2 Samwili 2:1 - Luganuzi Luswanu Kuli Wanhu Wose 2002

¹ Hanyuma ya zizi, Dawudi yakamuwuza Muwaha Mulungu yakatya, “Alu wule, ane nosuma kubita nghekale mwi'kaya limonga lya mu makaya ga Yuda?” Muwaha Mulungu yakamutya, “Heya kosuma kubita.” Dawudi yakamuwuza kanyhi yakatya, “Alu mbite kwi'kaya lya hayi lyene?” Nayo Muwaha Mulungu yakamutya, “Wubite mwikaya lya Hebuloni.”

2 Samwili 2:1 ပူးပေါင်းရင်းမြစ်များ

Mwamulizo 13:18

Hodu Abulamu yakawa kulikula lihema lyakwe, yakawa kubita kwikala behi ne miyaloni, i mibici ye minghola ya Mamule, yono yili mu Hebuloni, nako kuko, yakamuzenjela Muwaha Mulungu cikumbicilo.

Mwamulizo 32:2

Nayo Yakobo yali yeza kuwawona, yakatya, “Ali lyo lipuga lyo Mulungu!” Holeka yakahacema hanhu baho yakahatya, Mahanayimu.

2 Samwili 15:7

Yali yeza kupuluta myaka mine, Abusalomu yakamubitila mutemi Dawudi yakamulonjela yakatya, “Gwe mutemi, nghukunena wunghombole mbite ku Hebuloni nghafisilize wihuwizo wangu wono namwihuwiza Muwaha Mulungu.

2 Samwili 2:11

Nayo Dawudi yakatema ku Hebuloni mu nyumba ya Yuda, myaka mupunghati na myezi mutandatu.

2 Samwili 5:19

Dawudi yakamuwuza Muwaha Mulungu yakatya, “Nosuma kubita nghawahome Wafilisiti? Wule komhela wusume hono mbite?” Nayo Muwaha Mulungu yakamutya, “Heya wubite, nane nokupela wusume!”

2 Samwili 5:23

Dawudi yakamuwuza kanyhi Muwaha Mulungu, nayo Muwaha Mulungu yakamutya, “Ninga wulece kuwahomela ku lubavu luluno, langa wupilime, wiwikanize ho wuwahome ku wulawilila ku lubavu lulo luyagwe behi ne mibici ye mikulo.

1 Watemi 2:11

Mwene Dawudi, yatema mu Isilayeli, myaka makumi mane. Na ku Hebuloni, yakatema myaka mupunghati, nako ku Yelusalemi, yakatema myaka makumi madatu na midatu.

1 Zinghomo 29:7

vinhu avi, so mulimo wa mu Nyumba yo Mulungu. Holeka wakalavya vinhu avi: Zahabu, kuciza tani yigana limonga, na makumi mupunghati. Fweza, kuciza tani magana madatu na makumi mane. Shaba, kuciza tani magana mutandatu na makumi mejete. Cuma, kuciza tani elufu yidatu, na magana mane.

2 Zinghomo 11:10

Zola, Ayijaloni na Hebuloni.

Zabuli 143:8

Wumanyize zo lusungu lwako nhondo zose, hakali mitondo, hambi ane nha nghwitumbiye gwegwe du. Wuhulice wulombe wangu, wundajile ne nzila yono noyityatya,

Zabuli 27:4

Hoyili nghani monga du yono nimulombile Muwaha Mulungu, nghani monga du yono nghuyilondola, nayo yoyi, “Nikale mu nyumba yo Muwaha Mulungu, vilo vyose vyo wikale wangu, niwuwone wuswanu wo Muwaha Mulungu, no kuwulondola wutonji wakwe mu Nyumba yakwe.”

Ezekiyeli 36:37

U Muwaha Mulungu yakutya nhavi, “Nane nolowaleka Waisilayeli walombe kanyhi wutazi kuli'ne. Nolowaleka wonjelezece mwi'walo lyawo, wawe wenji nhe 'tewa lye zingholo.

Wuwale 13:22

Ninga kanyhi, wakamula kubita ku lubavu lwe takama lwe yisi, wakakolela ku Hebuloni, mu yisi ya we mhuga ya Ahimoni na Sheshayi, na Talamayi, we ndelwa ye mbeyu ye manhu gono gali gali vilungo, gono gacemwaga Waanaki, wo wekalaga kuko. (Nayo Hebuloni, yo yalongola kuzengwa. Yali yeza kupuluta myaka mupunghati, ho yikazengwa nayo Zowani yono yili mu Misili.)

Wuwale 27:21

Nayo kowa yali hamonga na Eleyezali u mukohani, mono kosuma kuwumanya wuhile wangu mu nzila yo witumamila Ulimu na Tumimu. Na mu nzila yiyo, Eleyezali kosuma kumutonga Yoshuwa, hamonga ne mhuga yose ye Waisilayeli, muli zinghani zawo zose.”

Yoshuwa 15:13

Lubavu lunji lwe yisi ya we mhuga ya Yuda, yakapegwa Kalebi u mwana wa Yefune, nha vyono Muwaha Mulungu yamulajiliza Yoshuwa. Yakapegwa likaya lya Hebuloni, likaya lyono lyali lya Aluba u sogwe wa Anaki.

Walamuzi 1:1

Ale lono Yoshuwa yali yafwiza, wanhu wa Isilayeli wakamuwuza Muwaha Mulungu wakatya, “U mulangoci wa muli milango yetu, wono wolongolela ho vikehome ne Wakanani?”

1 Samwili 10:22

hodu wakawa kumuwuza Muwaha Mulungu wakutya, “Wule, yuyu mono yahaguywe yali hayi lo?” Nayo Muwaha Mulungu yakapitula yakatya, “Sawuli mono mukumulondola, ayulya ahalya, yehundice ha mitegulo.”

1 Samwili 23:2

Hodu Dawudi yakawa kumuwuza Muwaha Mulungu yakatya, “Alu wule, mbite nghawahome Wafilisiti?” Muwaha Mulungu yakamupitula yakamutya, “Heya, wubite wukawahome wuyiponye Keyila.”

1 Samwili 23:4

Ninga Dawudi yakamuwuza kanyhi Muwaha Mulungu, nayo Muwaha Mulungu yakamutya, “Wubite wukayihome Keyila, hambi ane nha nokupela wusume kuli Wafilisiti.”

1 Samwili 30:31

na Hebuloni. Yakawagawila wanhu we hanhu hose, hono mwene hamonga ne wanhu wakwe wali wazoweye.