2 Zinghomo 7:8 - Luganuzi Luswanu Kuli Wanhu Wose 2002

⁸ Nayo Solomona, hamonga ne wanhu wose Waisilayeli, wakayinoza sikukuu yiyi ye vibanda, vilo mupunghati. Na hakawa na wanhu wenji muno muno, wanji wali walawiliye kutali, ku Hamati Pasi, ku lubavu lwa kusumuka, na ku mupaka we yisi ya Misili, ku lubavu lwa kutakama.

2 Zinghomo 7:8 ပူးပေါင်းရင်းမြစ်များ

Mwamulizo 15:18

Na mwi'zuwa lilyo, ho Muwaha Mulungu yacinozeza i cilagane cakwe na Abulamu, yakumutya, “Gwe Abulamu, ane nowapela u lulelo lwako yisi yiyi, ku wulawilila kwi ‘kolongo lya Nile lya Misili, sunga ko kwi’ kolongo lililya liwaha lya Fulata.

1 Watemi 8:2

Na wose wakekongholela hamonga, mu cipango ce sikukuu ye vibanda mu mwezi wo mupunghati, wo mwezi wa Etanimu.

1 Watemi 8:65

Nayo Solomona hamonga ne Waisilayeli wose, wakayisangalalila sikukuu ye vibanda, vilo mupunghati baho ha Nyumba yo Mulungu, kanyhi yakonjeza ne vilo mupunghati vinji, vikawa hamonga vilo yikumu na vine. Ne wanhu wono wali wali baho, wali wanhu wenji muno muno, wanji walawilila kutali muno muno kotya wanya Hamati Pasi, kusumuka, ne Wamisili wulawa ku mupaka wa kutakama.

2 Zinghomo 30:13

Ne wanhu wenji muno, wakekongholela mu Yelusalemi, mu mwezi we kejete, ho wayinoze sikukuu yo mukate wono wusina cisase.

2 Zinghomo 30:26

Ne likaya lyose lya Yelusalemi, likamema nyemo mbaha muno, vyono zono zinha zizi, zali zikali nejela yaye, ku wulawa mu vilo vyo mutemi Solomona, u mwana wa Dawudi.

2 Zinghomo 5:3

Na wose wakekongholela hamonga, mu cipango ce sikukuu ye vibanda.

Ezekiyeli 45:25

“Na mu zisikukuu ze vibanda, zono zowa kwanza mwi'zuwa lye likumi ne'hano, lya mu mwezi wo mupunghati, u mutemi kowa kulavya nhondo zose mu vilo mupunghati, i vilavywa vyo wubi vyono vihwanile du nhe vilo vye zisikukuu zinji zose. Nha cinji, i vilavywa vinyanywe, ne vilavywa vyo 'saje, hamonga ne vilavywa vye mafuta.”

Ezekiyeli 47:20

“U mupaka nawo wa ku lubavu lwa kumwezi, wowa lilenga lya Meditelaneya, wuwa kubita kusumuka, sunga ko ku ndumilizo ye mwezi ye yisi ya Hamati Pasi.

Amosi 6:14

Ninga Muwaha Mulungu we mihanga mweneco yakutya, “Anye nyo Waisilayeli, ane nowaleta wasilikale we likungugo lye cijenzi, wayisole yisi yenyu, nawo womugazenyi wulawa ku Hamati ku winjililo wa kusumuka, sunga ko ku cikolongo ca Alaba, mhelo ya kutakama.”

Yohana 7:2

Sikukuu ye Wayahudi ye vibanda, yali yasejelela.