2 Samwili 13:4 - Luganuzi Luswanu Kuli Wanhu Wose 2002

⁴ Yonadabu yakamutya Amunoni, “Alu 'gwe, nha wuli mwana we cilume wo mutemi muno, ninga lu nhawule vilo vyose ane nghukuwona wukucila kuganda, kanyhi wusina nyemo. Alo wina nghanici?” Nayo Amunoni yakamupitula yakatya, “Gwe mwendece wangu, ane nimwendile muno muno Tamali u lumbulye lyo mwanakwetu Abusalomu.”

2 Samwili 13:4 ပူးပေါင်းရင်းမြစ်များ

2 Samwili 13:3

Ninga Amunoni yakawa yena mwendece wakwe, mono yacemwaga Yonadabu, munhu musugu muno, u mwana wa Shimeya u mwanakwawe wa Dawudi.

2 Samwili 13:5

Nayo Yonadabu yakamutya Amunoni, “Alu agwe winozaje nha wutamigwe, wubite wukagone mu citanda. Na kolo sogo yakuza kukulanga, agwe wumutezaje, ‘Baba, nghukunena wumutume lumbu lyangu Tamali yaze yandetele ndigwa nilye. Nghusaka yayinozeze ndigwa ha meso gangu, hono nane nosuma kumuwona, na hanyuma mweneco du kanyhi yo yanhenjele.’ ”

1 Watemi 21:5

U mugolece wakwe Yezebeli, yakamubitila yakamuwuza yakutya, “Alu nhawule wukalaye muno muno, sunga weza si wukusaka no kulya ndigwa?”

1 Watemi 21:7

Nayo Yezebeli mugolece wakwe yakamupitula yakamutya, “Alu, si yo gwegwe mutemi wa Isilayeli, hamba ng'o? Ale wisindamice, winuce wuwuce mu citanda, wulye ndigwa. Ane nokupela wuwo mugunda wa Naboti!”

Isaya 3:9

No wuhijila-mbejele wawo, wukuwa kuwahomelela weneco. Sunga no wubi wawo, nha wuli calinze, nha vyono wanhu wa Sodoma wetuma. Holeka wokongomezwa, no wongomezwe wuwo, weletela weneco.

Yelemiya 8:12

Ninga wule nyo wanhu wangu, mwakolwa cevu so makani gago ge cevu gono mwagetuma? Waco nye, hamba si mwakolwa cevu yaye, hamba si mwapuwa ng'o! Holeka luno nanye kolo nghumukundujizenyi, mogwa nha vyono wanji wagwa. Nanye nhondo, wuwo wowa wo mudumo wenyu. Vyo nghutya ane no Muwaha Mulungu.

Walawi 18:9

Wulecele lukulu kugona no lumbulyo, hamba yawe lumbulyo mutumulwa mono yaleligwe no sogo hamba no nyina yako, mono yawilusizwe mu nyumba yo sogo, hamba yawe si muwiluciye wose hamonga mu nyumba yo sogo.

Walawi 20:17

“Na hono munhu yamutole lumbulye hamba u lumbulye mono wahanjile sogo yawo hamba nyina yawo, wanojeye wakozwe cevu calinze, kanyhi wakomwe mu mhuga. Hambi nha vigona no lumbulye, holeka wanojeye wawubocele wulipicizwe wayo.

Mika 7:3

Wose wanghula muno ku wituma zo wavu. Wanhu wawaha hamonga ne mahakimu, wakulomba mafupo. Nayo u munhu muwaha yakuwalonjela zono yakuhila mu nhumbula yakwe nawo wawa kwilumbaniza nayo.

Luka 12:32

“Mulece kogopa anye mo cipuga cidodo, hambi Sogo yenyu nha yendile kumupelenyi wutemi.