Amosi 1:5 - Luganuzi Luswanu Kuli Wanhu Wose 2002

⁵ Nogabenanjiza ne malango ge likaya lya Damesiki no kuwawusa wono wekaye mwi'lolo lya Aveni, hamonga no mutemi wa Betedeni. Ne wanhu wa Siliya, wolosolwa nha wafungwa sunga ko ku yisi ya Kili.”

Amosi 1:5 ပူးပေါင်းရင်းမြစ်များ

2 Watemi 16:9

Nayo mutemi Tigilati Pilesa, baho baho du yakawa kutuluka hamonga ne lipuga lyakwe lye Wasilikale wo wulugu, yakabita yakayihoma Damesiki, yakayisola, yakamuwulaga no mutemi Lezini. Yakawakunza wanhu wose, yakawategula ku Kili.

Amosi 9:7

Muwaha Mulungu yakutya, “Nye nyo Waisilayeli, ane nghuwehwesa wanhu wa Etiyopiya, nha vyono nghumwihwesenyi nyenye. Ane nawatonga Wafilisiti, ku wulawa ku Kilete, nawo Waashuli, ku wulawa ku Kili, nha vyono namutonjenyi 'nye ku wulawa ku Misili.

Yelemiya 51:30

Ne wasilikale wa Babiloni, nha wakondya kusimya milewo, nalu wenjila mu magomawakali gawo. Alu wasina vilungo kanyhi, weza wenha wacekulu. Ne milango yose ye likaya, nha yabeneka, ne zikaya zikukongojela mu moto.

I Cililo 2:9

Nayo milango yayo, mifucizwe mu malowanjila, ne makomeyo gayo gose gabenanjice. U mutemi hamonga ne wanhu wakwe, wose wali ku wuhamywe. Alu nhondo, hamba Wulajilize weza si wukwijizwa yaye, ne wawizi nawo hamba si wakutuga wugubulilwe ku wulawa kuli Muwaha Mulungu.

Nahumu 3:13

Hambi wasilikale wako wo wulugu, nha weza nha wacekulu, ne yisi yako yeza yisina mulindilizi ha mwande ye walugu wako. No moto wogahodanga macuma gono wugapinjice mu malango ge likaya lyako.

Yelemiya 50:36

Lifwa kuli wawizi wayo walambi, nawo walelepa muno nye! Lifwa kuli wasilikale wayo, nawo wenjilwa no woga muno!

Isaya 43:14

Mulungu mono yelile wa Isilayeli, u Muwaha Mulungu mono yakuwa kumuponyenyi yakutya nhavi, “Ane notuma lipuga lye wasilikale ku Babiloni ho wamuponyenyi. Nogabenanjiza malango ge likaya, ne lizozo lye nyemo lye wanhu walyo, lyopituka liwe cililo.

Isaya 22:6

Wakawa kuza wasilikale wakulawa ku yisi ya Elamu, wapandile mu zifwalasi, wahabatize ne mapinde gawo, hamonga ne zisonga zayo. Nawo wasilikale wanya ku yisi ya Kili, nhavivyo, nawo wena ne zingula zawo.

Ezekiyeli 27:23

Nawo we makaya ga Halani, na Kaneti, na Edeni, ne wasuluza wa ku Sheba ne makaya ga Ashuli, ne Cilimadi, wose wawo, wazaga kuli'gwe ku wukwawi.

2 Watemi 14:28

Ne zinghani zose zono Yelobowamu we kejete yetuma, hamonga ne citung'ati cakwe ku milewo, hamonga na vyono yazisola Damesiki na Hamati, no kuwagomolela kanyhi Waisilayeli, zose zandicigwe mu citabu ce zinghomo ze Metumo ge watemi wa Isilayeli.

Isaya 8:4

No mwana yuyo lono kowa yakali nawiluka no kumanya kucema ‘Yaya’ na ‘Baba’ I sawo yose ya Damesiki, hamonga ne mateka ga Samaliya, vyosolwa no kutegulwa kuli mutemi wa Ashuli.”

Ezekiyeli 30:17

Ne wazelelo wose wa mu makaya ga Oni na Pi-beseti, wolofwila mu wulugu, ne wanhu wanji wose, wolotekwa mateka.

Hoseya 10:8

Na mucanyha ye cigongo ca Aveni, hono Waisilayeli wakuhemba vihwani, naho holokongomezwa. Mamivya ne mabalwe, vyolowiluka mu makumbicilo gawo. Ne wanhu wologalonjela matunda wawe kutya, “Mucihundikaje!” Ne vigongo wakutya, “Mucigubikaje!”

Amosi 5:5

Mulece kubita kanyhi kuhemba ku Belisheba. Hamba mulece kujela kunondola ku Beteli. Hambi Beteli nha yolokwambuka bwete. Hamba mulece kubita ku Giligali, hambi wanhu wayo nha wolosolwa wategulwe ku wuwanda.”