2 Wakolinto 2:3 - Luganuzi Luswanu Kuli Wanhu Wose 2002

³ Holeka namwandicilenyi vyono, si nasaka kumuzizenyi ho nghalazwe nanye, anye mono munojeye muwe yo nyemo yangu. Nane manyiye lukulu nha vyono, hono ane niwe nina nyemo, nanye wose mukuwa mwina nyemo nhavivilya.

I CILAGANE CIPYA 1991

³ Holeka namwandicilenyi vyono, si nasaka kumuzizenyi ho nghalazwe nanye, anye mono munojeye muwe yo nyemo yangu. Nane manyiye lukulu nha vyono, hono ane niwe nina nyemo, ale nanye wose mukuwa mwina nyemo nha vivilya.

2 Wakolinto 2:3 ပူးပေါင်းရင်းမြစ်များ

1 Wakolinto 4:21

Alu mokwenda ya hayi? Nimuzizenyi nina ne nghome, hamba nimuzizenyi ne nhumbula yo wendo no wupolo?

2 Wakolinto 1:15

Holeka ku so witumbilo wuwo, nahilaga kwamula kuza kwenyu ho mutuje lihewa lye kejete.

2 Wakolinto 1:23

No Mulungu yo muhomelezi wangu, mwene yo yayimanyile i nhumbula yangu! Ane, sinawuyajila kanyhi kuza ku Kolinto, ku soko du yo kumuwonelenyi lusungu.

2 Wakolinto 12:11

Alu naweza nha nili mulele, ninga yo nyenye mono mundindimize ho niwe nhavivyo. Hambi anye, nha yo nyenye mono mwali munojeye munumbe. Vyono, hamba niwe si nili cinji yaye, ninga hamba nhavivyo, ane si nili mudodo kuciza wawo i “Watumwa wenyu wono wakumucile.”

2 Wakolinto 12:21

Kanyhi nghogopa, na lunji kolo neza kuza mu muhinzo wuwo wono nokuza, u Mulungu wangu komhela u wula nyemo hali nyenye, nane nolila ku soko ya wenji wa muli nyenye wono wetuma wubi hamba kunena wuwo wavu wawo, ne masulumizi gawo mabi, hamonga ne mawubi gawo go wusenyha wawo, gono wali wakondya kwituma.

2 Wakolinto 13:10

Ale holeka nghuyandika baluwa yiyi lono nili kunji, nilawa neza kufika kuko, ho ndece kuwa nili mukali kuli'nye no kuwitumamila u wulajilize wono napegwa no Muwaha, u wulajilize wo kumusikamyenyi hamba si wo kumugwisenyi yaye.

2 Wakolinto 2:9

Na cono caleka nghandika baluwa yiyilya, nasakaga ho manye hono mweza muli cihuliko muli zose.

2 Wakolinto 7:12

Holeka hamba niwe nghandika baluwa yiyilya, si nayandika ku soko yo munhu musutyi, hamba si nayandika ku soko yo munhu mono yasutizywe. Ane nayandika ho zijele calinze hali Mulungu vyono mwina no wuhidimbale ku soko yetu.

2 Wakolinto 7:16

Nane nghusangalala muno muno vyono aluno nosuma kumwitumbilenyi muno muli zose.

2 Wakolinto 7:6

Ninga Mulungu mono yakuwapela vilungo wono wasoceye, yakacipela vilungo nase so wuze wa Tito.

2 Wakolinto 7:8

Holeka hamba niwe namukalazenyi so baluwa yangu, ninga ane no mweneco si nghuwona soko yo kukalala. Heya, manyile vyono baluwa yiyo yikamupelenyi wukalale, ninga wali wukalale wa cidaha cidodo du.

2 Wakolinto 8:22

Hamonga ne wandugu zetu wawo, cimutuma no ndugu yetu yunji, mono cakondya kumuwona kali kenji, vyono u mwene nayo yena wuhidimbazi wo wutazi, sunga na lulu yena witumbilo wuwaha na nyenye.

Wagalatiya 5:10

Ku soko yo wilunze wetu no Muwaha, holeka nina witumbilo wuwaha vyono nanye si mowa kanyhi no wuwe wunji wono wisimajiye no wuwe wangu. Nayo yuyo mono yakumwivyajizenyi hamba yawe vyono yenha, u Mulungu komulipiciza.

2 Watesalonike 3:4

Nayo u Muwaha yakucipela u witumbilo wuwaha ku soko yenyu, nase citumbiye du vyono mokwituma, kanyhi vyono mojendelela kwituma zizilya zono camulonjelenyi.

Filemoni 1:21

Nghwandika, akuno nina no witumbilo, vyono si koleka kuvumila u wulombe wangu. Akuno manyile, vyono kokwituma kuciza ya zizi zono nghukulomba witume.