Amosi 1:1 - Luganuzi Luswanu Kuli Wanhu Wose 2002

¹ Azi zo nghani za Amosi, u mudimi munya kwi kaya lya Tekowa. Myaka myejete lono litulo lya mu'si lyali likali si naza, mu vilo vya Uziya lono yali mutemi wa Yuda, na lono Yelobowamu mwana wa Yowashi yali mutemi wa Isilayeli.

Amosi 1:1 ပူးပေါင်းရင်းမြစ်များ

2 Samwili 14:2

Holeka yakatuma munhu yabite yakamucemele mucekulu we mahala, mono yekalaga Tekowa. Nayo mucekulu yuyo yali yeza kufika kwa Yowabu, Yowabu yakamulonjela yakatya, “Alu, nghukulomba winozaje kotya wina cililo, wuvwale ne myenda ye cililo, wulece kwibaka ne mafuta. Wihwane no mucekulu mono yali mu cililo vilo vinji.

1 Watemi 19:19

Holeka Eliya yakawa kutuluka, yakamwagana Elisha yena ne zing'ombe zakwe zitunjile nyejete nyejete zikulima. Nazo zali zitunjize nyejete nyejete kali kumi na nyejete, na zose zilongoleye ku mwande yakwe, mwene yakulima na azilya zono zali zityatizye mu nyuma ye zinzawo zose. Hobaho Eliya yakavula civwalo cakwe yakamuvwika Elisha.

2 Watemi 14:21

Nawo wanhu wakawa kumutemya Azaliya u mwanagwe, mono yali yaficile myaka yikumi na mutandatu, yakawa mutemi, yakahalila ho sogwe Amaziya.

2 Watemi 14:23

Na mu mwaka we yikumi ne 'hano wo mutemi Amaziya wa Yuda u mwana wa Yowashi, nayo Yelobowamu we kejete, u mwana wa Yehowashi ho yatemela mu Isilayeli, yakatema mu Samaliya myaka makumi mane na wumonga.

2 Zinghomo 11:6

Ne makaya gono yagazenjela magomawakali gali goga: Betelehemu, Etamu, Tekowa,

2 Zinghomo 20:20

No wusiku wali weza kwela, i mitondo yaco, hakali mitondo muno muno, i wanhu wose wakawa kubita ku nyika ya Tekowa. Nawo lono wali wakondya kwiwikaniza ho watuluce, mutemi Yehoshafati, yakawalonjela yakatya, “Anye nyo wanhu wa Yuda na Yelusalemi! Mumwitumbilaje Muwaha Mulungu, u Mulungu wenyu, kanyhi mweze mukamile. Kanyhi mwihuwile zinghani zono wawizi wakwe womulonjelenyi, nanye holeka motuga wuswanu.”

Wutuluce 3:1

Mwi'zuwa linji lono Musa yali yali mu wudimi we zimitugo zo mukwewe Yetelo u mukohani wa Midiyani, yazitegula zimitugo ku nhumbi nzagwe ye linyika, yakafika sunga ho he 'tunda lyo Mulungu lya Holebu lyono likucemwa Sinayi.

Isaya 1:1

Citabu cici cina wulolose we zinghani zono Mulungu yamugubulila Isaya u mwana wa Amozi, mu vilo vya Uziya, na Yotamu, na Ahazi, na Hezekiya, lono wali watemi wa Yuda na Yelusalemi.

Yelemiya 1:1

Citabu cici ca Yelemiya, cikulolosa zinghani zono zalongwa na Yelemiya u mwana wa Hilikiya, u muyagwe ne wakohani we cikaya ca Anatoti, ca mu yisi ya Benyamini.

Yelemiya 28:8

I wawizi wono wacilongolela katali na katali, lono agwe na ane cikali si nawa, wawila nha vyono, wulugu, ne nzala, hamonga ne matamwa, golowaziza we makungugo menji, gono gena wutemi we vilungo viwaha.

Yelemiya 6:1

Ale, mutize ho mupone, anye nyo wanhu wa Benyamini! Muwuce mu Yelusalemi. Mutowe ndulele mu Tekowa, mwinule citanjilo co moto mu Beti-hakelemu. Hambi i mabi, hamonga no wongomezwe, nha vikuza vikulawilila ku lubavu lwa kusumuka.

Yelemiya 7:27

“Holeka agwe Yelemiya, wuwalonjelaje inghani zizi zose, i wanhu wangu, ninga wene hamba si wokuhulika yaye. Agwe kowacema, ninga wene hamba si wokwidika ng'o.

Hoseya 1:1

Ayi yo nghani yono Muwaha Mulungu yamulonjela Hoseya, Mwana wa Beyeli, mu vilo vya Uziya, na Yotamu, na Ahazi na Hezekiya, lono wali watemi wa Yuda, na Yelobowamu mwana wa Yehowashi yali mutemi wa Isilayeli.

Amosi 7:14

Amosi yakapitula yakamutya Amaziya, “Ane si nili muwizi we, liwala lye wawizi wono wakuwila ho walipwe. Ane nili mudima mitugo kanyhi nili mulanjilizi we mikuyu.

Mika 1:1

Ayi yo nghani yo Muwaha Mulungu yono yamuziza Mika, mono yali munya Molesheti mu vilo vya Yotamu, na Ahazi na Hezekiya i watemi wa Yuda. Muwaha Mulungu yamugubulila Mika zizi zose za muli Samaliya na Yelusalemi.

Zakaliya 14:5

Nanye molotiza mukolele mwi'lolo lilyo lyono lilitemanuye litunda hejete. Mulamanghaga nha vyono i wasogo zenyu wanozaga, mu vipango vye litulo lyono lyejela, mu vilo vyo mutemi Uziya wa Yuda. U Muwaha Mulungu wangu, mwene kolokuza hamonga ne wamalayia wakwe.

Matayo 4:18

Nayo Yesu lono yajendaga ha mwejelele we lilamba lya Galilaya, yakawawona wanhu wejete wanimula somba, wana wa munhu monga, nha cinji Simoni (mono kacemwaga Petelo) wena na Andeleya u mwanakwawe, wanimulaga zisomba mwi'lamba no lwavu lwawo.

1 Wakolinto 1:27

Nha cinji wo wutya, u Mulungu yagahagula agalya, gono yinze yigawonaga nha wulele du, ho yasume kuwakoza cevu i we mahala, na kanyhi yagahagula agalya gono yinze yigawonaga nha wusocele du, ho yawakoze cevu wawo wono wali vilungo.