2 Samwili 24:1 - Luganuzi Luswanu Kuli Wanhu Wose 2002

¹ Muwaha Mulungu, yakawakolelwa likuwo kanyhi Waisilayeli, yakawa kumunoza Dawudi yawagaze. Muwaha Mulungu yakamulonjela Dawudi yakatya, “Alu wubite wukawawale wanhu wa Isilayeli na wa Yuda.”

2 Samwili 24:1 ပူးပေါင်းရင်းမြစ်များ

1 Zinghomo 21:1

Kanyhi Setani, yakawa mulugu kuli Waisilayeli, yakamubabula Dawudi, yakawawale Waisilayeli.

Metumo ge Watumwa 4:28

Heya, wetang'anila ho wanoze zizilya, zono wetemezezya no kuziwikaniza kwe vilungo vyako, na ko wendo wako, ku wulawa mwamulizo.

Ezekiyeli 20:25

“Hanyuma nane nghawa kuwapela wulajilize wono si wuswanu, hamonga ne malajilizo gono gasina wumi.

Ezekiyeli 14:9

“No muwizi hono yakocwe-kocwe, no kulonga nghani yono si ye mbeka, ale mumanye nha vyono nene no Muwaha Mulungu, yo nimukocize u muwizi yuyo. Nane nomongomeza no kumutemanulila lukulu mu wanhu wa Isilayeli.

2 Samwili 16:10

Nayo mutemi yakamulonjela Abishayi, hamonga no nduguye Yowabu yakawatya, “Alu mwene, hono yawe Muwaha Mulungu kamutuma yuyo Shimeyi yaze yandijite, alu nani 'mbi kanyhi mono kosuma kutya nhawule ketuma zizi?”

2 Samwili 12:11

Nane nghukwilahila nha vyono, nomunoza yunji wa muli mhuga yako, yakuletele magazo mawaha. Nagwe koziwona zizo kolo nghuwasola wagolece zako, nghumupela munhu yunji, nayo munhu yuyo, kogona nawo ne misi calinze mwi'hala, ha meso ge wanhu wose.

1 Samwili 26:19

Gwe mutemi, wuhulicizaje 'ne, zono nghusaka kuzilonga. Hono yawe Muwaha Mulungu yo yakukundujize ho wuminje, ale i cilavywa comunoza yawupitule wuhile wakwe wuwo. Ninga hono wawe wanhu wo wazinozize zizo, ale, wulijite wo Muwaha Mulungu wuwaficile. Hambi nha waminga ane, ho mbuce mu yisi yo Muwaha Mulungu, ho mbite ku yisi yono yonyambuza niwe kuyihemba milungu yinji.

Wutuluce 7:3

Ninga hamba nhavivyo, ane nomunoza Falawo yawe yasina cihuliko, nayo hamba si kohulika 'ne yaye, hamba noze vitanjilo ne mezino menji mu yisi ya Misili.

Mwamulizo 50:20

Manyile vyono anye mwali mwamumbila wuhile wubi, ninga wuhile wo Mulungu, wukawa wuswanu ho wanhu wenji wawumipe, nha vyono nanye mukuwona izuwali.

Mwamulizo 45:5

Ninga aluno nghumunenenyi mulece kukalala, hamba kwiyihosa vyono mwanguza kukuno. Hambi Mulungu nha yo yandeta nimulongolelenyi ku kuno, ho mhonye wumi we wanhu.

2 Watesalonike 2:11

Holeka nayo u Mulungu yakawawika hasi ye vilungo vyo wajilile, ho wawihuwile u wulambi.

Walawi 10:6

Hanyuma Musa yakamulonjela Haluni hamonga ne wanagwe, Eleyezali na Itamali, yakawatya, “Mulece kuzileka zimvwili zenyu zikale si swamule, hamba mulece kuyidemulanga myenda yenyu muwe kulajila vyono mwina cililo. Vyono hono munoze nhavivyo du, mofwa, kanyhi moleka no Muwaha Mulungu yawakolelwe likuwo mhuga yose. Langa wayenyu Waisilayeli wose wakomboywe, wasumile kulila ku soko ye lifwa lili, lyono liletigwe no moto, wono Muwaha Mulungu yawugumiye.

Wuwale 1:19

nha vyono Muwaha Mulungu yali yalajilize. Musa yakawawala wanhu no kuwandika, lono yali yali mwi 'nyika lya Sinayi.

1 Zinghomo 7:2

Tola yali yena wana mutandatu Uzi, Lefaya, Yeliyeli, Yahimayi, Ibusamu, na Shemuyeli. Nawo wakawa wo walongola we zimhuga za we mhuga ya Tola, kanyhi wali wali vitung'ati mu milewo. Na mu vilo vyo mutemi Dawudi, wene wali waficile wanhu elufu makumi mejete na nyejete, na magana mutandatu.

Walamuzi 2:14

Hobaho Muwaha Mulungu yakawakolelwa likuwo Waisilayeli no kuwatajila mu miwoko ye walugu wawo, ho wawahome, no kuwahiziza vinhu vyawo. Yakawapela vilungo i walugu wawo, nawo Waisilayeli wakawula vilungo vyo kwitaziza ho wawasume walugu wawo.

Walamuzi 2:20

Hobaho u Muwaha Mulungu nayo, yakawa kuwakolelwa likuwo Waisilayeli, no kuwatya. “Likungugo lili lyakondya kucibena cilagane cono nawalajiliza i walezi wawo wacibate. Hambi nha si wakuhulika 'ne yaye.

2 Watemi 3:6

Nayo Yolamu yakawuka kamonga mu Samaliya. Yakalikongholela hamonga lipuga lyakwe lyose lye wasilikale wo wulugu.

1 Zinghomo 7:40

Ne wana wawo wose, wali wana wa Asheli. Wali wo walongola we zimhuga zawo, kanyhi wali wo wanhu wono wali citung'ati mu wulugu, wawaha mu zindeco ze wasogo zawo kanyhi wali vilungo. I wo lulelo lwa Asheli, wali waficile wanhu elufu makumi mejete na mutandatu, wono wali wakwiliye mu mulimo wo wusilikale wo wulugu.

2 Zinghomo 32:25

Ninga mwene Hezekiya yakamema wikumyi mu nhumbula yakwe, hamba kulajila lilumbo kuli Muwaha Mulungu muli zose zono Mulungu yamutendeye. Na ku soko yiyo, Muwaha Mulungu yakamukolelwa likuwo, hamonga ne wanhu wa Yuda na Yelusalemi.