2 Zinghomo 1:2 - Luganuzi Luswanu Kuli Wanhu Wose 2002

² Hanyuma Solomona yakawalonjela wetumami wose, wono wali walanjilizi we vipuga vye wasilikale elufu monga monga, na we ligana limonga limonga, hamonga ne walongola wose we selekali, hamonga ne wawaha wose we zimhuga, hamonga ne wanhu wose,

2 Zinghomo 1:2 ပူးပေါင်းရင်းမြစ်များ

1 Watemi 3:4

Mwi'zuwa linji, Solomona yakabita ku Gibeyoni ho yakalavye makumbiko kuko, hambi kuko ku Gibeyoni, nha ho hali hocili cikumbicilo cono cali cikumucile muno. Nayo halulongozi, yali yakondya kulavya kuko vilavywa vinyanywe magana na magana.

1 Zinghomo 13:1

Mutemi Dawudi, yamula kuduwana ne wetumami wakwe i walongola wawaha, we vipuga vye wasilikale elufu monga monga, ne walongola we vipuga vye wasilikale yigana yigana.

1 Zinghomo 15:12

Yakawalonjela i Walawi yakawatya, “Anye yo nyenye mono muli walongola we mhuga ye Walawi, holeka yo nyenye mono mosuma kulidinghula Lisanduku lye Cilagane lyo Muwaha Mulungu we Waisilayeli, mulilete, muliwice i hanhu hono nakondya kuhawikaniza. Holeka munojeye mwiyeze hamonga ne Walawi wayenyu.

1 Zinghomo 15:3

Hobaho Dawudi yakawakongholela wanhu wose ku Yelusalemi, ho wabite wakalilete Lisanduku lye Cilagane, waliwice i hanhu hono mwene yali yakondya kuhawikaniza.

1 Zinghomo 24:31

Nawo wawaha we zimhuga zose, hamonga ne wanakwazawo, wakatowelwa kula nhavivyo, ho wawikwe mu milimo yawo. Nawo wakanozezwa nha vyono wandugu zawo i wana we wakohani i wana wa Haluni wanozezwa. Nayo mutemi Dawudi yali yali baho, hamonga na Zadoki mukohani, na Ahimeleki, ne wawaha wose we zimhuga ze wakohani, hamonga na ze Walawi, wose wali wali baho, wakuzihomelela zizi.

1 Zinghomo 24:4

I wana wa Eleyezali, wakegawa mu vipuga yikumi na mutandatu, i wana wa Itamali, wakegawa mu vipuga munana. Nazo ziketumwa nha vivi, vyono muli wana wa Eleyezali mwali mo wali wana wenji i walongola wa mu zimhuga.

1 Zinghomo 27:1

Ale, awano hano, lyo liwalo lye wawaha we zimhuga ne milango ye Waisilayeli, hamonga ne wetumami wawa, i walulicizi wo mulimo wo mutemi. Na mu myezi yose ya mu mwaka mututu, welecelaga vipuga hayo hayo, vipuga vya wanhu elufu makumi mejete na yine, hasi yo wulanjilizi wo mulanjilizi monga, wa mu mwezi wuwo.

1 Zinghomo 28:1

Mutemi Dawudi, yakawacema wawaha wose we Waisilayeli, wehangulizize ku Yelusalemi. Holeka wawaha wose wa mu milango ye Waisilayeli, ne wawaha walulicizi wo mulimo wo wutemi, ne walongola wose wa mu zimhuga, ne walanjilizi we sawo ne mitugo zo mutemi, ne wanagwe, ne wetumami wa mwi'kulu, ne wawaha we wasilikale, hamonga ne wanhu wawaha, wose wawo wakehanguliza ku Yelusalemi.

1 Zinghomo 29:1

Hanyuma mutemi Dawudi yakawa kanyhi kuwalonjela wanhu wose wono wali wehangulize baho, yakawatya, “Mwanangu Solomona, yo yuyu mono Mulungu yamuhaguye. Ninga 'lu yakali mudodo, kanyhi yakali yasina wuzowele wo mulimo wuwu. No mulimo wuwu nawo ho muwaha muno, hambi nyumba yiyi yo mutemi, nha si nyumba ya munhu, langa yo Nyumba yo Mulungu.

2 Zinghomo 1:3

yakawalajiliza wabitane nayo hanhu ho kuhembela ku Gibeyoni. Wabita kuko, vyono ho hanhu hono hali holili Lihema lyono Lyelile, lyono Musa u mwitumami wo Muwaha Mulungu, yalinozeza mu nyika.

2 Zinghomo 29:20

Nayo mutemi Hezekiya yali yeza kuzihulika zizo, lolulo lulo, yakawa kuwakonghola hamonga i wawaha wose wa mwi'kaya, wakawa kubita wose hamonga ku Nyumba yo Mulungu.

2 Zinghomo 30:2

Holeka mutemi Hezekiya, ne wetumami wakwe, hamonga ne wanhu wa Yelusalemi, wakelumbaniza vyono wayinoze sikukuu yiyo mu mwezi we kejete.