1 Zinghomo 6:4 - Luganuzi Luswanu Kuli Wanhu Wose 2002

⁴ Nawo i wana wa Eliyazali ku wulawa ndelo na ndelo, wali wali nhavi: Eliyazali yakamulela Finehasi, Finehasi yakamulela na Abishuwa, Abishuwa yakamulela Buki,

1 Zinghomo 6:4 ပူးပေါင်းရင်းမြစ်များ

2 Samwili 8:17

Nayo Zadoki u mwana wa Ahitubu, hamonga na Ahimeleki u mwana wa Abiyatali, awa wakawa wo wakohani. Nayo Selaya yakawa yo mwandici we libalaza.

1 Zinghomo 23:21

Melali yali yena wana wejete, Mahili na Mushi. Nayo Mahili yali yena wana wejete, Eleyezali na Kishi.

1 Zinghomo 24:26

Mahili, Mushi, na Yaziya, i wana wa Melali.

1 Zinghomo 6:3

Amulamu yali yena wana wejete, Aloni, na Musa, no mwana monga we cicekulu mono yacemwaga Milyamu. Nayo Aloni yali yena wana wane, Nadabu, Abihu, Eliyazali, na Itamali.

1 Zinghomo 6:50

No lulelo lwe wana wa Haluni wuli nhavi: Eliyazali yakamulela Finehasi, nayo Finehasi yakamulela Abishuwa,

1 Zinghomo 9:20

Nayo Finehasi u mwana wa Eleyezali, Muwaha Mulungu yali yali hamonga nayo! Hambi nha yo yabitaga kuwalingula mu madaha ganji.

Ezila 8:18

Na kwe lihewa lyo Mulungu, wakamuleta Shelebiya Mulawi, mono yali yakwiliye muno, yali wa mu lulelo lwa Mahili. Nayo yakaza ne wanagwe hamonga ne wanduguze, wakawa waficile wanhu yikumi na munana.

Ezila 8:2

Gelishoni, wa mu lulelo lwa Finehasi, Danyeli, wa mu lulelo lwa Tamali. Hatushi, u mwana wa Shekaniya wa mu lulelo lwa Dawudi.

Wutuluce 6:25

Nayo Eliyeza u mwana we cilume wa Haluni, yakamutola yumonga muyagwe ne wana we cicekulu wa Putiyeli, mono yamulelela u mwana we cilume, litagwa Finehasi. Ale wawa wo wali wawaha we zimhuga zo mulango wa Lawi.

Wuwale 25:13

Mwene, hamonga ne wanagwe wose, mu ndelo zakwe zose, ane nakondya kuwawika kuwa wakohani mu vilo vyose. Hambi mwene nha si yali kusuma kuvikangalila i vinhu vyose vyono vikujela kwisumaniza nane. Kanyhi kasuma kuwanozeza wanhu wa Isilayeli wilamule.”

Wuwale 31:6

Nayo Musa yakawa kuwasola, yakawa kuwategula ku wihomi, hasi yo wulanjilizi wa Finehasi u mwana wa Eleyezali u mukohani, mono yali yo mulanjilizi we viya vyose vyono vyelile, hamonga ne zindulele zono wetumamilaga so kuwasugula nha vyono zinha.

Yoshuwa 14:13

Ale baho Yoshuwa yakamulugutiza Kalebi u mwana wa Yefune. Hobaho yakamupela likaya lya Hebuloni liwe lyakwe yaliteme.

Yoshuwa 14:15

Hamwamulizo, Hebuloni yacemwaga likaya lya Kiliyati Aleba (Aleba yali yo muwaha muli Waanaki.) Nhondo yisi yikatula, yikawa no mulamu.

Yoshuwa 22:13

Hobaho Waisilayeli wakamutegula Finehasi u mwana wa Eleyezali u mukohani, kuli wanhu we milango ya Lubeni na Gadi, na Manase wo lubavu lwa kucilima ku yisi ya Gileyadi.

Yoshuwa 24:33

Nayo Eleyezali u mwana wa Haluni yakafwa, yakazikwa ku Gibeya, mwi'tumbi lya mu yisi ye matunda ya Efulayimu, yono yali yagawilwa u mwanagwe Finehasi.

Walamuzi 20:28

Nayo Finehasi u mwana wa Eleyezali, kanyhi yo mwizukulu wa Haluni, yali yo mulanjilizi walyo. Wanhu wakamuwuza u Muwaha Mulungu, wakatya, “Gwe go Muwaha Mulungu, wule, ciwuyajile kanyhi cikehome ne wandugu zetu Wabenyamini hamba hodu cilece?” Nayo Muwaha Mulungu yakawapitula yakawatya, “Heya! Mubite mukawahome! Nane baho mitondo nhondo, nomupelenyi wusume wuwaha muno kuli wene.”