2 Samwili 4:8 - Luganuzi Luswanu Kuli Wanhu Wose 2002

⁸ Wakawa kumutegulila Dawudi u mutwe kuko ku Hebuloni, wakawa kumutya, “Lanje awu ahano mutwe wuwo Ishibosheti u mwana wa Sawuli u mulugu wako, mono yasakaga yakuwulaje. Ninga izuwali Muwaha Mulungu kamulipiciza Sawuli hamonga no lulelo lwakwe.”

2 Samwili 4:8 ပူးပေါင်းရင်းမြစ်များ

2 Samwili 18:19

Hanyuma ya zizo, Ahimazi u mwana wa Zadoki yakamutya Yowabu, “Lece 'ne manyhe mbite nghamumanyize mutemi azi nghani swanu, nha vyono Muwaha Mulungu yakondya kumusumila kuli walugu wakwe.”

2 Samwili 18:31

Hanyuma nayo mwitumami we Cikushi yakawa kufika, yakamulonjela mutemi yakatya, “Ane nghuletela nghani swanu Gwe Mutemi! Izuwali, Muwaha Mulungu kakupela wusume kuli wose wono wali wakugaluka.”

2 Samwili 2:8

U mulongola we cipuga ce wasilikale wa Sawuli, mono yacemwaga Abineli u mwana wa Neli, yali yakondya kutiza hamonga na Ishibosheti, wakawa walowoka likolongo lya Yoludani wabita ku Mahanayimu.

2 Samwili 22:48

Hambi nha kamhelaga wusume muli walugu wangu, kawacepulaga vilungo makungugo ha mwande yangu,

Zabuli 71:24

Nane nosimulila zo wiling'ano wako misi yose, hambi nha wanyihwesezaga zimbi ninga lu, wakozwa cevu hamonga ne zisoni.

Matayo 2:20

yakamutya, “Ale winuce! Wumusolaje u mwana, hamonga no nyina, muwuye kanyhi ku yisi ya Isilayeli, hambi awalya wono wali kuhila kumuwulaga u mwana yuyo nha wakondya kufwa.”

Wugubule 18:20

Ale, wusecelele go wulanga ku soko yo wuhodanjice wakwe. Nanye nyo wanhu wo Mulungu, musecelele, nanye nyo watumwa ne wawizi, musecelele nhavivyo! Hambi u Mulungu nha kalilipiciza ku soko ye metumo galyo, gono lyamutendelenyi nyenye!

Wugubule 6:10

Nawo wakalila kwe'zi 'waha wakutya, “Agwe go Muwaha, mono welile kanyhi mono wuli mwihuwilwa, alo sunga vipulute vilo vilinga, ho wuze wuwaling'anize no kuwalipiciza wose wono wekaye mono'nze, ku soko yo wuwulagwe wetu wono wali kuciwulaga?”

1 Samwili 18:11

Sawuli yakawa yakulonga mu nhumbula yakwe yakutya, “Nomuhoma Dawudi no mugoha nimubanhize ne lijinji. Hodu, Sawuli yakawugumila mugoha kali kejete ho yamuhome Dawudi.” Ninga Dawudi yakelega nghanghulo zose vyono nyejete.

1 Samwili 19:1

Hodu, Sawuli yakawa kumulonjela mwanagwe Yonazani, hamonga ne wetumami wakwe wose, nha vyono yakuhila yamuwulaje Dawudi. Ninga Yonazani u mwana wa Sawuli, yali yamwendile muno muno Dawudi.

1 Samwili 19:15

Ninga hamba nhavivyo, Sawuli yakawagomoleza wabite wakewonelele weneco hono mbeka Dawudi yatamigwe. Kanyhi yakawalajiliza yakawatya, “Kolo mukubita, mumudinghulaje hamonga ne citanda cakwe mumulete kono kwangu, nene no mweneco nimuwulaje.”

1 Samwili 20:1

Hanyuma yayo, Dawudi yakawuka ku Nayoti ku Lama, yakatiziza kuli Yonazani, yakamuwuza yakatya, “Alu mwene cono nasutya 'ne cicici? Hamba wubici lo wono netuma? Hamba nghanici 'mbi yono namunozeza u sogo, yono yamukoza likuwo, sunga yasace yambulaje?”

1 Samwili 23:15

Nayo Dawudi yakamanya du vyono Sawuli yena wuhile wo kumuwulaga. Holeka Dawudi yakajendelela kuwa kuko ku Holeshi mu nyika ya Zifu.

1 Samwili 24:4

Nawo wanhu wakamulonjela Dawudi wakatya, “Ale, nhondo, acino co cilejeho cako cono Muwaha Mulungu yakulonjela nha vyono, komuwika mulugu wako mu miwoko yako, nagwe kosuma kumutendela nha vyono wendile go mweneco!” Hodu Dawudi yakawa kumusepa Sawuli mhola mhola, yakawa kulitema cinyele limhembo lyo mwenda wa Sawuli, mwene Sawuli hamba kumanya yaye.

1 Samwili 25:29

Hamba munhu yunji yakusepe yasace yakuwulaje, u Muwaha Mulungu, u Mulungu wako, kokuponya nha vyono munhu kacidimaga ciwutwa cakwe co wuguzi wukamu muno. Holeka hamba ne walugu wako, Muwaha Mulungu kowagumila kutali, nha vyono munhu kagumilaga mabwe kutali ne nhago yakwe.