2 Watemi 1:3 - Luganuzi Luswanu Kuli Wanhu Wose 2002

³ Ninga malayika wo Muwaha Mulungu, yakamutuma muwizi Eliya, wa ku Tishibi, yabite viketang'anile ne wanhu wono watumigwe no mutemi Ahaziya, yakawawuze yatye, “Alu 'nye! Nhawulenyi lu mukubita mukawuze kuli Baalizebubu u mulungu we wanhu wa Ekiloni? Hamba mukwihwesa 'nye hasina Mulungu mu Isilayeli lo?

2 Watemi 1:3 ပူးပေါင်းရင်းမြစ်များ

1 Watemi 17:1

Kwali no muwizi litagwa lyakwe Eliya, mulawa ku Tishibi mu yisi ya Gileyadi. Muwizi Eliya yakamulonjela mutemi Ahabu yakamutya, “Ane nghukulonjela mwi'tagwa lyo Muwaha Mulungu, u Mulungu mumi, u Mulungu wa Isilayeli, mono ane nghumwitumamila, nha vyono, kowa kusina buhe, hamba mvula yono yotonya, sunga yipulute myaka myejete, hamba midatu, sunga nene kanyhi kono nolotela.”

Yona 2:8

Nawo wono wakuyihemba milungu ye vihwani yono yisina cambuzi, wakondya kuwuleka u wihuwilwa wawo kuli'gwe.

Zabuli 76:1

U Mulungu yo yamanyice mu yisi ya Yuda, ne litagwa lyakwe lye 'tambule mu Isilayeli.

Metumo ge Watumwa 8:26

Ninga Malayika wo Muwaha yakalonga na Filipo yakutya, “Winuce wubite kutakama sunga ko ku nzila yono yilawile ku Yelusalemi yitimiye ku Gaza.” (Ne nzila yiyo yikoleye mu nyika.)

Maluko 3:22

Nawo iwejizi wo Wulajilize wono walawa ku Yelusalemi, wakatya, “Ayu yena Belizebuli! Kanyhi, yakugalavya i macisi, kwe vilungo vyo muwaha we macisi.”

2 Watemi 5:15

Naamani yakawuya kuli Elisha hamonga ne wanhu wakwe, yakamulonjela Elisha yakamutya, “Elisha! Alu langa ho namanya vyono mbeka hasina mulungu yunji kanyhi, langa hono si Mulungu wa Isilayeli. Holeka alu nghukunena, wubocele cihumbilizwa cangu cono nghukupela.”

2 Watemi 1:8

Nawo wakamutya, “U munhu yuyo, yali yavwalile yijoho lya nyhingo ya nimu, yewopile no musipi wa mukowa mu ciwino cakwe.” Nayo mutemi yakatya, “Woyi, yo Eliya!”

2 Watemi 1:6

Nawo wakamupitula wakatya, “Ase citang'anila no munhu mono yacilonjeye vyono, ciwuye ne nyuma cize cikulonjele zono Muwaha Mulungu yakukutya agwe. Yakutya nhavi, ‘Alu nhawule agwe wukutuma wanhu wabite wakamuwuze Baalizebubu, u mulungu we wanhu wa ku Ekiloni? Hamba mukwihwesa 'gwe hasina Mulungu mu Isilayeli lo? Agwe makomele gako gago gokuwulaga du, hamba si kopona yaye.’ ”

2 Watemi 1:2

Nayo mutemi Ahaziya lulo, yakagwa hasi, ku wulawa kucanyha ku golofa, ye kaya yakwe ye likulu, ku Samaliya, yaketamisa muno muno. Hanyuma Ahaziya yakatuma wanhu wabite wakawuze kuli Baalizebubu, u mulungu we Wafilisiti, ku yisi ya Ekiloni, ho wamanye hono mutemi Ahaziya kofwa, hamba kowumipa.

1 Watemi 21:17

Nayo Muwaha Mulungu yakamulonjela muwizi Eliya, munya Tishibi yakamutya,

1 Watemi 19:7

Nayo malayika wo Muwaha Mulungu, yakaza kanyhi lwe kejete yakamusinhusa, yakamutya, “Gwe Eliya, winukaje wulye, hambi muhinzo nha wowa muwaha muno kuli'gwe.”

1 Watemi 19:5

Hodu, yakawa kutambalala baho hasi yo mubici, zinhongo zikawa kumwibata. Malayika yakaza yakamupamiza nhinicizo, yakamutya, “Gwe Eliya, ale winukaje wulye.”

1 Watemi 18:36

Na yikawa mu wulavya likumbiko lye cinyamihe, u muwizi Eliya, yakasejelela ha cikumbicilo yakalomba yakutya, “Gwe go Muwaha Mulungu, go Mulungu wa Abulahamu na Isaka na Yakobo, nghukulomba zuwali, yimanyice nha vyono agwe yo gwegwe go Mulungu wa Isilayeli, na vyono nane nili mwitumami wako. Nane nizinoza zizi zose ku soko ye nghani yako.

1 Watemi 18:1

Hanyuma yaza kuwa mu mwaka we kadatu we lizala, Muwaha Mulungu yakamulonjela Eliya yakamutya, “Alu, wubite wukelajile kuli mutemi Ahabu, nane notonyeza mvula.”

1 Samwili 17:46

Nagwe izuwalili du, u Muwaha Mulungu kokutajila mu miwoko yangu, ane nokusumiza nghudumule no mutwe wako. Kanyhi noyisola miwili ye wasilikale we Wafilisiti nizipele zindeje hamonga ne zinimu za mu mbago ziyilye. Ne yinze yose yimanye vyono kumbe Isilayeli wena Mulungu,

2 Watemi 5:8

Nayo muwizi Elisha yali yeza kuzihulika zono zijeye, yakatuma munhu yakamuwuze mutemi yatye, “Mutemi, alo socici wina wukalale? Ale wumuletaje munhu yuyo kuli'ne nane nimulajile nha vyono mu Isilayeli mo yuli muwizi!”

1 Watemi 11:33

Nane nghwituma zizi, vyono Solomona yakondya kunema 'ne, alu yakuhemba milungu yinji, ye Asitalite, u mulungu mucekulu wa wanya Sidoni, hamonga no mulungu Cemoshi, u mulungu we Wamowabi, na Moleki u mulungu we Waamoni. Alu Solomona yakondya kungaluka, yetuma vibi, kanyhi hamba si yawibate no wulajilize wangu, hamonga ne malajilizo gangu, nha vyono u sogwe Dawudi yali yagebate.

Isaya 8:19

Ninga hono wanhu watye, mubite mu waganga muketoweleze visangu, na kuli wahawi wono wapwepwaga, wakulonga ne lizi yidodo. Wamutyeni “I wanhu yiwanojeye wawuze zinghani zawo kuli wafu ku soko ye womi.”