2 Samwili 13:3 - Luganuzi Luswanu Kuli Wanhu Wose 2002

³ Ninga Amunoni yakawa yena mwendece wakwe, mono yacemwaga Yonadabu, munhu musugu muno, u mwana wa Shimeya u mwanakwawe wa Dawudi.

2 Samwili 13:3 ပူးပေါင်းရင်းမြစ်များ

Mwamulizo 3:1

Muli vilimu vyose vya mu mbago vyono u Mulungu yaviwumba, i nzoka yikawa yo sugu muno si nhe vilimu vyose. Holeka yikamulonjela u mucekulu yikamutya, “Ati, u Mulungu vyo yatya hongo, mulece kulya i mana ge mibici yose yono yili mu busitani?”

Mwamulizo 38:1

Na mu vilo vivyo, Yuda yakawaleka wanduguze, mwene yakabita kwikalana na munhu yunji Mwadulamu, litagwa lyakwe Hila.

Mwamulizo 38:20

Yuda yali yeza kumutuma Hila Mwadulami mwiyendi muyagwe ho yamutegulile mucekulu yu yulya nyana ye ngholo, nayo ho yagomolelwe vinhu vyakwe vyono yamulecela, ninga Hila yamulondola Tamali hamba siyamuwona.

2 Samwili 13:2

Amunoni yakakwegwa muno muno no lumbulye Tamali, sunga nhondo yakawa nha mutamwa, vyono kwali kukamu kumunozeza Tamali nghani yo yose hambi, nha yali yakali munya cipale.

2 Samwili 13:32

Ninga Yonadabu u mwana wa Shimeya u mwanakwawe wa Dawudi, yakatya, “Gwe mutemi i wanago wose si wawulagwe yaye, langa Amunoni du yo yafwiye. Nagwe kosuma kuwona vyono Abusalomu yaziwika zinghani zizi lya mu nhumbula yakwe ku wulawa mwi'zuwa lililya lyono Amunoni yamwibatila lumbulye Tamali no kugona nayo kwa vilungo.

2 Samwili 13:4

Yonadabu yakamutya Amunoni, “Alu 'gwe, nha wuli mwana we cilume wo mutemi muno, ninga lu nhawule vilo vyose ane nghukuwona wukucila kuganda, kanyhi wusina nyemo. Alo wina nghanici?” Nayo Amunoni yakamupitula yakatya, “Gwe mwendece wangu, ane nimwendile muno muno Tamali u lumbulye lyo mwanakwetu Abusalomu.”

2 Samwili 14:2

Holeka yakatuma munhu yabite yakamucemele mucekulu we mahala, mono yekalaga Tekowa. Nayo mucekulu yuyo yali yeza kufika kwa Yowabu, Yowabu yakamulonjela yakatya, “Alu, nghukulomba winozaje kotya wina cililo, wuvwale ne myenda ye cililo, wulece kwibaka ne mafuta. Wihwane no mucekulu mono yali mu cililo vilo vinji.

2 Samwili 21:21

Linhu lilyo likawatovula Waisilayeli, nayo Yonazani u mwana wa Shimeya u nduguye wa Dawudi, yakaliwulaga linhu lilyo.

1 Zinghomo 2:13

Nayo Yese yali yena wana mupunghati, na mu ndelwa yawo wali wetyatizye nhavi, Mwana mulongozi kulelwa yali Eliyabi, hanyuma wakatyatya Abinadabu, Shama,

1 Zinghomo 27:32

Yonazani u mwihwawe wo mutemi Dawudi, yali munhu we mahala kanyhi yo yamutazaga mahweso mutemi Dawudi kanyhi yali musomi. Mwene Yonazani, hamonga na Yehiyeli u mwana wa Hakimoni, wali wo walanjilizi we wana wo mutemi.

Esita 5:10

Ninga hamba nhavivyo, yakajendelela du sunga yakafika ku kaya yakwe. Yakawacema wawaha wayagwe ku kaya yakwe, yakamucema no mugolece wakwe Zeleshi yaze yawe yali hamonga nawo.

Esita 5:14

Baho mugolece wakwe hamonga ne weyendi wayagwe, wakamupela mahweso wakatya, “Nhawule si wukumunozeza mabici gono matali go kumutumbicila, mabici go wutali wa mita makumi mejete? Ne mitondo hakali mitondo muno, wumulombe mutemi ho yakukombolele Moledekayi yatumbikwe. Nagwe mitondo lono wukubita ku sikukuu, ho wubite wusangalaye.” Hamani yakawona vyono lihala lili yiswanu. Hobaho, yakawa kuhimbila mabici gago go kumutubicila Moledekayi.

Esita 6:13

Yakawalonjela weyendi wayagwe hamonga na Zeleshi u mugolece wakwe, zose zono zimwijeleye. Lulo Zeleshi mugolece wakwe, hamonga ne weyendi wayagwe, wakamulonjela wakatya, “Yuyu Moledekayi mono wakondya kulemwa kuli mwene, hono yawe Muyahudi, agwe si komusumila lukulu, langa mwene yo kokusuma.”

Zimbazi 19:6

Munhu wo wose, yendile yatuje wendezwe kuli wanhu we lilumbo. Kanyhi wenji, wono wendile wawe wendece kuli wono walavyaga vipegwa.

Yelemiya 4:22

U Muwaha Mulungu yakutya nhavi, “Wanhu wangu walele muno muno, hambi nha si wamanyile 'ne. Wehwanile i wana wadodo wono wasina mahala, kanyhi wasina hamba wizuce bwete. Langa wene wasugu du ku wituma zimbi, ninga ku wituma ziswanu, kwawafutila.”

1 Wakolinto 3:19

Hambi i mahala ge ciyinze-yinze, nha wulele du ha mwande yo Mulungu. Nha vyono i Mandiko Gono Gelile gakulonga gakutya, “U Muwaha kawebataga we mahala, mu wusugu wawo.”

Yakobo 3:15

Mahala gono genha nhavivi, sigalawaga kucanyha ku wulanga, langa imahala gago ga kononze, kanyhi ga ciyinze yinze, na kanyhi ga cisetani.

Walamuzi 14:20

Nawo kono nyuma wakawa kumutoza u mugolece wakwe kuli muzelelo mono yali yo mwimilizi wa Samusoni mwi'zuwa lye halusi.

1 Samwili 16:11

Hanyuma Samwili yakamuwuza Yese yakatya, “Alu wusina kanyhi wana wanji wa cilume?” Nayo Yese yakapitula yakatya, “Alu yasigaye mwana we cilume monga du u mwanakwawawo mudodo. Ninga nayo aluno yali kwidimo, yakudima ngholo.” Samwili yakamutya Yese, “Ale, wumulonjelaje yaze kuno. Nase si colavya likumbiko sunga yawe nayo yali bahano.”

1 Samwili 16:9

Yese yakamuleta Shama. Samwili yakatya, “Na yuyu nayo Muwaha Mulungu si yamuhaguye yaye.”