2 Watemi 7:9 - Luganuzi Luswanu Kuli Wanhu Wose 2002

⁹ Ninga hanyuma wakakumbucila, wakalongana weneco wose wakutya, “Ninga si yowa viswanu hono cijendelele kunoza nhavivi! Hambi ayino nha nghani swanu, holeka si yowa viswanu hono cinyamale nayo. Na hono cilindile sunga welelecele, ho cikayilonje nghani yiyi, cimanye vyono cotuga wulipicizwe. Holeka alenyi cibite lulu baha du, cikawalonjele wetumami wo mutemi!”

2 Watemi 7:9 ပူးပေါင်းရင်းမြစ်များ

Isaya 52:7

Yo nghani yo wizine lono wukuwona munhu yakuza yakolile mu matunda, yakuleta nghani swanu, nghani yo mulamu! Mono yakuganula zo wusume, yakuyitya Sayuni, “Mulungu wako yo mutemi!”

Wafilipi 2:4

Halece kuwa na yunji mono yakulondola cambuzi cakwe mweneco du, langa cambuzi co muyagwe.

Nahumu 1:15

Lanje, u muganuzi yakuza yakulawa mucanyha ye matunda, hamonga no luganuzi Luswanu, mono yakwanza zo mulamu. Mwene yali mu nzila yakwe ho yanze zo wusume. Nanye nyo wanhu wa Yuda, mwibate zi sikukuu, kanyhi mumufisilizize Mulungu vyono mwamwihuwiziza. Hambi i wabi, nha si wolokwinjila kanyhi no kuyihoma yisi yenyu. Hambi nha wakondya kuwusizwa lukulu!

Isaya 41:27

Ane yo nene Muwaha Mulungu, mono nali mulongozi kuyilonjela Sayuni zinghani zizi. Kanyhi nghategula zinghani na ku Yelusalemi, nghawalonjela nghatya, ‘I wanhu wenyu wakuza, wakuwuya kono kaya!’

2 Watemi 7:3

Hakawa na wanhu wane wono wali wena wutamwa wo wukoma, wanhu wawa, wali wekaye hanze ye malango ge likaya lya Samaliya, wakawa kulongana weneco wose wakutya, “Ase, yili ciba cikale bahano du sunga cifwe,

Wuwale 32:23

Ninga hono mubene wihuwizo wenyu, mbeka nghumusugulenyi, vyono, mowa mwamusutizya Muwaha Mulungu. Holeka mulecele lukulu kusutya muli yiyi, hambi hono mubene wihuwizo wenyu, nha molipicizwa ku soko yo wubi wenyu.

Luka 2:10

Malayika yakawatya, “Mulece kogopa, ane nghumuletelenyi Luganuzi Luswanu lwe nyemo mbaha kuli wanhu wose,

Zimbazi 24:16

Kanyhi si nghani yaye, u munhu we ling'ani, hamba yagwe kali kenji, ninga kenukaga du kanyhi, vilo vyose. Ninga i wabi wongomezwaga no wutamiswe.

2 Watemi 7:6

Hambi Muwaha Mulungu nha yawanoza Wasiliya wahulice nha mukukunzo we misindo ye wasilikale wenji muno muno wakuwaziza, hamonga ne zifwalasi, ne matuka go wulugu. Holeka Wasiliya wakehwesa nha vyono, mutemi wa Isilayeli kawalalika u mutemi we Wahiti, na we Wamisili, hamonga ne wasilikale wawo wo wulugu, waze wamutaze, ho wawahome Wasiliya.

2 Watemi 7:8

Nawo wa walya i wanhu wane wo wutamwa wo wukoma, wali weza kufika behi ha mhelo ye nghambi, wakenjila mwi'hema linji, wakalya, wakang'wa vyono vyali mumo mwi'hema. Wakasola zifweza, ne zizahabu, hamonga ne vivwalo vyono wavyagana mumo, wakatuluka navyo, wakabita kuvihundika. Hanyuma wakawuya ne nyuma, wakenjila kanyhi mwi'hema linji, waketuma nhavivilya.

2 Watemi 7:10

Hobaho wakawa kutuluka, wakawa kubita ko ku Samaliya, wakawalomba walindilizi we milango ya mwi'kaya, wakawatya, “Ase cibita sunga ko ku nghambi yono wali wapanjile wanhu wa Siliya, nase si cagane, hamba kuwona munhu wo wose. Ne zifwalasi hamonga ne zindogowe zose, vyo ziwopigwe du, sunga ne mahema gose, nago malekwe du hamonga na vyose vyono vili mugati yago, hambi Wasiliya nha wakondya kuwuka.”

2 Watemi 5:4

Nayo Naamani yali yeza kuzihulika zizo, hodu yakamubitila mutemi, yakamulonjela zose zono muhinza yuyo yazilonjile.