2 Zinghomo 26:6 - Luganuzi Luswanu Kuli Wanhu Wose 2002

⁶ Hanyuma mwi'zuwa linji, Uziya yakabita kwihoma ne Wafilisiti. Yakagamwagulanga majinji ge makaya ga Gati, na Yamuniya na Ashidodi. Mwene yakazenga makaya ganji ge magomawakali, behi na Ashidodi, hamonga na ku lubavu lono lwasigala lwe yisi ye Wafilisiti.

2 Zinghomo 26:6 ပူးပေါင်းရင်းမြစ်များ

Isaya 14:29

Nye nyo Wafilisiti, mulece kusangalala, mukutya hambi nghome yono mukatowelwa nha yabeneka, musina soko yo kusangalala nhavivyo. Mumanye nha vyono, lono nzoka monga yikufwa, yokuza kanyhi yono 'mbi kuciza yiyo yono yifwiye. Kanyhi mumanye nha vyono, ligangha lye lizoka, liganghasaga lizoka likali lyono ligulukaga.

2 Zinghomo 21:16

Hali ho wali Wafilisiti wanji, hamonga ne Walabu, wono wekalaga behi ne hanhu hono wali wekaye Wakushi mu mwalambalo we lilenga. Muwaha Mulungu yakawasagahiza wawo, wabite vikehome na Yeholamu.

1 Zinghomo 18:1

Hanyuma mutemi Dawudi, yakawahoma kanyhi Wafilisiti yakawasuma. Yakawawusiza lukulu mwi'kaya lya Gati.

2 Samwili 8:1

Kukawa hanyuma ya zizo, u mutemi Dawudi yakawahoma kanyhi Wafilisiti, yakawasuma. Yakawawusiza lukulu wutemi wawo wa mu yisi.

1 Samwili 5:6

Nayo Muwaha Mulungu yakawalipiciza wanhu wawo wa ku Ashidodi ko wusungu wuwaha muno. Yakawalipiciza wene, hamonga ne wanhu wose, wono wali wapilime behi behi ne yisi yawo, mu nzila yo kuwaletela mapu mu yisi yose.

1 Samwili 5:1

Nawo Wafilisiti wali weza kulisola Lisanduku lye Cilagane lyo Muwaha Mulungu, wakalidinghula, wakaliwusa kuko ku Ebene-zeli, wakalitegula kwi'kaya lyawo lya Ashidodi.

Amosi 1:8

Nowawusa wono wekaye mu makaya ga Ashidodi na Ashikeloni, hamonga ne watemi wawo. Kanyhi nolilipiciza likaya lya Ekiloni, ne wafilisiti wose wono wasigala, wofwa.”

Amosi 6:2

Mubite mulanje ta mwikaya lya Kaline. Hamba mwi'kaya liwaha lya Hamati, sunga ko kwi'kaya lya Gati, mu yisi ye Wafilisiti. Wulenyi, wena cinji cono cicizize wutemi wa Yuda na Isilayeli? Hamba yisi yawo, wuwaha wayo wucicize yisi yenyu?

Yoshuwa 15:11

U mupaka wukajendelela kanyhi sunga mwitunda ku lubavu lwa kusumuka ya Ekiloni, wukawuya ne nyuma kanyhi, wukakolela Shikeloni he 'tunda lya Baala, sunga ku Jabineli. Nawo mupaka wukadumila he 'lenga lya Meditelaneya

Yoshuwa 15:47

Kanyhi ganji Ashidodi na Gaza hamonga ne matumbi, ne vikaya vyono vyali vidomile no mupaka wa ku Misili, no mwejelele we lilenga lya Meditelaneya.

2 Zinghomo 11:8

Gati, Melesha, Zifu,

Isaya 20:1

Saligoni u mutemi wa Ashuli, yakamulajiliza musilikale muwaha we wasilikale we Waashuli wo wulugu, wabite wakayihome Ashidodi likaya lye Wafilisiti.