2 Samwili 13:5 - Luganuzi Luswanu Kuli Wanhu Wose 2002

⁵ Nayo Yonadabu yakamutya Amunoni, “Alu agwe winozaje nha wutamigwe, wubite wukagone mu citanda. Na kolo sogo yakuza kukulanga, agwe wumutezaje, ‘Baba, nghukunena wumutume lumbu lyangu Tamali yaze yandetele ndigwa nilye. Nghusaka yayinozeze ndigwa ha meso gangu, hono nane nosuma kumuwona, na hanyuma mweneco du kanyhi yo yanhenjele.’ ”

2 Samwili 13:5 ပူးပေါင်းရင်းမြစ်များ

2 Samwili 13:4

Yonadabu yakamutya Amunoni, “Alu 'gwe, nha wuli mwana we cilume wo mutemi muno, ninga lu nhawule vilo vyose ane nghukuwona wukucila kuganda, kanyhi wusina nyemo. Alo wina nghanici?” Nayo Amunoni yakamupitula yakatya, “Gwe mwendece wangu, ane nimwendile muno muno Tamali u lumbulye lyo mwanakwetu Abusalomu.”

2 Samwili 13:6

Hodu nayo Amunoni yakawa kwinoza nha yatamigwe, yakawa kubita kugona mu citanda. Nayo mutemi Dawudi yakawa kubita kumulanga. Amunoni yakamutya sogwe, “Baba, dedede wumutume lumbu lyangu Tamali, yaze yanozeze mikate myejete ha mwande yangu, hono nane nosuma kumuwona. Hanyuma kanyhi yanhenjele mweneco.”

2 Samwili 16:21

Nayo Ahitofeli yakamupitula Abusalomu yakatya, “Alu wubite wukagone ne wacekulu wajitulwa wo sogo, wono yawaleka walilanjilile likulu. Ne wanhu wose wa Isilayeli ho womanya nha vyono, mbeka sogo yakusulile muno, na baho wose wono wali ku lubavu lwako, nawo wotuga vilungo.”

Zimbazi 19:27

Gwe mwanangu, hono wuleme mafundo, nha cinji wukulema zinghani zo wumanye.

Metumo ge Watumwa 23:15

Alu anye, hamonga ne libalaza, mumulonjele u muwaha we wasilikale u mulongola, yamulete Pawulo kuli nyenye nha kotya mukusaka kumanya viswanu nha vyono zinha zakwe. Nase ciwikanize kumuwulaga na lono yakali si yanafika baha.”