2 Samwili 19:9 - Luganuzi Luswanu Kuli Wanhu Wose 2002

⁹ Wakawa kwanza kugombana weneco wose, mu yisi yose. Akuno wakulongana munhu no muyagwe wakutya, “Alu mulanje! Ayu mutemi Dawudi yaciponya kuli walugu wetu, yaciponya kuli Wafilisiti. Ninga alu, mulanje vyono yakutiza ha mwande ya Abusalomu, sunga yakayileka ne yisi.

2 Samwili 19:9 ပူးပေါင်းရင်းမြစ်များ

2 Samwili 15:14

Nayo Dawudi yakawa kuwalonjela i wetumami wakwe wose, wono yali yena nawo mu Yelusalemi yakawatya, “Nye wayangu, yicinojeye alu ciwuce mono Yelusalemi lulu baha citize, hono ciwe cikusaka ciponye kuli Abusalomu! Ciyohaje musunho! Hambi hono citinye, mwene nha kokuza mbela yacisumize, yaciwulaje ase wose mono cili mone'kaya!”

2 Samwili 5:20

Hodu Dawudi yakawa kubita ku Baali Pelazimu. Nako kuko yakawasuma Wafilisiti, yakawa kutya, “Muwaha Mulungu kawapongholeza i walugu wangu kotya yihwazi lya malenga.” Holeka hanhu baho hakacemwa “Baali-pelazimu.”

1 Samwili 19:5

Hambi nha yesuza wumi wakwe lono yamuwulajila Goliyati, no Muwaha Mulungu yakawasumila Waisilayeli wusume wuwaha muno muno. Nagwe wali weza kuziwona zizo, wukasangalala muno. Alu ho nhawule kanyhi wukuhila kumunozeza zimbi u munhu mono yasina yisutya, no kusaka kumuwulaga Dawudi mbula soko?”

1 Samwili 18:25

Hobaho nayo mutemi Sawuli, yakawa kuwalajiliza wetumami wakamulonjele Dawudi watye, “Mutemi katya nhavi, ‘Mwene si yakusaka cigumo co cose, langa yakusaka wukamuletele nzunga yigana limonga ze Wafilisiti. Nazo cowa co cigumo cako, kuli mwanagwe we cicekulu Mikali, nayo ho yelipicize kuli wawo walugu wakwe.’ ” Na yiyi yo nzila yono Sawuli yali yehwesa, ho Dawudi yawulagwe ne Wafilisiti.

1 Samwili 17:50

Lanje ta! Dawudi yali yasina mumaje, ninga yakamusuma Goliyati no kumuwulaga kwa nhago ne libwe!

Wutuluce 32:24

Holeka nane niwa kuwalonjela vyono, munhu wo wose mono yena wihambo wa zahabu yalavye. Nawo wawa kundetela, nane niwa kuvyenjedula mu moto, ne ndama yiyi vyo yinozigwe.’ ”

2 Samwili 19:10

Nase cikamwitila Abusalomu i mafuta go witile, ninga nayo alu yakondya kuwulagwa ku wulugu. Alu cono cikucimila kanyhi cicici, ho cilece kumugomola Dawudi kanyhi mu wutemi?”

2 Samwili 19:40

Nayo mutemi yali yeza kukondya kulowoka likolongo lya Yoludani, yakulowoswa ne wanhu wa Yuda hamonga ne nusu ye Waisilayeli, u mutemi yakabita ku Giligali hamonga na Cimuhamu.

2 Samwili 22:44

“Agwe wanhaza mu miwoko ye wanhu wangu wagaluci, wukanghamisa niwe muwaha mu makungugo, ne wanhu wono nali si niwamanyile, alu woweza wetumami wangu.

Zabuli 18:43

Agwe kumhonya kuli wabedegazi, no kunoza niwe mutemi kuli makungugo. Ne wanhu wono si niwamanyile wo wonyitumamila.

2 Samwili 18:17

Wakawusola muwili wa Abusalomu, wakawugumila mwi'kombo yitali mumo mu mbago, wakalundila mabwe menji mawaha. Ne Waisilayeli wose wakatiziza munhu mu kaya yakwe.