2 Zinghomo 7:6 - Luganuzi Luswanu Kuli Wanhu Wose 2002

⁶ Nawo wakohani wakema i hanhu hono wali wawiciywe, nawo Walawi wakawa wedomilenawo, akuno, wakamukumya Muwaha Mulungu mu viya vyo kwimbila, vyono mutemi Dawudi yavilavya, wakwimba ne zinyimbo wakutya, “Lusungu, lwakwe lwikalaga cibitilila!” Nha vyono walajilizwa no mutemi Dawudi. Nawo wakohani wakazitowa zindulele ha mwande yawo, ne Waisilayeli wose wali wemile wima.

2 Zinghomo 7:6 ပူးပေါင်းရင်းမြစ်များ

1 Zinghomo 13:8

Mwene Dawudi hamonga ne wanhu wose, wakawa wakuvina kwe vilungo vyawo vyose, wakumulumba Mulungu. Wakawa wakwimba akuno wakuvina, wakutowa ne zifilimbi, ne zindonondo, ne zing'oma, ne zimbilili, ne zindulele.

1 Zinghomo 15:24

Nawo i Wakohani: Shebaniya, Yoshafati, Netaneli, Amasayi, Zekaliya, Benaya, na Eleyezali, wawa wose wahagulwa wawe wo watowa zindulele ha mwande ye Lisanduku lye Cilagane.

1 Zinghomo 16:34

Mulumbenyi Muwaha Mulungu, hambi nha yali 'hewa hambi lusungu lwakwe nha lwa cibitilila.

2 Zinghomo 23:18

Yehoyaga mukohani, yakawawika wakohani ne Walawi, wawe wo walanjilizi we milimo yose ya mu Nyumba yo Mulungu. Nawo wakawa wakwituma milimo yawo, nha vyono wawicilwa no mutemi Dawudi, hamonga no kunyanya makumbiko i malavye kuli Muwaha Mulungu, nha vyono winha wulajilize wa Musa. Kanyhi wakawa wo walanjilizi we zinyimbo hamonga no wityatye we zisikukuu zose.

2 Zinghomo 29:25

Nayo mutemi Hezekiya, yakazinoza zose nha vyono Muwaha Mulungu yamulajiliza mutemi Dawudi, muli Gadi u muwizi wo mutemi, kanyhi na muli muwizi Natani. Hezekiya yakawawika Walawi mu Nyumba yo Mulungu, hamonga ne watowa masumbi, ne ndonondo ne misesele.

2 Zinghomo 29:27

Hanyuma, mutemi Hezekiya, yakalajiliza vilavywa vinyanywe vyanze kulavywa. Ne vilavywa vyali vyeza kwanza kulavywa, i wanhu nawo wakawa wakwimba wakumukumya Muwaha Mulungu. Nawo i wembi, wakawa kwanza kutowa zindulele hamonga ne viya vyose vyo kwimbila.

2 Zinghomo 5:12

Ne Walawi iwembi, wose kono walila, wa Asafu, na Hemani, na Yedutuni, hamonga na wo lulelo lwawo, wose wali wavwalile vivwalo vizelu 'swe. Nawo wawa Walawi, wakema ku lubavu lwa kucilima, behi ne cikumbicilo, akuno webate ne misesele ne masumbi ne zindonondo. Kanyhi hakawa na wakohani yigana limonga na makumi mejete, wono watowaga zindulele.

2 Zinghomo 5:13

Nawo i wembi, wembaga wose hamonga kwe mazi maswanu muno, hamonga ne zindulele ne misesele, ne masumbi, hamonga ne vinhu vinji vinji vyono watowaga, wakumukumya Muwaha Mulungu wakutya, “Muwaha Mulungu yalumbwe, hambi nha muswanu. No lusungu lwakwe nha lwa cibitilila.” Likaza yivunde kwa nhinicizo, likayimemya nhojo yo Muwaha Mulungu mumo mu Nyumba yakwe.

2 Zinghomo 7:3

Nawo wanhu wa Isilayeli wali weza kuwuwona moto wukugwa wulawa ku wulanga, hamonga no wuzelu wamema mu Nyumba yo Mulungu, hobaho wose wakafugama hasi, no wusu wawo wukapamiza ho hasi, wakamuhemba Mulungu no kumulumba so wuswanu wakwe hamonga no wendo wakwe we cibitilila.

2 Zinghomo 7:5

Mutemi Solomona, yakalavya makumbiko, ng'ombe elufu makumi mejete na nyejete, hamonga na ngholo elufu yigana limonga na makumi mejete, vilavywa vyo mulamu. Hanyuma nhondo u mwene hamonga ne wanhu wakwe ho wakawa kuyisiwanula Nyumba yo Mulungu.

Ezila 6:18

Wakawawika wakohani mu wilecele wawo we milimo yawo, ne Walawi nawo, mu witumami wo mulimo wa mu Nyumba yo Mulungu mu Yelusalemi, nha vyono wulajilize wa Musa watezaga mu citabu cakwe.

Zabuli 106:1

Yalumbwe Muwaha Mulungu! Mulumbenyi Muwaha Mulungu, hambi nha muswanu, no lusungu lwakwe nha lwikalaga cibitilila!

Zabuli 107:1

“Mulumbenyi Muwaha Mulungu vyono muswanu, hambi lusungu lwakwe nha lwikalaga cibitilila!”

Zabuli 138:8

Gwe go Muwaha Mulungu, kozifisiliza zose zono wehuwiza. No lusungu lwako 'gwe go Muwaha Mulungu, nha lwikalaga cibitilila. Wuyikondeleze milimo yako yono wayanza.

Zabuli 87:7

Nawo wose wakwidawala, akuno wakwimba wakutya, “Agwe Sayuni yo gwegwe mwamulizo wetu.”

Isaya 52:6

Ninga mu vilo vyono vikuza, agwe ho kolomanyila nha vyono ane yo nene Mulungu mono nalonga kuli'gwe.”

Amosi 6:5

Anye mono mwendile kutula zinyimbo, nha vyono Dawudi yanoza, no kwimba hamonga ne mazi ge masumbi.

Yoshuwa 6:4

Na mwi'zuwa lyo mupunghati, wakohani mupunghati, wasole munhu ndulele monga ye hembe lya nduwilu, walongolele ku mwande ye Lisanduku lye Cilagane. Nagwe, hamonga ne wasilikale wako, mulipilimaje likaya, sunga kali mupunghati, akuno i wakohani nawo wajendeleye du wakutowa zindulele zawo.