2 Samwili 5:3 - Luganuzi Luswanu Kuli Wanhu Wose 2002

³ Holeka i walongola wose we Waisilayeli, wakamuziza mutemi Dawudi kuko ku Hebuloni. Nayo yakanoza cilagane nawo hali Muwaha Mulungu, nawo wakamwitila mafuta, yakawa mutemi wa Isilayeli.

2 Samwili 5:3 ပူးပေါင်းရင်းမြစ်များ

2 Samwili 2:4

Hanyuma i wanhu wa mu yisi ya Yuda wakawa kumuziza Dawudi kuko ku Hebuloni, wakawa kumwitila mafuta yawe mutemi wa Yuda. Nayo Dawudi yali yeza kuhulika nha vyono i wanhu wa ku Yebeshi ya ku Gileyadi wakondya kumuzika Sawuli,

2 Samwili 2:7

Mweze ne vilungo kanyhi mweze vitung'ati! Hambi mutemi wenyu Sawuli nha yakondya lu kufwa, nawo i wanhu wa Yuda, wakondya kunyitila mafuta niwe mutemi wawo.”

2 Samwili 3:21

Hanyuma Abineli yakawa kumulonjela Dawudi yakutya, “Ane nobita nghakukongholele Isilayeli wose wawe mu wutemi wako, cilagane na gwegwe, wuwe mutemi wawo. Nagwe ho kosuma kutuga co cose cono kowa kucisaka, kanyhi koyitema yisi yose.” Nayo Dawudi yakawa kumwihuwiza Abineli vyono kokwikala yapolile. Hodu yakawa kumukombola yabite.

1 Watemi 1:34

nayo Zadoki u mukohani, hamonga na Natani u muwizi, wamwitile mafuta baho, yawe mutemi wa Isilayeli. Hanyuma muwe kuzitowa zindulele akuno mukuzoza mukutya, ‘Go mutemi Solomona, wikale cibitilila!’

2 Watemi 11:17

U mukohani Yehoyada, yakanoza wupya cilagane muli Muwaha Mulungu no mutemi ne wanhu, ho wawe wose wanhu wo Muwaha Mulungu. Kanyhi yakanoza cilagane muli mutemi ne wanhu.

1 Zinghomo 11:1

Hobaho Waisilayeli wose wakamwikongholela Dawudi kuko ku Hebuloni, wakamutya, “Lanje ta, ase cili muwili wako ne sakami yako.

1 Zinghomo 11:3

Hobaho i walongola wose we Waisilayeli, wakamuziza mutemi Dawudi kuko ku Hebuloni. Nayo Dawudi yakanoza cilagane nawo. Nawo wakamwitila mafuta, wakamunoza yawe mutemi we Waisilayeli, zikawa nha vyono Muwaha Mulungu yamwihuwiziza muli Samwili.

1 Zinghomo 28:4

Holeka Muwaha Mulungu, u Mulungu we Waisilayeli, yahagula ane hamonga no lulelo lwangu ciyiteme Isilayeli cibitilila. Yakawuhagula mulango wa Yuda, na mumo mu mulango wa Yuda, yakayihagula mhuga yo sogo yangu. Na ku wulawa mu mhuga yiyo, Muwaha Mulungu yakendezwa yasole ane, yanoze niwe mutemi we Waisilayeli wose. Kanyhi yakamhela wana wenji.

2 Zinghomo 23:16

Mukohani Yehoyada, yakamusola mutemi Yowashi, hamonga ne wanhu wose, wakanoza cilagane hamonga nayo, nha vyono wowa wanhu wo Muwaha Mulungu.

Nehemiya 9:38

Ku soko ya zizi zose zono zakodya kucijelela, nase co wanhu wa Isilayeli, cikuwika cilagane zuwali cono cikamile, cono cokwandikwa, kanyhi cowicilwa ne vitanjilo vye walongola wetu, ne Walawi, hamonga ne wakohani.

Wutuluce 3:16

Holeka aluno wubite wukawakonghole hamonga i walongola wose we Waisilayeli, wuwalonjele vyono Ane, no Muwaha Mulungu, no Mulungu we walezi wawo, u Mulungu wa Abulahamu, no Mulungu wa Isaka, no Mulungu wa Yakobo, nilajila kuli'gwe. Wuwalonjele nha vyono, ane niza ku soko yawo, na vyono nakondya kuziwona zose zono Wamisili wakuwatendela.

Yoshuwa 10:36

Hanyuma kanyhi, Yoshuwa ne wasilikale wakwe wo wulugu, wakatuluka wulawilila ku Ejiloni, wakabita mu matunda, sunga ku Hebuloni, nayo wakayihoma,

Walamuzi 11:11

Lulo lulo Yefuta yakawa kutulukana ne walongola wa ku Gileyadi. Nawo wanhu wakamunoza yawe mulongola wawo. Nayo Yefuta yakalonga zinghani zakwe zose hali Muwaha Mulungu ku Mizipa.

1 Samwili 11:15

Wakawa kubita ku Giligali, wakawa kumukangaza Sawuli vyono yo mutemi. Wakawulaga makumbiko ge vilavywa vyo mulamu hali Muwaha Mulungu. Nayo Sawuli hamonga ne wanhu wose wa Isilayeli, wakasangalala muno muno.

1 Samwili 16:13

Samwili yakawa kusola mafuta yakawa kumwitila Dawudi, ha meso ge wanduguze. Ho baho baho u Muhe wo Muwaha Mulungu wukamuziza Dawudi, no Muhe yuyo vikawezana na Dawudi ku wulawa mwizuwa lilyo. Nayo Samwili yakawa kuwuya ku Lama.

1 Samwili 23:18

Nawo vyono wejete wakanoza cilagane hali Muwaha Mulungu, vyono wojendelela kwikala baho ha Holeshi, ninga Yonazani yakawuya kwawo.