2 Zinghomo 7:3 - Luganuzi Luswanu Kuli Wanhu Wose 2002

³ Nawo wanhu wa Isilayeli wali weza kuwuwona moto wukugwa wulawa ku wulanga, hamonga no wuzelu wamema mu Nyumba yo Mulungu, hobaho wose wakafugama hasi, no wusu wawo wukapamiza ho hasi, wakamuhemba Mulungu no kumulumba so wuswanu wakwe hamonga no wendo wakwe we cibitilila.

2 Zinghomo 7:3 ပူးပေါင်းရင်းမြစ်များ

1 Watemi 18:39

Nawo wanhu wali weza kuziwona zizi, wakebamiliza hasi, wakazoza wakutya, “Muwaha Mulungu yo Mulungu, u Muwaha Mulungu yo Mulungu yali wene du!”

1 Zinghomo 16:34

Mulumbenyi Muwaha Mulungu, hambi nha yali 'hewa hambi lusungu lwakwe nha lwa cibitilila.

1 Zinghomo 16:41

Hamonga na wana, hakawa ho yuli Hemani ne Yedutuni hamonga ne wayawo wanji wono wahagulwa so mulimo wo kwimba du, ho wamukumye Muwaha Mulungu so lusungu lwakwe lwe cibitilila.

1 Zinghomo 29:20

Hanyuma Dawudi yakawalajiliza wanhu yakatya, “Ale, mukumyenyi Muwaha Mulungu, u Mulungu wenyu.” Ne lipuga lyose lye wanhu, wakamukumya Muwaha Mulungu, u Mulungu we walezi wawo, wakenama, wakamupela lilumbo Muwaha Mulungu, hamonga no mutemi.

2 Zinghomo 20:18

Hobaho mutemi yehoshafati yekenama no wusu wakwe wukapamiza ho hasi, ne wanhu wose nawo nhavivyo, wakenama no wusu wawo wukapamiza ho hasi, wakamuhemba Muwaha Mulungu.

2 Zinghomo 20:21

Nayo mutemi yali yeza kukondya kuwaloloseza wanhu zizo, hobaho yakalajiliza i wembi, wavwale myenda yawo yono wayitumamilaga mu zisikukuu ze vilo vyono vyelile. Hanyuma walongole ku mwande ye lipuga lyose lye wasilikale wawe kwimba wakutya, “Muwaha Mulungu yalumbwe! Hambi lusungu lwakwe nha lwa cibitilila!”

2 Zinghomo 29:28

Ne wanhu wose wono wali wali baho, wakelunza mu wuhembi. Nawo i wembi, wakemba, na we zindulele nawo wakatowa, zikajendelela zose sunga wakakondeleza ku wulavya vilavywa vinyanywe.

2 Zinghomo 29:29

Hanyuma ya zizo, u mutemi Hezekiya, hamonga ne wanhu wose, wakafugama hasi, wakamuhemba Mulungu.

2 Zinghomo 29:30

Hanyuma, mutemi hamonga ne walongola wose, wakawalomba Walawi wajendelele kwimba, wamwimbile Muwaha Mulungu zinyimbo zo kumukumya, zono zandikwa na Dawudi, na zono yazandika Asafu u muwizi. Ne wanhu wose wakemba na nyemo mbaha muno. Lono wali wakali wafugame, wakamuhemba Mulungu.

2 Zinghomo 5:13

Nawo i wembi, wembaga wose hamonga kwe mazi maswanu muno, hamonga ne zindulele ne misesele, ne masumbi, hamonga ne vinhu vinji vinji vyono watowaga, wakumukumya Muwaha Mulungu wakutya, “Muwaha Mulungu yalumbwe, hambi nha muswanu. No lusungu lwakwe nha lwa cibitilila.” Likaza yivunde kwa nhinicizo, likayimemya nhojo yo Muwaha Mulungu mumo mu Nyumba yakwe.

Ezila 3:11

Wakemba wakumukumya Muwaha Mulungu. Wembaga no kuwuyajiza wuyajiza wakutya. “U Muwaha Mulungu muswanu, kuli Waisilayeli. No lusungu lwakwe lwa cibitilila.” Wose wakawa kwimba wazozize kwe vilungo wakumukumya Muwaha Mulungu, so mulimo wo musinji wono wali wanzwa, wo kuyizenga Nyumba yo Mulungu.

Zabuli 100:5

Hambi u Muwaha Mulungu nha muswanu, no lusungu lwakwe lwikalaga cibitilila, ne mbeka yakwe yikalaga mu zindelo zose.

Zabuli 103:17

Ninga lusungu lo Muwaha Mulungu, lwikalaga cibitilila, kuli wose wono wamogopile, no wuswanu wakwe wikalaga mu zindelo zose,

Zabuli 106:1

Yalumbwe Muwaha Mulungu! Mulumbenyi Muwaha Mulungu, hambi nha muswanu, no lusungu lwakwe nha lwikalaga cibitilila!

Zabuli 107:1

“Mulumbenyi Muwaha Mulungu vyono muswanu, hambi lusungu lwakwe nha lwikalaga cibitilila!”

Zabuli 118:1

Mulumbenyi Muwaha Mulungu, hambi nha muswanu. No lusungu lwakwe nha lwikalaga cibitilila.

Zabuli 95:6

Nzonyi cifugame no kumuhemba, cimufugamile Muwaha Mulungu, Muwumbi wetu!

Wutuluce 4:31

Nawo wanhu wakehuwila. Nawo wali weza kuhulika vyono Muwaha Mulungu kawaziza, kawona na vyono wakugazwa muno, hodu, wakenamya mitwe yawo hasi, wakahemba.

Isaya 63:7

Nane nolukumya lusungu lo Muwaha Mulungu, na kanyhi nghumukumya muno so zose zono yakondya kucitendela. Hambi nha kawamotya muno i wanhu wa Isilayeli ku soko yo lusungu lwakwe no wendo wakwe.

Yelemiya 33:11

mazi ge nyemo, hamonga no wusangalale. Hamonga ne mazi nyemo ge zindigwa ze halusi. Kanyhi kolowahulika wanhu wakwimba lono wakulavya vilavywa vyo wulumbe mu Nyumba yangu. Wolowa kwimba wakutya nhavi, ‘Mulumbenyi Muwaha Mulungu u Mudaha vyose, hambi mwene nha muswanu no lusungu lwakwe lwa cibitilila.’ “Nane noloyimotya yisi yiyi, yiwe nha vyono yali sonje. Vyo nghutya, ane no Muwaha Mulungu.”

Walawi 9:24

Nayo Muwaha Mulungu yakagumila moto nhinicizo, wukacitakamiza cilavywa cinyanywe hamonga ne mhama yose ya mu cikumbicilo. Nawo wanhu wali weza kuziwona zizo, wakazozeza wose hamonga, wakafugama, wakenamya wusu wawo sunga ho hasi.

Wuwale 14:5

Hobaho Musa na Haluni wakenama ho hasi, ha mwande ye wanhu wose.

Wuwale 16:22

Ninga Musa na Haluni wakenama sunga no wusu wawo wukapamiza ho hasi, wakatya, “Gwe go Muwaha Mulungu, nha yo gwegwe du mono yo ndawililo yo wumi wose. Alu hono munhu monga yasutye, agwe hodu kowakolelwa likuwo mhuga yose?”

Luka 1:50

No lusungu lwakwe luli kuli wanhu wose wono wamogopaga.