2 Samwili 15:14 - Luganuzi Luswanu Kuli Wanhu Wose 2002

¹⁴ Nayo Dawudi yakawa kuwalonjela i wetumami wakwe wose, wono yali yena nawo mu Yelusalemi yakawatya, “Nye wayangu, yicinojeye alu ciwuce mono Yelusalemi lulu baha citize, hono ciwe cikusaka ciponye kuli Abusalomu! Ciyohaje musunho! Hambi hono citinye, mwene nha kokuza mbela yacisumize, yaciwulaje ase wose mono cili mone'kaya!”

2 Samwili 15:14 ပူးပေါင်းရင်းမြစ်များ

2 Samwili 19:9

Wakawa kwanza kugombana weneco wose, mu yisi yose. Akuno wakulongana munhu no muyagwe wakutya, “Alu mulanje! Ayu mutemi Dawudi yaciponya kuli walugu wetu, yaciponya kuli Wafilisiti. Ninga alu, mulanje vyono yakutiza ha mwande ya Abusalomu, sunga yakayileka ne yisi.

Luka 10:15

Nagwe Kapelanawumi wukuhila kwiyinula sunga ko ku wulanga? Ng'o ye, kovulumuswa sunga kono kowali wafu.”

Matayo 11:12

Kuwulawilila mu vilo vya Yohana sunga nalu, u Wutemi wa ku wulanga wukwinjilwa kwe vilungo muno muno, ne wanhu i wahidimbazi, wo wakujela kuwutuga kwe vilungo.

Ezekiyeli 46:18

Kanyhi yimunojeye mutemi, yalecele lukulu kuwasolela i wanhu sawo yawo. Kanyhi yalanjilile, vyono i hanhu ho hose mu'si hono yakuwapela i wanagwe, heze i hanhu hono hakulawa mu yisi yakwe mweneco du. Ho yalece kuwewonela wanhu wangu mu nzila yo kuwaboka yisi yawo.”

Zabuli 51:18

Gwe go Mulungu, wulinozezaje ziswanu likaya lya Sayuni, wugazengaje kanyhi wupya majinji ga Yelusalemi.

2 Samwili 12:11

Nane nghukwilahila nha vyono, nomunoza yunji wa muli mhuga yako, yakuletele magazo mawaha. Nagwe koziwona zizo kolo nghuwasola wagolece zako, nghumupela munhu yunji, nayo munhu yuyo, kogona nawo ne misi calinze mwi'hala, ha meso ge wanhu wose.

2 Samwili 15:15

Nawo wetumami wakatya, “Heya cahulika Mutemi, nase cokwituma nha vyono wulonjile.”

2 Samwili 19:10

Nase cikamwitila Abusalomu i mafuta go witile, ninga nayo alu yakondya kuwulagwa ku wulugu. Alu cono cikucimila kanyhi cicici, ho cilece kumugomola Dawudi kanyhi mu wutemi?”