2 Samwili 9:3 - Luganuzi Luswanu Kuli Wanhu Wose 2002

³ Nayo mutemi Dawudi yakamuwuza yakatya, “Ati, wule, howa ho yuli yunji mono yakali yasigaye mumi mu mhuga ya Sawuli, mono ane nosuma kumunozeza wuswanu nha vyono namwihuwiza Mulungu?” Ziba yakamupitula mutemi yakamutya, “Ho yuli yu monga muli wana wa Yonazani mono yakali yasigaye. Ninga yali citewe.”

2 Samwili 9:3 ပူးပေါင်းရင်းမြစ်များ

2 Samwili 4:4

Ale, Yonazani u mwana wa Sawuli, yakawa yena mwana wa cilume yalemaye, litagwa lyakwe Mefibosheti. Mwene Mefibosheti yali yaficile myaka mihano, lono zinghani ze lifwa lyo sogwe Yonazani hamonga no kukuye Sawuli zawaziza ku wulawa kwi'kaya lya Yezeleli, u mukoci wakwe yakamudinghula yakawa kumutizya. Ninga vyono yali yasunhile, Mefibosheti yakasulumhuka mu mawoko yakagwa hasi, yakatuga cilema.

Luka 6:36

Mweze no lusungu nha vyono u Sogo yenyu yali lusungu.”

Wukumbucize wo Wulajilize 10:15

Hambi u wendo wakwe kuli walezi wenyu, nha wali wuwaha, holeka yakamuhagulenyi anye si nhe wanhu wanji, sunga nalu, mukali muli wanhu wakwe wahagulwa.

2 Samwili 19:26

Nayo Mefibosheti yakapitula yakatya, “Nha vyono wumanyile Gwe Mutemi! Ane nili citewe, ninga nghamulonjela mwitumami wangu yanhandicile ndogowe yangu, mhande nghutyatye, ninga yuyo mwitumami wangu yakangaluka.

Wukumbucize wo Wulajilize 4:37

Nayo vyono yali yawendile i walezi wenyu, holeka yakamuhagulenyi nanye, na kwe vilungo vyakwe viwaha, yakamuwusenyi mu wulawa mu yisi ya Misili.

2 Samwili 9:7

Mutemi Dawudi yakamutya, “Alu, wulece kogopa, hambi ane nha nokunozeza wuswanu ku soko yo wuswanu wono yanhendela u sogo Yonazani. Ane nokugomolela yisi yose yono yali yisi yo kukuyo Sawuli. Nagwe kowa kulya zindigwa hamonga nane ha meza yangu nhondo zose.”

2 Samwili 9:13

Mwene Mefibosheti mono yali yalemaye migulu yose vyono myejete, yekalaga mu Yelusalemi du, yakulya zindigwa zose ha meza, wakulizana hamonga no mutemi Dawudi.

2 Samwili 19:27

Yakanonga zo wulambi kuli'gwe, ‘Gwe Mutemi. Ninga agwe wihwanile malayika wo Mulungu, holeka kosuma kunhendela nha vyono wukuwona viswanu gwegwe go mweneco.’