2 Zinghomo 7:5 - Luganuzi Luswanu Kuli Wanhu Wose 2002

⁵ Mutemi Solomona, yakalavya makumbiko, ng'ombe elufu makumi mejete na nyejete, hamonga na ngholo elufu yigana limonga na makumi mejete, vilavywa vyo mulamu. Hanyuma nhondo u mwene hamonga ne wanhu wakwe ho wakawa kuyisiwanula Nyumba yo Mulungu.

2 Zinghomo 7:5 ပူးပေါင်းရင်းမြစ်များ

1 Zinghomo 29:21

Na mwi'zuwa lye kejete, wakawulaga mitugo, wakalavya makumbiko, wakeyeza so Muwaha Mulungu, na hanyuma wakawapela wanhu walye. Hamonga na zizo, wakalavya makumbiko, ng'ombe elufu monga, na nduwilu elufu monga, na nyana za ngholo nazo elufu monga. Zono wazinyanya mu moto, mucanyha ye cikumbicilo zili muvilima. Kanyhi wakaleta ne vilavywa vye divayi.

2 Zinghomo 1:6

Mutemi Solomona, yakamulavizya Muwaha Mulungu makumbiko mu cikumbicilo cico ce shaba, cono cali ciwice baho ha mwande ye Lihema lyono Lyelile. Yakawulaga mitugo elufu monga, yakayilavya cilavywa cinyanywe, yakayikongojeza mucanyha ye cikumbicilo cico.

2 Zinghomo 15:11

Na mwi'zuwa lilyo, wakalavya makumbiko mu wulawa mu vinhu vyono waviteka ku wulugu, ng'ombe magana mupunghati, na ngholo elufu mupunghati.

2 Zinghomo 2:4

Alu nane nanza mulimo wo kuzenga Nyumba yo Mulungu wangu. Ne Nyumba yiyo, howa ho hanhu hono helile hono i wanhu wangu, hamonga na nene, cowa kumuhemba Muwaha Mulungu, u Mulungu wetu, akuno cikufusa no wuvumba we mhunjile swanu, no kumulavizya vilavywa vyo mukate wono welile vilo vyose. Kanyhi ciwe kumulavizya sunga ne vilavywa vinyanywe nhondo zose, hakali mitondo ne cinyamihe. Sunga na mu vilo vyose vye Sabato, na mu zisikukuu ze ndawo yo mwezi, na mu vilo vinji vyose vyono vyelile, ciwe kumupela lilumbo Muwaha Mulungu, u Mulungu wetu. Hambi nha vyo yawalajiliza Waisilayeli, weze kunoza nhavivi cibitilila.

2 Zinghomo 30:24

Mutemi Hezekiya yakalavya ng'ombe elufu monga, hamonga na ngholo elufu mupunghati, ho wanhu walye. Wetumami wo mutemi, nawo wakalavya ng'ombe elufu monga nhavivilya, hamonga na ngholo elufu yikumi. Ne wakohani wenji wakeyeza.

2 Zinghomo 5:6

Nayo mutemi Solomona, hamonga ne wanhu wose wa Isilayeli, wakekongholela ha mwande ye Lisanduku lye Cilagane, wakalavya makumbiko ga ngholo nyinji, hamonga na ng'ombe nyinji muno, hamba si za kuwala.

2 Zinghomo 7:4

Hanyuma ya zizo, mutemi Solomona, hamonga ne wanhu wose, wakawa kumulavizya Muwaha Mulungu makumbiko.

2 Zinghomo 7:6

Nawo wakohani wakema i hanhu hono wali wawiciywe, nawo Walawi wakawa wedomilenawo, akuno, wakamukumya Muwaha Mulungu mu viya vyo kwimbila, vyono mutemi Dawudi yavilavya, wakwimba ne zinyimbo wakutya, “Lusungu, lwakwe lwikalaga cibitilila!” Nha vyono walajilizwa no mutemi Dawudi. Nawo wakohani wakazitowa zindulele ha mwande yawo, ne Waisilayeli wose wali wemile wima.

Ezekiyeli 45:17

Nayo mutemi, wowa wo mulimo wakwe kuzilavya zimitugo so vilavywa vinyanywe, hamonga ne vilavywa vyo wusaje, ne vilavywa vye divayi so nghungugo yose ya Isilayeli, mu mapango ge zisikukuu ze ndawo yo mwezi, na mu zi Sabato, sunga na mu zisikukuu zinji zinji zose. Mwene yo kolavya i vilavywa vyo wubi, na vyo wusaje, ne vilavywa vinyanywe, hamonga ne vilavywa vyo mulamu ho yawanozeze wilamule i wanhu wa Isilayeli.”

Mika 6:7

Muwaha Mulungu kokwendezwa hono nimutegulile matewa na matewa ge zingholo, hamba makolongo elufu na elufu ge mafuta ge mizeyituni, yono si yidumaga? Hamba nimulavizye mwanangu mulongozi kulelwa, ho ndipile wubi wangu?

Wuwale 7:10

I walongola wa wano, wakaleta kanyhi vilavywa vinji so mulimo wo wuhembi wo kucisiwanula cikumbicilo. Na lono wali wewikaniza ku wulete vilavywa vyawo ku cikumbicilo,

Yohana 10:22

Kuko ku Yelusalemi, kwali koyili Sikukuu yo Wusiwanule we Nyumba yo Mulungu, mu vilo vye cinyuli.