2 Zinghomo 2:3 - Luganuzi Luswanu Kuli Wanhu Wose 2002

³ Hanyuma Solomona yakawa kutuma wanhu kuli Hilamu, mutemi wa Tulo, wakamulonjele watye, “Nghukulomba, wunhendele nane nha vyono wamutendela baba Dawudi, vyono wamuguzizaga mabici go muhagata, so wuzenjela kaya yakwe ye likulu.

2 Zinghomo 2:3 ပူးပေါင်းရင်းမြစ်များ

2 Samwili 5:11

Ale, Hilamu u mutemi wa Tulo, yakatuma kuli Dawudi wanhu, yakamutegulila ne zimbawo ze mibici yo muhagata, hamonga ne waselemala, ne wanghula wo kusesa mabwe, ho wakamuzenjele Dawudi likaya lyo wutemi.

1 Zinghomo 14:1

Nayo Hilamu u mutemi wa Tulo, yakatuma wanhu kuli Dawudi, yakamutegulila ne mabici go muhagata, hamonga ne wazenji wanghula wo wuzenjela mabwe, ne waselemala, ho wamuzenjele Dawudi kaya ye likulu.

2 Zinghomo 13:11

Na nhondo zose, hakali mitondo ne cinyamihe, wakumulavizya Mulungu, wuvumba hamonga ne vilavywa vinyanywe vye zimitugo. Kanyhi wakulavya ne vilavywa vye mikate yono yelile, wakuyijeleka mu meza. Kanyhi nhondo zose cinyamihe, wakukoleleza zitala mucanyha yo wuwiko wayo wa zahabu. Nase cikwituma nhondo zose, zono Muwaha Mulungu yalajiliza, ninga anye mwakondya kumuleka.

2 Zinghomo 24:14

Nawo wunozelezi we Nyumba yo Mulungu wali weza kukondya, zahabu yose yono yasigala, hamonga ne fweza, wakayileta kuli mutemi hamonga na Yehoyada mukohani. Nawo wakanoza zibakuli ne viya vye hayo hayo so Nyumba yo Mulungu. Mu vilo vyose vyono Yehoyada yali yakali cawumi, makumbiko galavizwaga nhondo zose ha Nyumba yo Mulungu.

2 Zinghomo 4:19

Mutemi Solomona, yakanoza ne viya vye zahabu so Nyumba yo Mulungu, nha cinji, cikumbicilo, hamonga ne zimeza zo kuwika mikate yono yali milavywe kuli Mulungu.

2 Zinghomo 8:13

Yakalavya vilavywa vinyanywe mu nghango nha vyono Wulajilize wa Musa wali wulajilize mu vilo vyose vyono vyelile. Yakalavya mu vye zi Sabato, na so sikukuu ze ndawo yo mwezi, na so zi sikukuu yidatu za mu mwaka, nha cinji, sikukuu ye mikate yono yisina cisase, ne sikukuu ye nhwanga, ne sikukuu ye vibanda.

Ezila 6:3

“Mu mwaka mulongozi wa mu wuteme wakwe mutemi Koleshi, yalajiliza vyono Nyumba yo Mulungu yizengwe ku Yelusalemi. Ho hanhu hono gonozezwa makumbiko gose, hamonga ne vilavywa vinyanywe. Ne Nyumba yiyi yo mulungu yiweze no wutali wo kubita kucanyha, wa mita makumi mejete na mupunghati, no wugazi wa mita makumi mejete na mupunghati.

Nehemiya 10:34

Ase wose, ne Wakohani, hamonga ne Walawi, cowa kuhagula mu mwaka, mu nzila yo kutowa kula, ho ciyituje mhuga ya hayi yono yowa kuleta zingwagu, zo kunyanyila cilavywa cinyanywe kuli Muwaha Mulungu, u Mulungu wetu, nha vyono Wulajilize wukulolosa.

Wutuluce 25:30

Ne meza yiyo, wuyiwikaje ha mwande ye Lisanduku lye Cilagane, na mucanyha ye meza yiyo, mo kowa kuyiwika nhondo zose mikate yono yelile i milavywe kuli'ne.”

Wutuluce 29:38

“Na mu vilo vyose vyono vikuza, weze kulavya vilavywa mu cikumbicilo vinhu avi, nyana nyejete za ngholo zono zificile mwaka monga.

Wutuluce 29:39

Nyana nongozi wuyiwulaje hakali mitondo, na ye kejete nayo wuyiwulaje mwi'pango lye cinyamihe.

Wutuluce 29:41

Ne ngholo nzagwe nayo wuyiwulaje, wuyilavye hamonga ne cilavywa co wusaje na ce cing'wegwa, nha vyono wunozize hakali mitondo. Ne mhunjile ye cilavywa cico yono yikunozwa no moto, yonyendeza muno ane no Muwaha Mulungu.

Wutuluce 30:7

Nayo Haluni nhondo zose lono yakuhelela mugati ha wunozeleza zitala zono zili baho, kosuma kufusa wuvumba mucanyha ye cikumbicilo cico, wono wina mhunjile swanu.

Walawi 23:2

“Wulajilize wono wunojeye wukamiswe lono wanhu wa Isilayeli wakunoza zisikukuu ze cidini, lono wakwihanguliza hamonga mu wuhembi.

Walawi 9:17

Yakaleta ne cilavywa co wusaje, yakawumemya mwi 'ganza, yakawukongoga mu cikumbicilo. Na yiyi yali nyonjeza ye cilavywa cinyanywe ce nhondo zose.

Wuwale 28:11

Weze kumulavizya Muwaha Mulungu cilavywa cinyanywe mwi'zuwa lilongozi lya mu myezi yose. Weze kulavya nzeku nyejete, hamonga ne nduwilu monga, hamonga na nyana za ngholo nume za mwaka monga, zili mupunghati, nazo zose zeze nhelevu, zono zisina cilema co cose.

Wuwale 28:9

Na mwizuwa lye Sabato, wulavye nyana za ngholo nume nyejete, nhelevu, zono zisina cilema co cose, hamonga no wusaje kilo nyejete muhanzahanze ne mafuta, wuwe cilavywa co wusaje.