2 Zinghomo 7:7 - Luganuzi Luswanu Kuli Wanhu Wose 2002

⁷ Mutemi Solomona, yakahasiwanula ha wuduwilo, wono wali haciligati, ha mwande ye Nyumba yo Mulungu. Hanyuma yakalavya ne vilavywa vinyanywe, ne vilavywa vyo wusaje hamonga ne mafuta ga mu vilavywa vyo mulamu. Nayo yanoza nhavivyo, vyono ci cilya cikumbicilo ce shaba cono yacinoza, cali cidodo muno, si cali cikwile ku wulavizya vilavywa vyose vivyo.

2 Zinghomo 7:7 ပူးပေါင်းရင်းမြစ်များ

2 Zinghomo 36:14

Hamonga na zizo, sunga ne walongola wose wa Yuda, hamonga ne wakohani wose, sunga ne wanhu wose, wakawa kuwutyatya musambo mubi we makungugo gono gali gawapilime, wakawa nawo wakuhemba vihwani. Na mu nzila yiyo, wakayavufya Nyumba yo Mulungu, yono u Muwaha Mulungu mweneco yayeza yiwe yelile.

2 Zinghomo 4:1

Mutemi Solomona yali yena cikumbicilo ca shaba, cono cali cina wugazi wayo mita yicenda mbavu zose, no wutali wayo wa kucanyha mita yine na nusu.

Wuwale 29:39

Na wuwu wo wityatye wa kuli vilavywa vinyanywe, ne vilavywa vyo wusaje, ne vilavywa vye divayi, hamonga ne vilavywa vyo mulamu, vyono mowa kumunozeza Muwaha Mulungu, mu zisikukuu ze mazuwa gayo mahagulwe. No wityatye wuwu, wowa sunga na kuli vilavywa vyenyu vyono mukulavya, so wufisilize wo wilahize wenyu, hamba mu vilavywa vye lihewa.