2 Samwili 8:3 - Luganuzi Luswanu Kuli Wanhu Wose 2002

³ Hanyuma kanyhi Dawudi yakamuhoma Hadadezeli u mutemi wa Siliya ya Zoba, u mwana wa Lehobu, lono Hadadezeli yabitaga ho yegomolezeze u wutemi wakwe we yisi, he 'kolongo lya Efulata.

2 Samwili 8:3 ပူးပေါင်းရင်းမြစ်များ

Mwamulizo 15:18

Na mwi'zuwa lilyo, ho Muwaha Mulungu yacinozeza i cilagane cakwe na Abulamu, yakumutya, “Gwe Abulamu, ane nowapela u lulelo lwako yisi yiyi, ku wulawilila kwi ‘kolongo lya Nile lya Misili, sunga ko kwi’ kolongo lililya liwaha lya Fulata.

2 Samwili 10:15

Washamu wakamanya vyono wakondya kusumwa ne wa Isilayeli, holeka wakagakongholela hamonga mapuga gawo gose ge wasilikale.

2 Samwili 10:16

Nayo mutemi Hadadezeli yakatuma munhu kuli Washamu wono wali wekaye ku lubavu lwa kucilima we likolongo lya Efulata, nawo wakaza hamonga no mulongola wawo Shobaki, u muwaha we wasilikale wo wulugu, wo mutemi Hadadezeli, we yisi ya Zoba.

2 Samwili 10:19

Nawo watemi wono wamwitumamilaga Hadadezeli, wali weza kumanya vyono wasumwa ne Waisilayeli, hodu wakawa kunoza mulamu ne Waisilayeli, wakawa wetumami wawo. Nawo Washamu ku wulawilila baho, wakogopela lukulu kuwataza kanyhi Waamoni.

2 Samwili 10:6

Nawo Waamoni wakamanya vyono litumo lilyo, lyakondya kuwaletela wulugu no mutemi Dawudi. Holeka wakawa kuwazima wasilikale elufu makumi mejete we Cishamu, ku wulawa ku Betilehobu na ku Zoba. Na wasilikale wanji kanyhi elufu yikumi na nyejete ku wulawa ku Tobu, na wanji kanyhi wanhu elufu monga ku walawa ko mutemi wa Maka.

2 Samwili 23:36

Igali u mwana wa Natani munya Zoba, na Bani munya Gadi.

1 Watemi 4:21

Nawo wutemi wa Solomona, wukawa wutandaye muno sunga na mu makungugo ganji, ku wulawilila he 'kolongo lya Efulata, sunga ko ku yisi ye Wafilisiti, sunga ko ku mupaka we yisi ya Misili. Nawo wawa wose, wamulipaga kodi Solomona. Kanyhi wakajendelela kumwitumamila mu mikalile yakwe yose.

1 Zinghomo 18:3

Hanyuma kanyhi Dawudi, yakamuhoma Hadadezeli u mutemi wa Siliya ya Zoba, behi ne yisi ya Hamati. Hambi mwene Hadadezeli nha yasakaga yetujile yisi ya Efulata ya kucanyha.

2 Zinghomo 8:3

Yakayiteka yisi ya Hamati, ne yisi ya Zoba,

Zabuli 60:1

Gwe go Mulungu, wacitaga no kucipondajiza, wakolwa ne likuwo, ninga alu, cikukunena wucigomolele zo wuswanu wako.

Zabuli 72:8

Yateme ku wulawilila lilenga sunga lilenga, kanyhi ku wulawa kwi kolongo lya Efulata, sunga ko ku mhelo ye yinze.

Wutuluce 23:31

Ne mipaka ye yisi yenyu yowa ku wulawa mwi'lenga lya Shamu, sunga kwi'lenga lya Meditelaneya, na ku wulawilila ku nyika, sunga ko kwi'kolongo lya Efulata. Nane nomupelenyi vilungo vyo kuwasumila i wekazi wa mu yisi yiyo, nanye mowawinga, nawo womuwucilenyi.

Wukumbucize wo Wulajilize 11:24

Ne hanhu ho hose hono luzayo lwenyu lohakanyaga, baho howa heza henyu nyenye. Ne mipaka ye yisi yenyu, yowa yilawiliye ku wulawa ku nyika, ku lubavu lwa kutakama, sunga mu matunda ga Lebanoni ku lubavu lwa kusumuka. Kanyhi ku wulawilila he kolongo lya Efulata, ku lubavu lwa kucilima, sunga ko kwi'lenga lya Meditelaneya ku lubavu lwa kumwezi.

1 Samwili 14:47

Nayo Sawuli yali yeza kuwusola wutemi, no kuwatema Waisilayeli, yawahoma walugu wakwe wose no kuwasuma hanhu hose, yawahoma wanhu wa Mowabu, na wa Amoni, na wa Edomu, ne watemi wa Zoba na we Wafilisiti. Na ko kose kono yabita kuhoma, yawasuma.