2 Samwili 4:4 - Luganuzi Luswanu Kuli Wanhu Wose 2002

⁴ Ale, Yonazani u mwana wa Sawuli, yakawa yena mwana wa cilume yalemaye, litagwa lyakwe Mefibosheti. Mwene Mefibosheti yali yaficile myaka mihano, lono zinghani ze lifwa lyo sogwe Yonazani hamonga no kukuye Sawuli zawaziza ku wulawa kwi'kaya lya Yezeleli, u mukoci wakwe yakamudinghula yakawa kumutizya. Ninga vyono yali yasunhile, Mefibosheti yakasulumhuka mu mawoko yakagwa hasi, yakatuga cilema.

2 Samwili 4:4 ပူးပေါင်းရင်းမြစ်များ

2 Samwili 21:7

Ninga mutemi Dawudi yakamusigaza Mefibosheti, u mwana wa Yonazani, kanyhi yo mwizukulu wa Sawuli, ku soko yo wihuwize wono weyihuwiza mwene na Yonazani.

2 Samwili 9:13

Mwene Mefibosheti mono yali yalemaye migulu yose vyono myejete, yekalaga mu Yelusalemi du, yakulya zindigwa zose ha meza, wakulizana hamonga no mutemi Dawudi.

2 Samwili 9:3

Nayo mutemi Dawudi yakamuwuza yakatya, “Ati, wule, howa ho yuli yunji mono yakali yasigaye mumi mu mhuga ya Sawuli, mono ane nosuma kumunozeza wuswanu nha vyono namwihuwiza Mulungu?” Ziba yakamupitula mutemi yakamutya, “Ho yuli yu monga muli wana wa Yonazani mono yakali yasigaye. Ninga yali citewe.”

2 Samwili 9:6

Nayo Mefibosheti u mwana wa Yonazani, kanyhi yo mwizukulu wa Sawuli, yali yeza kufika, yakenama kwe cogopo ha mwande yo mutemi Dawudi. Nayo mutemi Dawudi yakamucema yakatya, “Mefibosheti.” Nayo Mefibosheti yakedika yakatya, “Ane nili baha muwaha no mwitumami wako.”

1 Watemi 11:17

ninga Hadadi hamonga ne wetumami wo sogwe, i Waedomu watiziza ku Misili. (Na mwidaha lilyo, Hadadi yali yakali mudodo muno muno.)

1 Zinghomo 8:34

Nayo Yonazani yakamulela Melibali, nayo Melibali yakamulela Mika.

1 Zinghomo 9:40

Yonazani yakamulela Melibali, nayo Melibali yakamulela Mika.

1 Samwili 29:1

Wafilisiti wakawakongholela hamonga i wasilikale wawo wo wulugu ku Afeki, lono nawo Waisilayeli wakawa wasitile nghambi yawo ha mumvwilo wono wuli mwilolo lya Yezeleli.

1 Samwili 29:11

Hodu Dawudi hamonga ne wanhu wakwe wakelawa kwinuka hakali mitondo muno muno, wakawa kutuluka wakuwuya ku yisi ye Wafilisiti. Ninga wene Wafilisiti wakajendelela wakabita ku Yezeleli.