2 Samwili 24:3 - Luganuzi Luswanu Kuli Wanhu Wose 2002

³ Ninga Yowabu yakamupitula mutemi yakatya, “Gwe Mutemi, u Muwaha Mulungu, u Mulungu wako, yakawonjeleze wanhu wa Isilayeli kali cigana, wawe wenji kuciza na vyono wenha aluno, nagwe wuwumipe sunga wuziwone zizi zikwitumwa. Ninga socici lu Gwe go Mutemi wukuhila kwituma zizi?”

2 Samwili 24:3 ပူးပေါင်းရင်းမြစ်များ

2 Samwili 10:12

Ninga weze ne vilungo no wutung'ati! Hambi nha yicinojeye ase cihome kwe vilungo ku soko ye wanhu wetu, na ku soko ye makaya go Mulungu wetu. Nayo Muwaha Mulungu yetume zono zikuwa swanu ha meso gakwe.”

2 Samwili 24:4

Ninga mutemi yakawanoza Yowabu hamonga ne wetumami wakwe sunga wamuhulice. Hodu wakawuka ha mwande yakwe, wakawa kubita kuwawala Waisilayeli.

Zabuli 115:14

Muwaha Mulungu yacile kumonjelezenyi wana, anye mo weneco, sunga ne wana wenyu!

Zimbazi 14:28

Ne lilumbo lyo mutemi lili mu winji we wanhu wono yatemile. Ninga hono yawe ne wanhu wacefu, wutemi wakwe wukuwa wa bwete.

Isaya 60:5

Nagwe koloziwona zizi, ko wusangalale wuwaha Ne nhumbula yako yolomema nyemo hamonga no wucicime. Ne sawo yose ye makungugo gose, kololetelwa gwegwe. Sunga ne wugoli wawo wose wolokuziza gwegwe ku wulawa ku nhumbi ye lilenga.

Wukumbucize wo Wulajilize 1:11

Alu, Muwaha Mulungu, u Mulungu we walezi wenyu, yamwinjifyenyi kali elufu monga kuciza, kanyhi kamumotyenyi, nha vyono yehuwiza!