2 Wakolinto 1:3 - Luganuzi Luswanu Kuli Wanhu Wose 2002

³ Yalumbwe u Mulungu u Sogo yo Mutwa wetu Yesu Kilisito, Baba mono yena lusungu, kanyhi yo Mulungu mono kaletaga u wutuzwe wose.

I CILAGANE CIPYA 1991

³ Yalumbwe u Mulungu u Sogo yo Mutwa wetu Yesu Kilisito, Baba mono yena lusungu, kanyhi yo Mulungu mono kaletaga u lutuzo lose.

2 Wakolinto 1:3 ပူးပေါင်းရင်းမြစ်များ

1 Petelo 1:3

Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya, ko kumuzukula Yesu muli wafu. Yakondya kucipela u witumbilo wo wumi,

Waefeso 1:3

Alenyi cimulumbe u Mulungu u Sogo yo Mutwa wetu Yesu Kilisito! Hambi mu wilunza na Kilisito, mumo mo yacimotezye ko kucipela ivipegwa vyose vye cimuhe kulawa ku wulanga.

Mika 7:18

Gwe Muwaha Mulungu, hasina mulungu yunji mono yehwanile gwegwe, hambi 'gwe nha kuwanenelaga u wubi wawo wanhu wako wono wasigala, hamba si kwikalaga ne likuwo cibitilila. Ninga kuwezaga ne nyemo, ho wulajile lusungu lwako kuli'se.

Zabuli 86:5

Hambi agwe go Muwaha Mulungu, nha wuli muswanu, kanyhi wuli munenezi nhondo zose, kanyhi wuli lusungu kuli wose wono wakukulomba.

Wafilipi 2:11

Na munhu wo wose yavumile vyono Yesu Kilisito yo Muwaha, mu lukumyo lo Mulungu Baba.

Waefeso 1:17

ho u Mulungu wo Muwaha wetu Yesu Kilisito u sogo wo lukumyo, yamupelenyi u Muhe wakwe mono komupelenyi wizuce, no kumugubulilenyi ho mumumanye u Mulungu.

2 Yohana 1:9

Nayo mono siyakwibata no kwikala mu mafundo ga Kilisito hamba kugatyatya, yuyo yamusina u Mulungu. Langa mono yakwikala mu mafundo gago, yuyo yo yena u Sogo yo munhu kanyhi no Mwana.

Danyeli 9:9

Ninga agwe, wuli lusungu, kanyhi wuli munenezi, hamba ciwe ase cakondya kukugaluka no kukuleka.

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Zabuli 86:15

Ninga agwe go Muwaha Mulungu, wuli Mulungu wo lusungu, kanyhi wina lihewa, agwe wuli mukangalizi muno, kanyhi wumemile lusungu ne mbeka.

2 Wakolinto 11:31

U Mulungu Sogo yo Muwaha Yesu, ilitagwa lyakwe lilugutwe cibitilila! U Mwene yamanyile vyono si nghulonga wulambi.

Zabuli 72:19

Ilitagwa lyakwe lye nhojo, likumywe cibitilila. No lukumyo lwakwe lumeme mu yinze yose. Heya, heya!

Zabuli 18:46

U Muwaha Mulungu yo mumi! Yalumbwe, u mudimi no wihundiko wangu. Ale, mumukumyaje Mulungu mono yakumhonya.

Nehemiya 9:5

Hobaho i Walawi, Yeshuwa, Kadimiyeli, Bani, Hashebeneya, Shelebiya, Hodiya, Shebaniya, na Petahiya, wakawa kuwacemeleza wanhu waze ku wuhembi, wakatya, “Mwime mukamile, mumulumbe Muwaha Mulungu, u Mulungu wenyu, Mumulumbaje cibitilila ne cibitilila! Ale, wose walikumye litagwa lyako lyo lukumyo. Lyono likumucile si nho wulugute wose ne lilumbo lyose.”

2 Yohana 1:4

Nghusecelela muno vyono mbwene wanago wanji wakujendela mu mbeka, nha vyono cabocela i lilajilizo kuli Sogo yo munhu.

Yohana 10:30

Ane na Baba yo monga.”

Mwamulizo 14:20

U lukumyo lweze kuli Muwaha Mulungu mono yakupelile vilungo vyo kuwasumila walugu wako!” Nayo Abulamu yakawa kumulavizya Melikizedeki, lipinga lye monga kwe 'kumi lya muli vyose vyono yali yena navyo.

Yohana 20:17

Yesu yakamutya, “Wulece kung'ang'anila, hambi nha nghali nabita kucanyha kwa Baba. Langa wubite wukawalonjele wandugu zangu, vyono ane nghubita kuli Baba, mono nanye yo Sogo yenyu, na kuli Mulungu wangu, mono nanye yo Mulungu wenyu.”

Jobu 1:21

Yakawa kutya, “Ane nalelwa sina cinji, kanyhi nolofwa sina cinji. Muwaha Mulungu yo yalavya, kanyhi Muwaha Mulungu yo yawusize, Litagwa lyo Muwaha Mulungu lilumbwe!”

1 Zinghomo 29:10

Mutemi Dawudi yakawa kumukumya Muwaha Mulungu ha mwande ye wanhu wose wono wali wehangulize baho, yakatya, “Gwe go Muwaha Mulungu, wo mulezi wetu Yakobo, Agwe yo gwegwe mono wunojeye lukumyo cibitilila ne cibitilila!

Zabuli 68:35

Mulungu yo we cogofyo muno, i hanhu hakwe hono helile, heya, mwene yo Mulungu wa Isilayeli! Nayo kawapelaga wanhu wakwe vilungo no wuwaha. Mulungu yalumbwe!

Isaya 66:13

Nane nolomusindamicenyi mu Yelusalemi nha vyono nyina yo munhu kamusindamikaga mwanagwe.

2 Wakolinto 7:6

Ninga Mulungu mono yakuwapela vilungo wono wasoceye, yakacipela vilungo nase so wuze wa Tito.

Wakolosayi 1:3

Cikumulumba u Mulungu u sogo yo Mutwa wetu Yesu Kilisito, nhondo zose, mwi'daha lyono cikumulombelenyi.