2 Samwili 19:4 - Luganuzi Luswanu Kuli Wanhu Wose 2002

⁴ Mutemi yakawugubika wusu wakwe, yakalila kwe yizi yiwaha, yakutya, “Woyi he mwanangu! Mwanangu Abusalomu! Abusalomu mwanangu!”

2 Samwili 19:4 ပူးပေါင်းရင်းမြစ်များ

2 Samwili 18:33

Mutemi yakatuga wusungu wuwaha muno mu nhumbula yakwe. Yakenjila mu cumba ca hacanyha ha mulango, yakalila muno muno. Na lono yabitaga ku cumba, yajendaga yakulila yakutya, “Woyi he mwanangu! Mwanangu Abusalomu! ‘Gwe Abusalomu mwanangu! Ciba nali nifwe nene si nha agwe mwanangu! Gwe Abusalomu mwanangu!’ ”

2 Samwili 15:30

Mutemi Dawudi yakawa kujendelela no muhinzo wakwe, yakakolela mucanyha ye litunda lya Mizeyituni, akuno yakulila, yasina ne malatu mu magulu gakwe, yegubice no mutwe wakwe, so wusungu wuwaha muno muno. Sunga ne wanhu wose wono yali yena nawo, nawo wakayigubika mitwe yawo wakalila muno.

2 Samwili 19:3

Holeka wasilikale wose wakenjila mwikaya wenha wakusepa, wakehwana wasilikale wono wakuwona cevu, lono wakutiza ha mwande ye walugu wawo ku wulugu.

2 Samwili 19:5

Yowabu yakamubitila mutemi ku kaya yakwe, yakamulonjela yakatya, “Mutemi! Izuwali wawakoza cevu wanhu wako, i wanhu wono wawuponizye wumi wako, hamonga no wumi we wanago wose we cilume na we cicekulu, no wumi we wagolece zako na we wajitulwa wako.

2 Samwili 14:1

Yowabu yakamanya nha vyono mutemi Dawudi, yamwisukwa muno muno Abusalomu.