho si niwatumile yaye.

Ezekiyeli 22:8

Na kanyhi musina hamba cogopo kuli hanhu hono helile, hamba si mukuzibata ne zisabato yaye.

Hoseya 12:2

Nayo Muwaha Mulungu, yena nghani yono yakuhila kuleta kuli wanhu wa Yuda, na kanyhi kowalipiciza Waisilayeli, ku soko ye metumo ge wanhu wayo. Mwene kolowalipa so wubi wawo wono wetuma.

Hoseya 12:3

U sogo yawo Yakobo yesumaniza no muwahawe Esawu, lono wose wejete wali wakali mu'nda ye nyinawo. Na lono Yakobo yali yeza wiluka, yakesumaniza no Mulungu.

Hoseya 6:11

“Nanye kuli'nye anye nyo wanhu wa Yuda, nakondya kuwika lipango lyo kumulipicizenyi, ku soko ya zizo zono mukwituma.

Amosi 1:3

Muwaha Mulungu yakutya, “Wanhu wa Damesiki wetuma wubi kali kenji, na ku soko yiyo nane nowalipiciza. Hambi nha wawatendela vibi no kuwatamisa muno muno wanhu wa Gileyadi.

Amosi 3:2

“Muli makungugo gose ga mono yinze, ane nghamumanyenyi nyenye no kumukamisenyi. Na yiyi yo yikuleka no wubi wenyu wukuwa wakogofya. Holeka nane yinojeye nimulipicizenyi so masutya genyu.”

Mika 6:12

Wanhu wako i wagoli, wakuwegalila waciwa, na muli nyenye, wose muli walambi.

Habakuki 2:18

Hambi cihwani cina cambuzici? Nha cinhu du cono cinozigwe no munhu, kanyhi hamba si cosuma kukulonjela cinji co cose, langa wulambi du. Hamba hasina nghani yono cico cihwani, cimutendelaga munya kucisesa ho cisume kwitumbilwa, hambi cihwani, nha si mulungu, hamba si cosuma no kulonga yaye!

Walumi 1:25

Wakuyikawaniziza imbeka yo Mulungu ku wulambi, wakucipela lilumbo no kucihemba iciwumbwa, si nho u Muwumbi mweneco, mono yo yanojeye lilumbo cibitilila! Heya.

1 Watesalonike 4:8

Holeka mono yakugabedegala i mejizo gago, si yakumubedegala munhu, langa yakumubedegala u Mulungu mweneco mono yakumupelenyi u Muhe wakwe Mono Yelile.

1 Petelo 1:18

Hambi nha mumanyile vyono, anye mwakombozwa mu mikalile yenyu mibi, yono mwalecezwa kulawa ku wasenyu, si ne vinhu vyono vihodanjikaga, zipesa ne zizahabu,

Walamuzi 10:6

Waisilayeli waketuma wubi kanyhi hali Muwaha Mulungu, so wuhemba milungu ya Baali na Ashitaloti hamonga ne milungu ya ku Siliya ya Zidoni. Ne milungu ya Wamowabi ne milungu ye Waamoni, na ye Wafilisiti. Wakamuleka Muwaha Mulungu, wakapela no kumuhemba.