1 Zinghomo 22:9 - Luganuzi Luswanu Kuli Wanhu Wose 2002

⁹ Ninga hamba nhavivyo, yanyihuwiza yakatya, ‘Agwe Dawudi kotuga mwana mono kolotema ko mulamu. Hambi nha nomunoza yawe no mulamu kuli walugu wakwe wose. Ne litagwa lyakwe kolocemwa Solomona. Vyono mu cipango co wutemi wakwe, ane nolowapela Waisilayeli mulamu hamonga no wucitilwe.

1 Zinghomo 22:9 ပူးပေါင်းရင်းမြစ်များ

1 Watemi 4:25

Na mu wikale wakwe wose, i wanhu wose wa Yuda na wa Isilayeli, wakekala wapolile mu mhuga zawo, hamonga ne mizabibu yawo ne mikuyu yawo.

1 Watemi 5:4

Ninga aluno, u Muwaha Mulungu wangu, yakondya kumhela mulamu mu mipaka yangu yose. Aluno neza sina kanyhi walugu, hamba cinji co cose cibi.

1 Watemi 4:20

Nawo wanhu wa Yuda, hamonga ne wanhu wa Isilayeli, wakawa wenji muno nho musawawa wa mu mwejelele we lilenga, walizaga, wakung'wa, kanyhi wakawa na nyemo mbaha muno.

Hagayi 2:9

Nyumba 'mhya yo Mulungu, yolowa swanu muno muno kuciza yinongozi. Nane baho nolowapela wanhu wangu wumoteswe no mulamu.” Vyo yakutya Muwaha Mulungu we Mihanga.

Isaya 66:12

Nayo Muwaha Mulungu yakutya nhavi, “Ane nomupelenyi wumoteswe we cibitilila. Ne sawo ye makungugo yomuhulumilenyi nhe 'kolongo lyono si linyalaga yaye. Nanye mowa mwihwanile nho mwana mudodo, mono yakukocwa no nyina, kawa kukumbatilwa mu mawoko no kutendelwa ko wendo wuwaha.

Isaya 57:19

Hambi nha nakondya kuwulavya mulamu kuli wose wono wali behi na wono wekaye kutali. Holeka nowaponya wanhu wangu.

Isaya 45:7

Yo nene mono nawuwumba wuzelu no wutitu yo nene mono ndetaga wumoteswe no wongomele. Yo nene du Muwaha Mulungu, mono nizitumaga zizi zose.

Isaya 26:12

Gwe go Muwaha Mulungu, kocimotya mu milimo yetu yose, hambi nha yo soko ye metumo gako.

Zabuli 72:7

No wiling'ano wulawilicile, mu vilo vyose vyo wikale wakwe, no mulamu nawo wonjezece muno, sunga mwezi kolo wukuduma kumulika.

Jobu 34:29

Na hono Mulungu yawe si yakusaka kwituma nghani yinji, alo nani mono kosuma kumuhosa. Na hono yawuhundice wusu wakwe, wanhu wowula wutazi.

1 Zinghomo 17:11

Nagwe kolo wakondya kufwa no kuzikwa, hamonga ne walezi wako, nane nolomunoza yunji yumonga wa muli wanago, yawe mutemi, nowukamya no wutemi wakwe.

Walamuzi 6:24

Hobaho Gideyoni yakamuzenjela cikumbicilo Muwaha Mulungu baho, yakacicemela yitagwa, “Muwaha Mulungu wo Mulamu.” Ne cikumbicilo cico cili kuko ku Ofila ye Waabiyezeli.

1 Watemi 1:13

Wubite lulu baha kuli mutemi Dawudi wukamutye, ‘Gwe Mutemi! Wule, si gwegwe mono wanyihuwiza nha vyono Solomona u mwanangu yo kolohala wutemi wako? Alu nhawule kanyhi nghuhulika nha vyono Adoniya yo yawa mutemi?’ ”

1 Watemi 2:15

Adoniya yakapitula yakatya, “Agwe wumanyile nha vyono ane, nali niwe yo nili mutemi, na kanyhi nha vyono i wanhu wose wa Isilayeli, wali wayilanjiliye muno muno nghani yiyo. Ninga alu yijela nghani yono yisimajiye muno, nha vyono ndugu yangu Solomona, kawa yo mutemi, hambi nha wali wo wuhile wo Muwaha Mulungu.

1 Watemi 3:7

Gwe go Mulungu, go Muwaha Mulungu, mono wumheye wusume wo kuhalila wutemi wa baba Dawudi, hamba yiwe ane nghali nili mudodo, mono si manyile na vyono wutemi winha.

1 Watemi 4:24

Solomona yakatema yisi yose yo lubavu lwa kumwezi ye likolongo lya Efulata, ku wulawa Tifusa ha Efulata, sunga ko ku mwezi kwi 'kaya lya Gaza. Ne watemi wose wa ku lubavu lwa ku mwezi ye likolongo lya Efulata, wose wakawa wetumami wakwe, nayo yakawa yena mulamu ne zisi zose zono zali zimupilime.

1 Zinghomo 22:18

Yakawatya, “U Muwaha Mulungu u Mulungu wenyu, yali yali hamonga nanye no kumupelenyi mulamu mu mbavu zose. Yakamhela vilungo vyo kuwasumila wanhu wose wono wekalaga mono yisi yiyi, sunga nalu, weza wo wetumami wenyu, wakumwitumamila Muwaha Mulungu.

2 Zinghomo 6:15

Hambi 'gwe, nha kufisiliza cilagane cono wacinoza kuli baba Dawudi. Naluno nghani zose zakondya kufisilizwa.

1 Watemi 8:56

“Muwaha Mulungu yalumbwe mono yawapelile wanhu wakwe mulamu, nha vyono yehuwiza yiwe. Nayo kawukamisa wihuwizo wakwe wono yehuwiziza muli Musa u mwitumami wakwe.

Zabuli 72:1

Gwe go Mulungu wumupele mutemi ning'aniza yako, wumupele mwana wo mutemi wiling'ano wako,