2 Samwili 11:2 - Luganuzi Luswanu Kuli Wanhu Wose 2002

² Na mwi'zuwa linji mapango ge cinyamihe, Dawudi yakenuka mu citanda cakwe, yakabita mu canyha ye litembe lye nyumba yo wutemi. Na lono yajendajendaga mumo mwi'tembe, yalanje nhavi, yakawona mucekulu yakwihovuga. No mucekulu yuyo ku wulangwe mbeka yali muswanu muno muno.

2 Samwili 11:2 ပူးပေါင်းရင်းမြစ်များ

Mwamulizo 12:11

Nayo Abulamu lono yali yeza yali behi no kwinjila mu Misili, yakawa kumulonjela u mugolece wakwe Salayi yakutya, “Gwe mwendece, ane manyile vyono, agwe wuli mucekulu mono wina futa swanu muno muno ku wulangwe.

Mwamulizo 3:6

Nayo mucekulu yaza kuwulanga wuwo mubici, yakawuwona vyono wo mubici wono wukwendeza ha wulangwe. Sunga ne mana gayo, maswanu muno ku wulye. Kanyhi yakehwesa nha vyono, kumbe so mubici wuwo, kosuma kutuga mahala. Hodu yakawa kuhepa i mana go mubici wuwo, yakawa kulya, yakamupela no mulume wakwe, nayo nhavivyo, yakalya.

Mwamulizo 34:2

Nayo mwana wa Hamoli Muhivi, mono yali muwaha we yisi yiyo mono yacemwaga Shekemu, yali yeza kumuwona Dina, hodu yakawa kumwibata kwa nguvu yakagona nayo, yakamukoza cevu.

Mwamulizo 39:6

Na ku soko yiyo, Potifa yakawa kumulecela Yusufu, zisawo zakwe zose, hamonga ne vinhu vyose yavilanjilile, nayo Potifa hamba si yasaka yamanye cinji, langa yo ndigwa yono yalizaga du. Nayo Yusufu, yali muzelelo mono, yali yena futa swanu kanyhi yali muswanu, mono yakwendeza muno.

Mwamulizo 6:2

viwumbwa vya kucanyha, vikawawona wawo wana we cicekulu we wanhu vyono waswanu, navyo vikawatola wose wono viwendile.

2 Samwili 13:1

Kukawa, Abusalomu u mwana wa Dawudi yakawa yena lumbulye yakucemwa Tamali, yakawa muswanu muno ku wulangwe, nayo yali yakali si natolwa yaye. Alu, hakawa ho yuli u mwana yunji we cilume, mono yacemwaga Amunoni, muyagwe ne wana wanji we cilume wa Dawudi. Yuyu Amunoni yakamwenda muno muno Tamali.

2 Samwili 14:27

Nayo Abusalomu yakawa yena wana we cilume wadatu, no mwana we cicekulu monga, nayo yacemwaga Tamali, no muhinza yuyu yakawa muswanu muno muno ku wulangwe.

2 Samwili 4:5

Hodu Lekabu hamonga na Bana, wakawa kutuluka, wakawa kumubitila Ishibosheti, ku kaya yakwe, wakafika baho mu misi mugati, wakamwagana Ishibosheti yacehile.

2 Samwili 4:7

Wakawa kuhelela lwa kamonga mu cumba cono yagonaga Ishibosheti, wakamwagana yagonile nhongo nzito, wakawa kumuwulaga. Wakawa kuwudumula mutwe wakwe, wakawusola, wakawa kujenda cilo cose wakoleye mwi'lolo lya Yoludani.

Jobu 31:1

“Ane nehuwiza nha vyono si nomukomalila lukulu meso muhinza ko kumusulumila.

Zabuli 119:37

Wumbusize wuwe wo kuzityatya, zinghani zo wulele, wunhonje ho sume kuwumipa.

Zimbazi 19:15

Ale du, weze mudoba hono gwegwe wendile kuwa mudoba, wugone nhongo. Ninga wumanye vyono nzala yokwinjila.

Zimbazi 31:30

Nawo wuhijila mbejele, wina zo wukoci, nawo wuswanu wo wulangwe, wa bwete. Ninga mucekulu mono kamogopaga Muwaha Mulungu, yuyo langa, kotuga lilumbo.

Zimbazi 6:25

Holeka wulece kukwegwa no wuswanu wawo, hamba wulece kugwizwa no wulembule we meso gawo.

Zimbazi 7:8

Muzelelo yuyo, yakolaga mu nzila, yono yikolile behi ne kaya, yono yekalaga mucekulu yunji. Nayo muzelelo yuyo, yakolaga behi ne kaya yo mucekulu yuyo,

Yelemiya 19:13

Ne zikaya zose za Yelusalemi, ne zikaya zose ze watemi wa Yuda, du ne zikaya zose, zikaya zono zafusiswaga wuvumba kuli zinyelezi, hamonga ne hanhu hono halavizwaga i vilavywa vye divayi, ku soko yo kuyilavizya milungu yinji. Wawo wose wokwihwana ne Tofeti i nyavufywe.”

Matayo 10:27

Na yono nghumulonjelelenyi mu wutitu, anye muyilonjelaje hazelu, ne nghani yono mukuyihulika yikupwepwa, anye muyanzalikaje cagalanze.

Matayo 24:17

Nayo mono yali mucanyha ye litembe lye nyumba yakwe, yalece kutimila lukulu, ho yasole ivinhu vyakwe, vyono vili mu nyumba yakwe.

Matayo 5:28

Ninga ane nghumulonjelenyi vyono, umunhu mono komulanga mucekulu sunga yamusulumile, yuyo yakondya kusenyha nayo mu nhumbula yakwe.

Metumo ge Watumwa 10:9

Imitondo yaco, lono wanhu wawalya i wadatu wali wakali mu muhinzo, ninga wali wali behi no kufika ku Yopa, Petelo yakabita kucanyha ku golofa mu saa sita ye misi, kulomba.

Wukumbucize wo Wulajilize 22:8

“Na lono wukuzenga kaya yako mhya, wuyipilimyaje litembe lyayo ne cicitizo. Ho wulece kwiletela wuhoswe go mweneco, hono munhu yagwe ku wulawa mwi'tembe, yafwe.

Wukumbucize wo Wulajilize 5:21

“ ‘Wulece kumusulumila mugolece wo muyago, hamba kaya yakwe, hamba mugunda wakwe, hamba mwitumami wakwe, hamba ng'ombe yakwe, hamba ndogowe yakwe, hamba cinhu co cose co muyago.’

1 Petelo 4:7

Ale, u mudumo we vinhu vyose wasejelela. Holeka munojeye muwe no wiyimile no kwikala meso, ho musume kulomba.

1 Yohana 2:16

I vinhu vyose vya mononze, wusulumizi wo muwili, i vinhu vyono i wanhu wakuviwona, wawa kuvisulumila, hamonga no wiwoni wono wukuletwa so sawo, vyose vivyo sivikulawa muli Baba, langa vikulawa mononze.

1 Samwili 9:25

Na lono watenenhukaga wakulawa ha wuhembelo, lono wakubita ku cikaya, wakamutandicila Sawuli citanda mwi'tembe mucanyha. Nayo Sawuli yakagona baho.