2 Samwili 17:8 - Luganuzi Luswanu Kuli Wanhu Wose 2002

⁸ Hambi nagwe nha wumanyile manyi manyi, vyono sogo Dawudi citung'ati muno mu milewo, hamonga ne wanhu wakwe wono yena nawo. Kanyhi wakali muno wehwanile dubu lyono walihizize mana gayo. No sogo yo musilikale mono yazoweye muno wulugu, hamba si kagonaga ku cilo hamonga ne wanhu wakwe.

2 Samwili 17:8 ပူးပေါင်းရင်းမြစ်များ

2 Samwili 15:18

Nawo wetumami wakwe wose wakema ku lubavu lwakwe, nawo wakakola ha mwande yakwe wakulajila cogopo cawo kuli mwene. Nawo wasilikale magana mutandatu, wono wamutyatya ku wulawa ku Gati, nawo wakakola ha mwande yakwe nhavivyo.

2 Samwili 17:9

Sunga na lulu, lunji kowa yehundice mu mhango hamba yali hanhu hanji du. Na kolo Dawudi yakuwahoma wanhu wako, muli wose mono kohulika kolonga yatye, vyono i wanhu wako mbeka wasumwa.

2 Samwili 23:16

Hobaho wawalya i vitung'ati wadatu wakawa kutuluka, wakawabitila Wafilisiti ku nghambi yawo, wakanega malenga ga mwi'sima, wakamutegulila Dawudi. Ninga nayo hamba si yagang'wa yaye, langa yali yeza kugabocela, yakagamwaga hasi, cikawa nha cilavywa kuli Muwaha Mulungu.

2 Samwili 23:18

Nayo Abishayi nduguye wa Yowabu (u nyina yawo yacemwaga Zeluya.) Mwene Abishayi yakawa yo mulongola muwaha mutambule we “Watambule vitung'ati makumi madatu.” Nayo yakehoma na wanhu magana madatu, yakawawulaga wose ko mugoha wakwe. Holeka nayo yakawa mwi'walo lye “Watambule vitung'ati wa walya i wadatu.”

2 Watemi 2:24

Nayo Elisha yakawapitucila, yakawanugulila ne meso go wukali, yakawalijita mwi'tagwa lyo Muwaha Mulungu. Nago madubu mejete macekulu, gakakolomhoka gakulawa mu mbago, gakawehawanga wazelelo makumi mane na wejete muli wene, gakawawulaga.

Zimbazi 17:12

Kanyhi ciba, hono mwitang'anile ne dubu, lyono walihizize mana galyo, si nho kwitang'anila no munhu mulele, mono yakwipiganza ne zinghani zo wulele.

Zimbazi 28:15

Ne wanhu waciwa, si watugaga wutazi kuli mutemi mubi, hambi nha mukali, yehwanile simba yono yikukoloma, hamba dubu yono yidabuce.

Ezekiyeli 19:2

U nyina yenyu simba yo lukumyo mu zisimba zinji. Yazilisaga zi nyanagwe haciligati ye zisimba zinume.

Danyeli 7:5

Ne lilimu lye kejete, lyali linhe dubu. Nalyo lyali limile kwe migulu yalyo ya ku nyuma. Kanyhi likawa lilumile mafupa madatu ga mbavu mu meno galyo. Hanyuma likaza lizi likalitya, “Winuce wulye nyama nyinji nha vyono wukusuma.”

Hoseya 13:8

Nane nomuhungucilenyi nhe dubu lyono litajile wana wayo, kanyhi nomudemulanjenyi. Nomuhawanjenyi kotya simba, no kumudemulanjenyi vidodo vidodo kotya nimu ya mu mbago.

Walamuzi 18:25

Nawo i wanhu wa Dani wakamutya, “Gwe Mika, ciba wali wunyamale, hamba kulonga nghani yo yose, na hono si nhavivyo kowakalaza wanhu awa, nawo wokuhoma. Nagwe kofwa hamonga na we mhuga yako wose.”

1 Samwili 16:18

Na yumonga wa muli wetumami wakwe yakatya, “Munhu yunji mono yakucemwa Yese, mono yekaye mwi'kaya lya Betelehemu, yena mwanagwe we cilume, mono yamanyile muno muno kutowa lisumbi. Kanyhi citung'ati, na muhidimbazi mu milewo, kanyhi yo munhu mono yamemile nonga ye mahala, kanyhi yena futa yono yikwendeza, no Muwaha Mulungu yali hamonga nayo.”

1 Samwili 17:50

Lanje ta! Dawudi yali yasina mumaje, ninga yakamusuma Goliyati no kumuwulaga kwa nhago ne libwe!

1 Samwili 23:23

Musunjilile sunga muwuwone wihuwindiko wakwe wose mono kehundikaga, hanyuma ho muze kanyhi munonjele lwa kamonga. Nane ho nobitana hamonga nanye. Na hono yawe yakali yali mumo mu yisi yenyu, ale, nomusepasepa sunga nimwibate, hamba yiwe yinojeye nimulondole mu yisi yose ya Yuda.”