2 Samwili 4:7 - Luganuzi Luswanu Kuli Wanhu Wose 2002

⁷ Wakawa kuhelela lwa kamonga mu cumba cono yagonaga Ishibosheti, wakamwagana yagonile nhongo nzito, wakawa kumuwulaga. Wakawa kuwudumula mutwe wakwe, wakawusola, wakawa kujenda cilo cose wakoleye mwi'lolo lya Yoludani.

2 Samwili 4:7 ပူးပေါင်းရင်းမြစ်များ

2 Samwili 2:29

Nayo Abineli ne wanhu wakwe, wakajenda cilo ci cilya cose, wakakolela mwi'lolo lya Yoludani, wakalowoka likolongo lya Yoludani. Na hakali mitondo yiyo, wakajendelela sunga wakafika kanyhi Mahanayimu.

Wutuluce 8:3

Ne likolongo lye Nile lyomema madelu gose, nago gomatuka genjile mu kaya yako, na mu nyumba yako yono kugonaga, na mu citanda cako, na mu zinyumba ze wetumami wako, sunga na mu wanhu wako wose, na ha mafigwa hako, na mu viya vyako vyose vyo kutiwila wusaje.

Matayo 14:11

No mutwe wa Yohana wukaletwa wuli mu ciya, wakamupela yuyulya u muhinza, nayo muhinza yakamutegulila nyina.

1 Samwili 17:51

Dawudi yakamangha yakakanyaga mucanyha yo Mufilisiti, yakawusomola mumaje wo Mufilisiti mu njasulu yayo, yakawa kuwudumula mutwe wakwe, yakawa kumuwulaga. Nawo Wafilisiti wali weza kuwona vyono citung'ati cawo yakondya kufwa, hobaho wose wakawa kutiza.

1 Samwili 17:54

Mwene Dawudi yakawa kuwudinghula mutwe wa Goliyati, yakawa kuwutegula ku Yelusalemi. Ninga vitwalo vyo wulugu vyono vyali vya Goliyati, avyo yakaviwika mwi'hema lyakwe.

1 Samwili 31:9

Wakawa kuwudumula mutwe wa Sawuli, wakamuwopola ne vitwalo vyakwe, wakawatuma wanhu wavilajile mu yisi yose ye Wafilisiti, wawalonjele wanhu ze nghani swanu kuli vihwani vyawo, na kuli wanhu wawo wose.