2 Samwili 1:2 - Luganuzi Luswanu Kuli Wanhu Wose 2002

² Na mwi'zuwa lye kete, kadatu, yakaza muzelelo yakulawilila ku nghambi ya Sawuli. Nayo yuyo muzelelo, yali yeza kufika hali Dawudi, yakawa kuvidemulanga vivwalo vyakwe, yakemwajila ne manghundi mu mutwe wakwe, yakulajila wusungu wono yali yena nawo mu nhumbula yakwe. Yakawa kusejelela hali Dawudi, yakenama ho hasi, yakulajila cogopo cakwe.

2 Samwili 1:2 ပူးပေါင်းရင်းမြစ်များ

Mwamulizo 22:4

Na mwi'zuwa lye kadatu, Abulahamu yakenula meso gakwe, yakalanga, yakahawonela cidaha i hanhu baho.

Mwamulizo 37:29

Nayo Lubeni yali yeza kubita ku kulya kwi'sima, hamba siyamwagana Yusufu mwi'sima. Hodu yakawa kuvidemulanga vivwalo vyakwe ko wukalale wuwaha muno muno.

Mwamulizo 37:34

Baho Yakobo yakavidemula vivwalo vyakwe ko wukalale muno muno, yakawa kuvwala ligunila mu ciwino. Yakamulilila mwanagwe Yusufu vilo vinji muno.

Mwamulizo 43:28

Nawo wakamupitula wakamutya, “Mwitumami wako sogo yetu, yali baho muswanu du, yakali cawumi.” Hanyuma wakawa kumwinamila so cogopo.

2 Samwili 1:3

Nayo Dawudi yakamuwuza yakatya, “Go muzelelo, alu wukulawilila hayi hene?” Nayo muzelelo yakapitula yakatya, “Ane nhiga mu wulawa mu nghambi ye Waisilayeli.”

2 Samwili 13:19

Tamali yakemwajila mavu mu mutwe wakwe, yakacidemula ne civwalo cakwe, yakawugubiciza wusu wakwe ne miwoko yakwe, yakawa kujenda yakulia.

2 Samwili 14:4

Nayo mucekulu yuyo wa Tekowa yakamubitila mutemi, yakenama ho hasi ha mwande yo mutemi kwe cogopo, hanyuma yakawa kutya, “Nghukunena wunhaze, ‘Gwe Mutemi!’ ”

2 Samwili 15:32

Nayo Dawudi yali yeza kufika ku cizuli ce litunda kucanyha, hono hali ho hanhu ho kumuhembela Mulungu, baho Hushayi u Mwaliki u mwendece wakwe, mono Dawudi yali yamwitumbiye, nayo yakaza kumuhinjiliza baho, akuno no musweko wakwe mudemulanje, yemwajiye ne manghundi mu mutwe wakwe.

2 Samwili 24:20

Nayo Alawuna yali yeza kulanga nhavi, yakamuwona mutemi Dawudi hamonga ne wetumami wakwe, wakumuziza. Hobaho Alawuna yakegumila hasi ha mwande ya mutemi Dawudi,

2 Samwili 4:10

U munhu mono yanyiziza ku Zikilagi, yakawa kunonjela ze lifwa lya Sawuli, yehwesaga vyono yakundetela nghani zono zonyendeza. Nane nghawa kumwibata, nghawa kumuwulaga. Hambi cico, nha co cali co cambuzi cakwe cono namupela so zinghani zakwe ziswanu!

Esita 4:16

“Ale wubite wukawakonghole Wayahudi wose wa mwi'kaya lya Susa, mulece kulya, kanyhi munombele. Mulece kulya hamba kung'wa cinji vilo vidatu cilo ne misi. Nane hamonga ne wetumami wangu we cicekulu conoza nhavivyo. Hanyuma ane nomubitila mutemi, hamba niwe nha neza kuwukawaniza wulajilize. Hono nghufwa so yiyo, hodu lece mbite nghafwe lece yiwe nha vyono yowa.”

Esita 5:1

Mwi'zuwa lilongozi lya Esita lyo wuleka kulya, yakavwala mwenda wakwe mutali we citemi-temi, yakawa kwinjila mu nyumba yo mutemi, yakema yalanjile ku nyumba ye ligoda lyo wutemi he'lango lye likaya.

Zabuli 66:3

Mumulonjele Mulungu mutye, “Imetumo gako, mbeka go metumo go wizine muno muno! Na ku soko ye vilungo vyako viwaha, sunga ne walugu wako lu, weza kukufugamila gwegwe.

Ezekiyeli 27:30

Na wose wolokulilila ko wusungu wuwaha, akuno wakwimwajila manghundi mu mitwe yawo, no kwigalangaza mu mavu.

Hoseya 6:2

Na mu vilo vyejete hamba vidatu, kocinula, nase cokwikala womi hali mwene.

Yoweli 2:13

Kanyhi muwulajilaje winenenyhezi wa mu zinhumbula zenyu ko wukalale wenyu. Hambi wudemulanga vivwalo vyenyu, nha si wukwiliye cinji yaye.” Mumupitucile Muwaha Mulungu, hambi mwene nha yo yena nheto no lusungu. Sikakolagwa ne likuwo mbela, mwene nhondo zose, yewikanize kunenela du, hamba si kulipiciza yaye.

Matayo 12:40

Nha vyono Yona yakekala mu'nda ye lisomba liwaha vilo vidatu misi ne cilo, ale nha vivyo u Mwana wo Munhu nayo, si koleka kwikala vilo vidatu misi ne cilo mugati ye yisi.

Matayo 16:21

Na vyono kulawa baho, Yesu yakawa kuwamanyiza cagalanze du i wejizwa wakwe, yakawatya, “Yinojeye ane mbite ku Yelusalemi ho nghatuje wugazwe winji wono wolawilila muli wanyamhala ne Wakohani wawaha, hamonga ne wejizi wo Wulajilize. Nane nowulagwa na mwi'zuwa lye kadatu, nozuka.”

Yoshuwa 7:6

Baho Yoshuwa hamonga ne walongola we wanhu wa Isilayeli, wakavidemulanga vivwalo vyawo ko wusungu wuwaha, wakagwa wugubama ha mwande ye Lisanduku lye Cilagane lyo Muwaha Mulungu, wakawa watambalaye baho sunga lizuwa likaswa, wakemwajila manghundi mu mitwe yawo, wakulajila wukalale wawo.

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuli'gwe wakufugamile hamwande yako, ho wamanye vyono ane mbeka nghwendile agwe.

1 Samwili 20:41

Na lono yu yulya muzelelo yali yakondya kuwuka, nayo Dawudi ho yakawa kuwuka ku mhilimo ye lilundo lye mabwe, yakafugama, yakagundama sunga wusu wakwe wukapamiza ho hasi nghanghulo yidatu. Hanyuma wose Yonazani na Dawudi, wakanza kulila akuno wakwinonela. Dawudi yakawa yena wusungu wuwaha muno mu nhumbula yakwe kuciza no wusungu wa Yonazani.

1 Samwili 25:23

Nayo Abijeli yali yeza kumuwona Dawudi, hodu, yakawa kutima musunho mu ndogowe, yakawa kugwa wugubama ha mwande ya Dawudi, yakawa kumulonjela yakutya,

1 Samwili 4:12

Munhu yunji mulawa mu mulango wa Benyamini, yakawa kumangha ku wulawilila kwi'wanza lyo wulugu, sunga ku Shilo, nayo yakafika kuko ku Shilo mwi'zuwa lililya du. Yakawa kuyidemulanga myenda yono yali yayivwalile, yakeyitila ne manghundi mu mutwe wakwe, ho yalajile wukalale no wusungu wono yali yena nawo.

1 Samwili 4:16

Nayo munhu yuyo yakamulonjela Eli yakatya, “Ane mhonamhona mu wulugu zuwali, niwa kutiziza akuno.” Nayo Eli yakamuwuza yakatya, “Alu ma wanangu zinyhici zono ziwejeleye kuko?”