2 Zinghomo 1:4 - Luganuzi Luswanu Kuli Wanhu Wose 2002

⁴ (Ninga Lisanduku lye Cilagane, lulo lyali lili ku Yelusalemi, liwicigwe mugati ye lihema lyono mutemi Dawudi yalikoma, lono yaliletela Lisanduku lye Cilagane, ku wulawa ku Kiliyati-yeyalimu.

2 Zinghomo 1:4 ပူးပေါင်းရင်းမြစ်များ

2 Samwili 6:17

Wakawa kulileta Lisanduku, wakaliwika mwihema lyono Dawudi yali yaliwikanize so mulimo wuwo. Hanyuma, yakalavya makumbiko, hamonga ne vilavywa vyo mulamu, kuli Muwaha Mulungu.

2 Samwili 6:2

yakawa kuwategula ku Bala, mu yisi ya Yuda, ho wakalisole Lisanduku lyo Mulungu lye Cilagane, mono litambulilwagwa litagwa lyo Muwaha Mulungu we mihanga vilungo, mono kekalaga mucanyha ye makelubi.

1 Zinghomo 15:1

Lulo Dawudi yakazenga zikaya mwi'kaya lyakwe mweneco, yakanozelezeza lukulu hanhu ho kuliwika Lisanduku lye Cilagane, yakakoma lihema.

1 Zinghomo 15:12

Yakawalonjela i Walawi yakawatya, “Anye yo nyenye mono muli walongola we mhuga ye Walawi, holeka yo nyenye mono mosuma kulidinghula Lisanduku lye Cilagane lyo Muwaha Mulungu we Waisilayeli, mulilete, muliwice i hanhu hono nakondya kuhawikaniza. Holeka munojeye mwiyeze hamonga ne Walawi wayenyu.

1 Zinghomo 15:3

Hobaho Dawudi yakawakongholela wanhu wose ku Yelusalemi, ho wabite wakalilete Lisanduku lye Cilagane, waliwice i hanhu hono mwene yali yakondya kuhawikaniza.

1 Zinghomo 16:1

Wakalitegula Lisanduku lye Cilagane, wakalinjiza mwihema lyono Dawudi yali yakondya kuliwikaniza so mulimo wuwo. Hanyuma ya zizo, wakalavya makumbiko, hamonga ne vilavywa vyo mulamu kuli Mulungu.

2 Zinghomo 5:2

Hanyuma yayo, u mutemi Solomona, yakawa kuwacema walongola wose wa mu milango ye Waisilayeli, hamonga ne wawaha we zimhuga, wekongholele ku Yelusalemi, ho walisole Lisanduku lye Cilagane lyo Mulungu ku wulawa ku Sayuni mwi'kaya lya Dawudi, walinjize mu Nyumba yo Mulungu.

2 Zinghomo 6:2

Ninga alu nakondya kukuzenjela Nyumba yako, i hanhu hako hono kosuma kwikala cibitilila.”

Yoshuwa 9:17

Hobaho wanhu Waisilayeli wakawa kutuluka, wakajenda muhinzo wa vilo vidatu, wakawa kufika mu makaya gono wanhu wawa wekalaga, Gibeyoni, Cefila na Beyeloti, na Ciliyati-yeyalimu.