2 Zinghomo 7:2 - Luganuzi Luswanu Kuli Wanhu Wose 2002

² Hamba ne wakohani, si wasuma kwinjila mu Nyumba yo Mulungu, hambi Nyumba yo Mulungu, nha yali yimemile nhojo yo Muwaha Mulungu.

2 Zinghomo 7:2 ပူးပေါင်းရင်းမြစ်များ

1 Watemi 8:10

Ne wakohani lono wawukaga mugati ye Nyumba yo Mulungu, i Nyumba yo Mulungu yikamema nhinicizo livunde,

2 Zinghomo 5:13

Nawo i wembi, wembaga wose hamonga kwe mazi maswanu muno, hamonga ne zindulele ne misesele, ne masumbi, hamonga ne vinhu vinji vinji vyono watowaga, wakumukumya Muwaha Mulungu wakutya, “Muwaha Mulungu yalumbwe, hambi nha muswanu. No lusungu lwakwe nha lwa cibitilila.” Likaza yivunde kwa nhinicizo, likayimemya nhojo yo Muwaha Mulungu mumo mu Nyumba yakwe.

2 Zinghomo 5:14

Sunga ne wakohani, si wasuma kanyhi kujendelela no kuwulongoza wuhembi yaye. Hambi Nyumba yo Mulungu, nha yali yamema nhojo yo Muwaha Mulungu.

Zabuli 26:8

Gwe go Muwaha Mulungu, nyendile wikalo wa mu nyumba yako, ihanhu hono lwikaye u lukumyo lwako.

Wutuluce 24:17

No lukumyo lulo lo Muwaha Mulungu, lukejela ha meso ge Waisilayeli, kotya moto wono wukutakamiza mwi'tunda mucanyha.

Isaya 6:5

Nane hobaho nghawa kutya, “Woyi hee! Nha najilila! Hambi nghani zose zono nongaga mu mulomo wangu, nha ziwezaga 'mbi du, nane cikalane hamonga ne wanhu wono wekalaga wakulonga makani mabi du. Ninga nane luno ho nakondya kumuwona Mutemi, u Muwaha Mulungu we mihanga!”

Wugubule 15:8

U wuhembelo wukamema lyosi lyono lyaletwa no lukumyo ne vilungo vyo Mulungu, hasina hamba munhu wo wose mono yasuma kwinjila mu wuhembelo, sunga gaze gakondye kumalika magazo mupunghati mawaha, ge wamalayika wawalya mupunghati.