2 Samwili 5:9 - Luganuzi Luswanu Kuli Wanhu Wose 2002

⁹ Wali weza kulisola ligomawakali, hodu, Dawudi yakawa kwikala mumo, yakalicemela, “Likaya lya Dawudi.” Mwene yakawa kuzenga likaya likalipilima, yakanziza Milo i hanhu hono henuce ku lubavu lwa kucilima ye litunda sunga mugati yayo.

2 Samwili 5:9 ပူးပေါင်းရင်းမြစ်များ

2 Samwili 5:7

(Ninga Dawudi yakasola ligomawakali lyawo lya Sayuni, sunga likamanyika vyono lyo “Likaya lya Dawudi.”)

2 Samwili 5:8

Na mwi'zuwa lilyo Dawudi yakawalonjela wanhu wakwe yakatya, “Wulenyi, bahano ho yuli munhu mono yawasulile Wayebusi, nha vyono ane niwasulile, yabite yawawulaje? Ale yalowocele mu cikwelelezi ce malenga yakawahome wawo wabofu no wono wakusenzegula.” (Na yiyi yo soko yono yilekaga wakutya, “Iwabofu na wono wakusenzegula, siwokwinjila mu nyumba yo Muwaha Mulungu.”)

2 Samwili 6:10

Hodu, yakawa kudumula nghani nha vyono yalece kulisola yalitegule ku Yelusalemi. Holeka yakawa kulitegula mu kaya ya Obedi Edomu u munyawusi we likaya lya Gati.

1 Watemi 11:27

Ne nghani yiyi yali nghani 'mbi muno muno. Ne nghani yono yaleka Yelobowamu yakumugaluka Solomona yali yoyi. Lono Solomona yamemyaga muhangha mu makombo ku lubavu lwa kucilima ye likaya lya Yelusalemi ku Milo, no kunozeleza majinji ge likaya lyo sogwe Dawudi.

1 Watemi 2:10

Dawudi yakafwa nha vyono wasogwe wafwa, yakazikwa nayo mwi'kaya lya Dawudi.

1 Watemi 9:15

Mutemi Solomona, yewetumya kwe vilungo i wetuma milimo, mu wuzenji we Nyumba yo Mulungu hamonga ne likulu, no kumemya muhangha makombo gono gali gali kucilima ye likaya, hamonga no kuzenga magomawakali ge likaya. Kanyhi yakawetumamila so wuzenga makaya ga Hazoli, Megido hamonga na Gezeli.

1 Watemi 9:24

Solomona yakamemya muhangha, na mu makombo gono gali gali kucilima ye likaya, lono mugolece wakwe, u mwana we cicekulu wo mutemi wa Misili, yali yakondya kuhama mu kaya ya Dawudi, no kwinjila mwi'kulu lyono Solomona yamuzenjela. Hobaho ho yayizenjela na Milo.

2 Watemi 12:20

Ninga mutemi Yowashi, i wetumami wakwe wakamugaluka. Na muli wawo, i wejete wayawo, wono wakucemwa Yozakali u mwana wa Shimeyati, hamonga na Yehozabadi u mwana wa Shomeli, wawo wakamuwulajila Yowashi ku Milo, ha kaya yono yali yizenjigwe hanhu hono hali henuce, ku lubavu lwa kucilima ya Yelusalemi, mu nzila yono yibitile sunga Sila.

2 Watemi 12:21

Yowashi yakazikwa mu vitenjelo vye citemi, mu kaya ya Dawudi. Nayo Amaziya u mwanagwe, yakahala wutemi wakwe.

1 Zinghomo 11:8

Yakalizenga kanyhi likaya mbavu zose. Yakanziza kono kwamemywa muhangha, ku lubavu lwa kucilima ye litunda. Nayo Yowabu yakanozeleza likaya lyono lyasigala.

2 Zinghomo 32:5

Mutemi yakalinoza likaya liwe no wulindilizi wono wukamile, yakaganozeleza majinji gono gali gamwaguce, no kuzenga minala mucanyha yayo. Kanyhi yakazenga ne lijinji lye kejete yakalipilimya kunze yayo. Hamonga na zizo, yakaganozeleza ne magomawakali gono gali mazenje mu yisi yose, ga ku lubavu lwa kucilima ya Yelusalemi. Kanyhi yakawa yena migoha minji muno hamonga ne zingula.

Nehemiya 3:15

Shalumu u mwana wa Coli-hoze u mulongola wa Mizipa, nayo yakazenga lilango lye mivwilo, yakaligubika, no winjililo. Yakawicila ne milango yayo, ne vyuma ne makomeyo. Kanyhi he cilamba ca Shela, yakazenga lijinji behi ne busitani yo wutemi, sunga ho ha madalaja gono gabitile mwi'kaya lya Dawudi.

Zabuli 122:3

Gwe Yelusalemi, go likaya lyono lizenjigwe wuzengwe wuswanu muno, kanyhi wukamile!

Isaya 29:1

Woyi hee, kuli likaya lya Yelusalemi, lyono co cikumbicilo co Mulungu! Woyi hee 'likaya lyono Dawudi yasita nghambi! Ale, mulece mwaka monga, hamba myejete yipulute, nalyo liwe lijendeleye ne zisikukuu zalyo.

Walamuzi 9:20

Ninga hono si nhavivyo, moto wulipuce wulawilila muli Abimeleki no kumutakamizenyi, anye mo wanhu wose wa Shekemu na Bete-milo. Kanyhi moto wulawe kuli wanhu wa Shekemu na Bete-milo no kumutakamiza Abimeleki.

Walamuzi 9:6

Hobaho i wanhu wose wa ku Shekemu na ku Bete-milo, wakehanguliza hamonga ha mubici wono welile wo munghola, wono wali wuli behi na Shekemu. Baho wakawa kumunoza Abimeleki yawe Mutemi wawo.