2 Samwili 7:3 - Luganuzi Luswanu Kuli Wanhu Wose 2002

³ Nayo muwizi Natani yakamupitula yakamutya, “Ale witumaje nha vyono wukuwona vyowa viswanu, hambi Muwaha Mulungu nha yali hamonga nagwe.”

2 Samwili 7:3 ပူးပေါင်းရင်းမြစ်များ

2 Samwili 7:4

Ninga mu cilo cico, Muwaha Mulungu yakamulonjela Natani yakatya,

1 Watemi 1:8

Ninga Zadoki u mukohani, na Benaya u mwana wa Yehoyada, na Natani u muwizi, na Shimeyi, na Leyi, hamonga ne walindilizi wa Dawudi, awa wose wakalema kuhanga na Adoniya mu zinghani zakwe zizo.

2 Watemi 4:27

Ninga yali yeza kufika hali Elisha, yakenama ha mwande yakwe yakayibata migulu ya Elisha. Nayo Gehazi yali yeza kuziwona zizo, yakasaka kumukundujiza yuyo mucekulu yawuce, ninga Elisha yakamutya, “Mulekaje! Alo ho si wukuwona vyono yena wusungu wuwaha mu nhumbula yakwe? Nayo Muwaha Mulungu, hamba si yamanyize zizi.”

1 Zinghomo 22:7

Dawudi yakamutya, mwanagwe, “Gwe mwanangu, ane nali nina wuhile wo kumuzenjela Nyumba, Muwaha Mulungu, u Mulungu wangu.

1 Zinghomo 28:2

Dawudi yakema ha mwande yawo, yakawalonjela yakatya, “Ale, muhulicize anye mo wandugu zangu na mo wanhu wangu. Ane nali nina wuhile wo kuyizenga nyumba yono Lisanduku lye Cilagane lyo Muwaha Mulungu, ne ligoda lyo wuwiko we migulu yakwe. Sunga nalu nali nakondya kuviwikaniziza lukulu vinhu vyose vyo kuyizenjela yiyo Nyumba yo Mulungu.

1 Zinghomo 29:29

Ne zinghomo so mutemi Dawudi, ku wulawilila ku mwamulizo, sunga ko ku mudumo wakwe, zose zandicigwe mu vilo vye wawizi wadatu, nha cinji Samwili, Natani, na Gadi.

2 Zinghomo 29:25

Nayo mutemi Hezekiya, yakazinoza zose nha vyono Muwaha Mulungu yamulajiliza mutemi Dawudi, muli Gadi u muwizi wo mutemi, kanyhi na muli muwizi Natani. Hezekiya yakawawika Walawi mu Nyumba yo Mulungu, hamonga ne watowa masumbi, ne ndonondo ne misesele.

Zabuli 20:4

Yakupele vyono wukuhila mu nhumbula yako, yagafisilize i mahweso gako gose.

Zabuli 37:4

Wuyilondolaje nyemo yako kulawa kuli Muwaha Mulungu, nayo kokupela vyose vyono wukusaka mu nhumbula yako.

1 Yohana 2:27

Ninga ku lubavu lwenyu anye, Kilisito nha yamupelenyi u Muhe wakwe. Holeka hono yajendelele kwikala muli nyenye, mowa musina wuhile wa yunji wo wose kanyhi ho yamwijizenyi. Vyono u Muhe wakwe yo yakumwijizenyi zose, ne mejizo gakwe go ge mbeka, hamba si ga wulambi. Holeka mugebataje i mejizo go Muhe yuyo no kwikala muli Kilisito.

1 Samwili 10:7

Na zizi kolo zakondya kwijela, ale witumaje nha vyono Mulungu kokutya witume.

1 Samwili 14:7

Nayo muzelelo mono yali yamudinghuliye vitwalo, yakapitula yakatya, “Nghani yo yose yono kosaka kwituma, ane nane nowa nili hamonga nagwe du.”

1 Samwili 16:7

Ninga Muwaha Mulungu yakamutya, “Gwe Samwili, wulece kulanga wutali wakwe no wuswanu wakwe we mumbwa. Ane namulema, hambi ane nha si nghulanga nha vyono wanhu walangaga. Hambi munhu nha kalangaga za kunze du yo muwili, ninga ane nangaga nhumbula.”