2 Samwili 22:3 - Luganuzi Luswanu Kuli Wanhu Wose 2002

³ Mulungu wangu wo wutizizo wangu, nane nikaye mholile muli mwene. Yakuwa kunyhitila kotya ngula, kandimaga no kumbika mholile. Kanyhi yo mukombozi wangu, kanyhitilaga no kumhonya mu zimbali.

2 Samwili 22:3 ပူးပေါင်းရင်းမြစ်များ

Mwamulizo 15:1

Hanyuma ya zizi, u Muwaha Mulungu yakamulonjelela Abulamu mu wulawilwe yakatya, “Gwe Abulamu, wulece kogopa, ane nili ngula yako. Ne cipegwa cako cowa ciwaha kuciza!”

2 Samwili 22:31

Nzila zo Mulungu, za mugoloka ne zinghani zakwe za mbeka. Mwene wo wutazi kuli wono wakutiziza kuli mwene.

2 Samwili 22:47

“Muwaha Mulungu yo mumi! Yalumbwe u mudimi wangu! Ale, mwanze zo wuwaha wakwe, u Mulungu mono yali vilungo mono kamhonyaga!

2 Samwili 22:49

kanyhi kamhonyaga kuli walugu wangu. Gwe go Muwaha Mulungu, kumhelaga wusume kuli walugu wangu, kanyhi kunyitilaga ne wanhu wabi.

2 Samwili 22:51

Mulungu kamupelaga wusume mutemi wakwe, kalajilaga lusungu lwakwe luwaha kuli mono yamuhagula, kuli Dawudi hamonga ne wanagwe cibitilila.”

2 Samwili 23:3

Mulungu wa Isilayeli yalonga, u mudimi wa Isilayeli yanonjela yakatya, ‘Mutemi mono katemaga kwe ling'ani, mono katemaga mu cihuliko kuli Mulungu,

Zabuli 14:6

I wanhu wabi, wahodangaga, wuhile wo munhu muciwa, ninga Muwaha Mulungu, wo wutizizo wakwe.

Zabuli 140:1

Gwe go Muwaha Mulungu, wumhonye kuli wanhu wabi, wunyhitile kuli wanhu wawulaji.

Zabuli 140:11

I wabalalizi si wosuma kwikala mono'nze, no wubi wuwagane i wawulaji, no kuwongomeza lwa kamonga!

Zabuli 140:4

Gwe go Muwaha Mulungu, wunyhitile kuli vilungo vyo mubi, kanyhi wunyhitile sunga na kuli wawulaji, wono wena wuhile wo kunyajiliza.

Zabuli 142:4

Na lono nghulanga ako na ako, si nghumuwona hamba munhu wo wose, mono komhela wutazi, hamba ne hanhu ho kutiziza, hose sina, hamba munhu yumonga bwete hasina, mono yakumbona nha vyono nane nili munhu.

Zabuli 144:2

Mwene yo mudimi wangu mwihuwilwa, kanyhi yo kanyhitilaga muli zose, kanyhi yo muponyi wangu. Mwene yo mudimi wangu mono nimwitumbiye, Mwene kagasumilizaga makungugo, no kugawika hasi yangu.

Zabuli 18:2

Muwaha Mulungu, gwegwe wo wutizizo wangu, ne ligomawakali lyangu. Yo gwegwe Mulungu wangu, ne litalawe lyangu, nghutiziza kuli mwene ho niwe mholile, mwene yo ngula yangu, yo Mukombozi wangu mono yali vilungo.

Zabuli 27:5

Na mwi'zuwa lyo wugaye, mwene kohundika 'ne mu wikalo wakwe, kanyhi kombika mholile mwi'talawe mucanyha.

Zabuli 28:7

U Muwaha Mulungu vyo vilungo vyangu, ne ngula yangu, nane nimwitumbiye mwene kwe nhumbula yangu yose. U mwene kanhazaga no kusangalaza, holeka nane nomukumya, no kumwimbila, zinyimbo zo wusangalale.

Zabuli 3:3

Ninga agwe go Muwaha Mulungu, wuli ngula yangu, nane nghwilumba no kutuga wuluwuce ku soko yako.

Zabuli 32:7

Agwe yo gwegwe go wutizizo wangu, kunghamisaga mu wugaye wangu. Nina wusangalale wuwaha vyono wakondya kumhonya.

Zabuli 46:1

Mulungu wo wutizizo wetu ne vilungo vyetu, nayo yewikanize nhondo zose, kuleta wutazi mwidaha lyo wugaye.

Zabuli 46:11

U Muwaha Mulungu, Mulungu we mihanga, yali hamonga nase, u Mulungu wa Yakobo, wo wutizizo wetu.

Zabuli 46:2

Holeka nase hamba si cokogopa cinji, hamba yinze yisinjisice, sunga ne matunda gagwile mwi'lenga,

Zabuli 46:7

U Muwaha Mulungu, u Mulungu we mihanga yali hamonga nase, u Mulungu wa Yakobo, wo wutizizo wetu.

Zabuli 5:12

Hambi 'gwe go Muwaha Mulungu, nha kumumotyaga munhu we ling'ani, kanyhi kumucitilaga nha ngula, ku soko yo lusungu lwako.

Zabuli 55:9

Gwe go Muwaha Mulungu, wuwatemanulaje milonjele yawo, hambi nha nghuwona kowuli, wuwulaji no wugombe kuko kwi'kaya,

Zabuli 59:16

Ninga ane nokwimba zo lukumyo lwe vilungo vyako, kanyhi, nosangalalila zo lusungu lwako hakali mitondo, hambi nha yo gwegwe go wihundiko wangu, no wutizizo wangu mu vilo vyo wugaye.

Zabuli 61:3

Hambi agwe, nha yo gwegwe go wutizizo wangu, kanyhi yo gwegwe go ligomawakali lyangu, kuli walugu wangu.

Zabuli 71:7

Nane naweza colecezo co wizine kuli wenji, ninga agwe yo gwegwe go wutizizo wangu wono wukamile.

Zabuli 72:14

Kozikomboza zinhumbula zawo, mu wiwonelwe no wuwulaji, hambi wumi wawo, nha wina cambuzi ciwaha muno muno kuli mwene.

Zabuli 84:11

U Muwaha Mulungu yo mudimi wetu, kanyhi yo mutemi wetu wo lukumyo, mwene kacimotyaga vye lihewa lyakwe, kanyhi yakucipela no lukumyo. Muwaha Mulungu si yakuwa kuwema cinji co cose ciswanu, wono wetumaga ze ling'ani.

Zabuli 84:9

Gwe go Mulungu wetu, wumulanjilile mutemi wetu ko wuswanu wako, heya, wumulanjilile viswanu mutemi mono wamuhagula.

Zabuli 86:14

Gwe go Mulungu, wanhu wedunhumuzi wose wamhinjiye nene, lipuga lye wanhu wawulaji, wono si wakogopile gwegwe wakusaka wambulaje.

Zabuli 9:10

Nawo wose wono walivumilaga litagwa lyako, 'gwe go Muwaha Mulungu wawo wo wakwitumbilaga gwegwe, hambi 'gwe nha si kumutagaga yaye, u munhu wo wose mono yakukulondola gwegwe.

Zabuli 9:9

Muwaha Mulungu, wo wutizizo kuli munhu, mono yakwiwonelwa, kanyhi ho hanhu hono hapolile, mu vilo vyo wugaye.

Wutuluce 15:2

Muwaha Mulungu vyo vilungo vyangu, kanyhi lo lwimbo lwangu, nayo mweneco yo mhonelo yangu. Nayo yo Mulungu wangu, nane nomulumba, yo Mulungu wo sogo yangu, nane nomukumya.

Zimbazi 18:10

Nayo Muwaha Mulungu, wo munala we vilungo, hono i wanhu we ling'ani, wosuma kwihundika no kuwa wapolile.

Zimbazi 30:5

“Ninga Mulungu kawukamisaga wihuwizo wakwe wono kawihuwizaga. Mwene yehwanile ngula, kuli wose wono walondolaga wucitilwe kuli mwene.

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 32:2

Nawo wawo wose, wolowa nho wihundiko so mbeho, kanyhi wolowa nho wicito so mukukunzo. Kanyhi wolowa nhe vikolongo vye malenga, vyono vikuhuluma mu nyika. Kanyhi wolowa nho mubeho muwaha we libwe liwaha, lyono lili mu yisi yono yilecigwe.

Isaya 45:21

Ale nzonyi muzilonje zenyu ha mahakama, muwalece wono wasitakwe walongane weneco wose. Alu mwene mukwihwesa nani mono yawila mu vilo vye katali vyono zizi zolokwijela? Yo nene du Muwaha Mulungu, u Mulungu mono kawaponyaga wanhu wakwe. Na hasina mulungu yunji, langa nene du.

Yelemiya 16:19

Gwe o Muwaha Mulungu, yo gwegwe du mono kundimaga, no kumhela vilungo, kanyhi yo gwegwe du mono kumhelaga wutazi mu mapango go wugaye. Ne makungugo nha golokuziza gakulawa mu zimhelo zose ze yinze wawe kutya, “I walezi wetu hamba si wahala cinji, langa wahala i milungu yo wulambi, hamonga ne vihwani viseswe, vyono visina hamba cambuzi co cose.

Yelemiya 16:9

Alu agwe wuhulicize zono nowanoza, ane no Muwaha Mulungu, we mihanga, u Mulungu wa Isilayeli. Ane nogadumya ha meso genyu, i mazi gose ge nyemo no wusangalale, hamonga ne mazozo gose ge nyemo, ga mu zindigwa zi nyinji ze zi halusi.”

Luka 1:47

No muhe wangu wumusangalaliye Mulungu Muponyi wangu.

Luka 1:69

Kacipela Mukombozi we vilungo mu mhuga ya Dawudi u mwitumami wakwe.

Luka 1:71

nha vyono kocikomboza wulawa mu walugu wetu, na mu miwoko ya wose wono wacisulile.

Wukumbucize wo Wulajilize 32:37

Muwaha Mulungu kowawuza wanhu wakwe yawe kutya, ‘Alo milungu yono mwali muyitumbiye, yili hayi kanyhi?

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

Wukumbucize wo Wulajilize 33:29

Alu muli wamoti 'nye nyo Isilayeli, hambi nani kanyhi mono yehwanile nyenye, nyo nghungugo yono yakondya kuponywa no Muwaha Mulungu. Nayo Muwaha Mulungu, yo ngula yenyu no mumaje wenyu, ho yamudimenyi no kumupelenyi wusume. Iwalugu wenyu womuzizenyi wamulombenyi wakusaka muwawonele lusungu. Nanye baho ho mowakanyanjilila lukulu ho hasi.

Tito 3:4

Ninga caza kugubulwa i cidaha co wuswanu no wendo wo Mulungu, Mukombozi wetu,

Tito 3:6

U Mulungu yakacijidila yasina cipimo zo Muhe Mono Yelile muli Yesu Kilisito, Mukombozi wetu,

Wahebelaniya 2:13

Kanyhi yakutya, “Nowuwika u witumbilo wangu muli Mulungu.” Na kanyhi, “Ane nili baha hamonga ne wana wono wamhela agwe go Mulungu.”

1 Samwili 2:1

Nayo Hana yakalomba yakutya, “Muwaha Mulungu kayimemya nhumbula yangu nyemo, Nane sangalaye muno so zose zono yanhendeye! Nane nowaseka walugu wangu so nyemo yono nina nayo, vyono nghuyisanglalila mhonelo yakwe!

1 Samwili 2:2

“Hasina mono yelile nha vyono Mulungu yelile, hambi nha hasina yunji, langa gwegwe du, hamba hasina mudimi yunji mono yehwanile no Mulungu wetu.”