Amosi 1:3 - Luganuzi Luswanu Kuli Wanhu Wose 2002

³ Muwaha Mulungu yakutya, “Wanhu wa Damesiki wetuma wubi kali kenji, na ku soko yiyo nane nowalipiciza. Hambi nha wawatendela vibi no kuwatamisa muno muno wanhu wa Gileyadi.

Amosi 1:3 ပူးပေါင်းရင်းမြစ်များ

1 Watemi 19:17

Ho yiwe mono kopona yekale si yawulagwe na Hazayeli, ale kowulagwa na Yehu. Na mono kopona yekale si yawulagwe na Yehu, ale, kowulagwa na Elisha.

2 Watemi 13:3

Na ku soko yiyo, Muwaha Mulungu yakawakolelwa likuwo Waisilayeli, yakawa kumukombola Hazayeli mutemi wa Siliya, hamonga na Benihadadi u mwanagwe, wawe kuwasuma Waisilayeli kenji na kenji.

2 Watemi 13:7

Wasilikale wa Yehowahazi wakafwa wose, hambi mutemi wa Siliya, nha yawawulaga wose wono wali wasigaye, yakawatindya, wakawa nha manghundi. Yehowahazi yakasigala ne wasilikale wapanda fwalasi waficile makumi mahano hodu, hamonga ne matuka go wulugu gali 'kumi, hamonga ne wasilikale wajenda kwa magulu nawo waficile elufu yikumi du hodu.

2 Watemi 16:9

Nayo mutemi Tigilati Pilesa, baho baho du yakawa kutuluka hamonga ne lipuga lyakwe lye Wasilikale wo wulugu, yakabita yakayihoma Damesiki, yakayisola, yakamuwulaga no mutemi Lezini. Yakawakunza wanhu wose, yakawategula ku Kili.

2 Watemi 8:12

Hazayeli yakamuwuza yakatya, “Alu Elisha, nhawule wukulila?” Elisha yakamupitula yakatya, “Heya nghulila, hambi nha manyile i zimbi zono agwe kowatendela wanhu wa Isilayeli. Hambi nha kogaticimiza no moto magomawakali gawo, kowongomeza ne wazelelo wawo hamonga ne wana wadodo wose, ne wacekulu wono wena mida, kowademulanga i mida yawo.”

Jobu 19:3

Nha mwasola katali nhondo mukunhovulanga du, sunga zafika nghanghulo yikumi. Hamba si mukuwona cevu yaye mu nzila yenyu yono mukuhoseza'ne.

Jobu 5:19

Nayo vilo vyose kokuponya kali kenji mu magayo gako gose, na mumbali ye ndumilizo, u wubi si wokupamiza.

Zimbazi 6:16

Ko zili nghani mutandatu hamba mupunghati, zono Muwaha Mulungu yazisulile,

Muganuzi 11:2

Wagawile wanhu zisawo zako, hambi nha si wumanyile yimbi yono yokwagana mono'nze.

Isaya 28:27

Kanyhi hamba si kazikung'unhaga na nhumbi nandala zakwe hamba jila, ho ziwuswe mu mabada gayo, langa ketumamilaga du nghome yono yikwilaniciye.

Isaya 41:15

Ane nomunozenyi anye muwe nhe lituli hamonga no mutwango wayo mupya, nanye mogakobonga matunda no kugatenjelemula, navyo vigongo vyotijinhika viwe manghundi.

Isaya 7:16

Ninga hamba na lono vilo vivyo vikali nafika, i zi'si ze watemi wawo wejete Lezini na Peka, wono wakukogofya, zolowa zakondya kulekwa zili bwete.

Isaya 7:8

Ku sokoci? Yili vilungo yicize Damesiki, na vyono likaya lyayo liwaha hamonga ne Damesiki yeneco, nha yisina vilungo yicize mutemi Lezini. Nayo Isilayeli mu myaka makumi mutandatu ne 'hano, yowa yakondya kupondangwa yilece kuwa yikungugo.

Isaya 8:4

No mwana yuyo lono kowa yakali nawiluka no kumanya kucema ‘Yaya’ na ‘Baba’ I sawo yose ya Damesiki, hamonga ne mateka ga Samaliya, vyosolwa no kutegulwa kuli mutemi wa Ashuli.”

Amosi 1:11

Muwaha Mulungu yakutya, “Wanhu wa Edomu, wetuma wubi kali kenji. Na ku soko yiyo, nane nowalipiciza. Hambi nha wawatendela vibi wandugu zawo, Waisilayeli, hamba kulajila lusungu yaye. Ne likuwo lyawo, likawa vyo lijendeleye du lisina wumalice yaye.

Amosi 1:13

Muwaha yakutya, “Wanhu wa Amoni, wetuma wubi kali kenji, na ku soko yiyo, nane nowalipiciza. Hambi mu wulugu wawo, nha wawatumbulaga i wacekulu we mida, so wusaka kugazimhya mipaka ye zi'si zawo.

Amosi 1:6

Muwaha Mulungu yakutya, “Iwanhu wa Gaza, wetuma wubi muno muno. Na ku soko yiyo, nane nowalipiciza wene. Ku soko wene wayisola nghungugo yose, no kuwahamizizya kuli wanhu wa Edomu wawe wawanda.

Amosi 1:9

Muwaha Mulungu yakutya, “Iwanhu wa Tulo, nawo wetuma wubi kali kenji. Na ku soko yiyo, nane nowalipiciza. Hambi nha wayisola nghungugo yose no kuyihamizizya ku yisi ya Edomu wawe wawanda, hamba siwacikumbucila ne cilagane ce ndugu cono wacinoza.

Amosi 2:1

Muwaha yakutya, “Wanhu wa Mowabu, wetuma wubi kali kenji, na ku soko yiyo, nane nowalipiciza. Hambi nha si wali na cogopo kuli mafupa go mutemi wa Edomu, wene kwa kuganyanya wagatakamiza sunga gakawa mavu.

Amosi 2:4

Muwaha yakutya, “Wanhu wa Yuda, wetuma wubi kali kenji na ku soko yiyo, nane nowalipiciza. Hambi nha wehepa mafundo gangu, hamba siwebate ne malajilizo gangu. Hambi nha wakondya kwajiliza so wutyatye milungu yo wulambi yono wasogo zawo wayitumila.”

Amosi 2:6

Muwaha yakutya, “Wanhu wa Isilayeli, wetuma wubi kali kenji nane ku soko yiyo, nowalipiciza. Wawaguza ku wuwanda iwanhu wehuwilwa wono siwasuma kulipa migawa yawo, i wanhu waciwa wono si wali wasumile kulipa hamba uguzi wa malatu.”

Zakaliya 9:1

Ayi yo nghani yono yikulawa kuli Muwaha Mulungu. Muwaha Mulungu yakalavya lilajilizo lyo wulipicizwe we yisi ya Hadelaki, ne likaya lya Damesiki. Ninga wulipicizwe wuwo si wowa so zimhuga ze Waisilayeli du, langa hamonga ne likaya lya Siliya, likaya lyo Muwaha Mulungu.

Zakaliya 9:2

Na Hamati yono yili behi na Hedelaki, hamonga ne makaya ga Tulo na Sidoni, hamba gawe gena mahala menji.