2 Samwili 8:2 - Luganuzi Luswanu Kuli Wanhu Wose 2002

² Hanyuma kanyhi, yakawasuma Wamowabi. Yakawa kuwalambalila i wafungwa mu micilili. Hanyuma yakawa kuwawulaga wafungwa wejete wejete mu wulawa mu wafungwa wadatu wadatu. Na wawo i wo yumonga yumonga wono wasigala muli wawo wadatu wadatu, yakawaleka womi. Yakawanoza Wamowabi wawe wetumami wakwe, wakawa kumulipa sunga ne kodi.

2 Samwili 8:2 ပူးပေါင်းရင်းမြစ်များ

2 Samwili 12:31

Ne wanhu wose wono wali wali mumo mwi'kaya, yakawetumya mu milimo ye misumeno, na ye zimhandilo ze macuma, na ye zinhemo ze macuma, na yo wufyatula matofali no kuganyanya. Nayo yakawanozeza nhavivyo i wanhu wose wa mu makaya gose ge Waamoni. Hanyuma mwene hamonga ne wanhu wakwe, wakawuya ku Yelusalemi.

2 Samwili 8:6

Hanyuma yakawa kusita ne nghambi ye wasilikale wakwe mu yisi yawo. Washamu wakawa wetumami wakwe, wakawa wakumulipa sunga ne kodi. Nayo Muwaha Mulungu yakamupela Dawudi wusume wuwaha muno hanhu hose.

1 Watemi 4:21

Nawo wutemi wa Solomona, wukawa wutandaye muno sunga na mu makungugo ganji, ku wulawilila he 'kolongo lya Efulata, sunga ko ku yisi ye Wafilisiti, sunga ko ku mupaka we yisi ya Misili. Nawo wawa wose, wamulipaga kodi Solomona. Kanyhi wakajendelela kumwitumamila mu mikalile yakwe yose.

2 Watemi 1:1

U mutemi Ahabu we Waisilayeli yali yeza kufwa, hodu, i wanhu we yisi ya Mowabu wakalema walece kutemwa ne Waisilayeli.

2 Watemi 17:3

U mutemi Shalamanesa wa Ashuli, yakehoma na Hosheya. Hosheya yakasumwa na Shalamanesa, yakawa yakulavya kodi kuli Shalamanesa mu myaka yose.

1 Zinghomo 18:2

Hanyuma kanyhi, yakawasuma Wamowabi, wakawa wetumami wa Dawudi, wakawa wakumulipa sunga ne kodi.

2 Zinghomo 26:8

Sunga ne Waamoni wakalipa kodi kuli Uziya. Nayo yakawa ne vilungo viwaha, ne lilumbo lyakwe likatandala sunga ko ku Misili.

Zabuli 108:9

Nayo Mowabu lye bakuli lyangu lyo kwizuguziza, nane noyigumilila Edomu cilatu cangu, ciwe co citanjilo vyono nayo yangu, kanyhi nozoza lizozo lyo wusume kuli Filisiti!”

Zabuli 18:45

Wajenzi nawo, wusugu wawo womalika, wolawila wakucicima mu magomawakali gawo, no kunyiziza ko woga wuwaha.

Zabuli 60:10

Gwe go Mulungu, alu wacilecela lukulu du hongo? Hamba lu sikojendela lukulu, kanyhi hamonga ne mapuga getu?

Zabuli 60:8

Ayi nayo Mowabu, yo bakuli yangu yo kwizuguziza. I cilatu cangu naco, nocigumila ku Edomu, ho niyiteme. Nane baho langa ho nozoza kwe lizi, lyo wusume kuli Wafilisiti.”

Zabuli 83:6

wanya Edomu, ne Waisimayeli, Wamowabi, ne wanhu wa Hagali,

Isaya 36:16

Holeka mulece kuzihulika zono yakuzilonga Hezekiya ye! Hambi mutemi wa Ashuli, nha kalajiliza vyono muwuce mwi'kaya mwiyilavye nyo weneco kuli mwene. Na hono munoze nhavivyo, wose mokombolwa muwe kulya ne zabibu zenyu zono zili mu mibici yenyu ye mizabibu, hamonga ne zinghuyu zono zili mu mibici yenyu ye mikuyu, hamonga no kung'wa malenga gono gakulawa mu visima vyenyu nyo weneco,

Wuwale 24:17

Nane nghuziwona za ku mwande, Kanyhi nghuliwona likungugo lye Waisilayeli. No mutemi mono yakung'alala nha nyelezi, Kolokwijela ku wulawa mwi'kungugo lilyo. Kolokuza ku wulawa mwi'kungugo lye Waisilayeli yenha nyelezi yo mucila. Kolowatowanga i walongola we Wamowabi, Kanyhi kolowasuma i wanhu wose wa Seti.

1 Samwili 10:27

Ninga wanhu wanji we cakacaka, wakatya, “Alu mwene yuyu mbeka kociponya?” Holeka wene wawo wakamubedegala, hamba si wamuletela cipegwa co cose. Ninga mwene Sawuli yakenoza nha yali ciziwi.

1 Samwili 14:47

Nayo Sawuli yali yeza kuwusola wutemi, no kuwatema Waisilayeli, yawahoma walugu wakwe wose no kuwasuma hanhu hose, yawahoma wanhu wa Mowabu, na wa Amoni, na wa Edomu, ne watemi wa Zoba na we Wafilisiti. Na ko kose kono yabita kuhoma, yawasuma.

1 Samwili 22:3

Hanyuma Dawudi yakawa kuwuka baho ha mhango, behi ne likaya lya Adulamu, yakawa kubita ku Mizipa mu yisi ya Mowabu. Yakawa kumulonjela u mutemi wa Mowabu yakatya, “Nghukunena wumvumile niwalete wa baba na yaya waze mwikalane nawo hono hako, sunga kolo nakondya kuzimanya zono Mulungu yakusaka yanhendele.”

1 Samwili 22:4

Hobaho Dawudi yakawa kuwaleka sogwe no nyina mu miwoko yo mutemi wa Mowabu. Nawo wakajendelela kwikala baho mu vilo vyose vyono Dawudi yali yakali yehundice mu mhango.