Amosi 1:4 - Luganuzi Luswanu Kuli Wanhu Wose 2002

⁴ Holeka nane nolipembela moto likaya lyo wutemi, lyono mutemi Hazayeli yazenga, kanyhi nogakongoga makaya go mutemi Benehadadi.

Amosi 1:4 ပူးပေါင်းရင်းမြစ်များ

1 Watemi 19:15

Muwaha Mulungu nayo yakamutya, “Alu, wubite ku nyika behi na Damesiki, winjile mwi'kaya, wumwitile mafuta Hazayeli yawe mutemi we yisi ya Siliya.

2 Watemi 13:25

Ale, baho nhondo Yowashi u mutemi wa Yuda, ho yakawa kumusuma Benihadadi kali kadatu, yakagasola sunga ne makaya gose, gono gali gakondya kusolwa na Benihadadi, mu cipango co mutemi Yehowahazi u sogwe wa Yowashi.

2 Watemi 13:3

Na ku soko yiyo, Muwaha Mulungu yakawakolelwa likuwo Waisilayeli, yakawa kumukombola Hazayeli mutemi wa Siliya, hamonga na Benihadadi u mwanagwe, wawe kuwasuma Waisilayeli kenji na kenji.

2 Watemi 6:24

Hanyuma ya zizo, Benihadadi u mutemi wa Siliya yakawakonghola wasilikale wakwe wose, yakabita kuyihoma Samaliya, yakalipilima likaya lya Samaliya.

2 Zinghomo 16:2

Nayo Asa yali yeza kuziwona zizo, yakasola fweza hamonga na zahabu, mu wulawa mu viwutwa vya mu Nyumba yo Mulungu na vya mwi'kulu, yakawa kuvitegula ku Damesiki kuli mutemi Benihadadi wa Siliya, yakamutya,

Yelemiya 17:27

Ninga yiwanojeye wahulicize 'ne, no kuyikamisa Sabato, i lizuwa lisiwanulwe. Kanyhi walecele lukulu kudinghula mutegulo wo wose, no kuwukoza mu milango ya Yelusalemi mwizuwa lilyo. Na hono wejelele du wanoze nhavivyo, nane noyipembela moto milango yose ya Yelusalemi. No moto wuwo wologakongoga i makaya gose go wutemi ga mu Yelusalemi. Na holowa hasina hamba munhu monga mono kolosuma kuwuzimya moto wuwo.”

Yelemiya 49:27

Nane nologapembela moto, i majinji ga Damesiki, nologakongojeza ne makaya gose go wutemi, go mutemi Benihadadi. Vyo nghutya, ane no Muwaha Mulungu we Mihanga.”

Ezekiyeli 30:8

Nane kolo nakondya kuyipembela moto yisi ya Misili, no kuwawulaga wose wono vilunzize nayo, baho nhondo, ho wolomanyila vyono ane yo nene Muwaha Mulungu.

Ezekiyeli 39:6

Nolokwasa moto mu yisi ya Magogu, na mu mhwani yose, mono wanhu wekalaga wasina magaziko. Ne wanhu wose nhondo, ho womanya vyono ane yo nene Muwaha Mulungu.

Hoseya 8:14

I Waisilayeli, wazenga makaya go wutemi, ninga wamusemwa u Muwumbi wawo. Nawo wanhu wa Yuda, wazenga makaya gono gena magomawakali. Ninga nane notegula moto wono woganyanya no kugagwisa hasi makaya go wutemi hamonga ne makaya gawo.”

Amosi 1:10

Holeka nane notegula moto mu majinji ge likaya lya Tulo, no kugatakamiza makaya gayo.”

Amosi 1:12

Holeka nane notegula moto mwi'kaya lya Temani, no kugatakamiza makaya ga Bozila.”

Amosi 1:14

Holeka nane notegula moto mu majinji ge Likaya lya Laba no kugatakamiza zikaya, makaya gayo. Na kolowa kolili izozo mwi'zuwa lilyo lya wulugu, no wihomi wolowa wuwaha, kotya mukukunzo we livulavumbi.

Amosi 1:7

Holeka notegula moto nigatakamize majinji ge likaya lye Gaza no kugatakamiza makaya gayo.

Amosi 2:2

Nane notegula moto mu yisi ya Mowabu, no kugatakamiza makaya ga keliyoti. Ne wanhu wa Mowabu wolofwa ku soko ye nyhinyinho ne lizozo lyo wulugu lono wasilikale wolowa wakuzoza, hamonga ne mazi ge zindulele.

Amosi 2:5

Holeka nane notegula moto kuli Yuda, no kuganyanya makaya ga Yelusalemi.

Walamuzi 9:57

Kanyhi Mulungu yakawapela wugazice wuwaha wanhu wa ku Shekemu so wubi wawo, nha vyono Yotamu, u mwana muziwanda wa Gideyoni mono yacemwaga Yelubaali, yalonga lono yawalijitila.