1 Zinghomo 22:5 - Luganuzi Luswanu Kuli Wanhu Wose 2002

⁵ Dawudi yakehwesa yakatya, “Nyumba yo Mulungu yono mwanangu Solomona koyizenga, yowa yinojeye yiwe swanu muno, kanyhi yiwe ye lilumbo yiwaha mono yinze yose. Ninga lu mwanangu Solomona, nha yakali mudodo, kanyhi yakali namanya nyinji. Holeka yinojeye nimuwikanizize vitumamilwa vyose.” Holeka Dawudi yakawikaniza vinhu vinji muno, lono yali yakali si nafwa.

1 Zinghomo 22:5 ပူးပေါင်းရင်းမြစ်များ

1 Zinghomo 29:1

Hanyuma mutemi Dawudi yakawa kanyhi kuwalonjela wanhu wose wono wali wehangulize baho, yakawatya, “Mwanangu Solomona, yo yuyu mono Mulungu yamuhaguye. Ninga 'lu yakali mudodo, kanyhi yakali yasina wuzowele wo mulimo wuwu. No mulimo wuwu nawo ho muwaha muno, hambi nyumba yiyi yo mutemi, nha si nyumba ya munhu, langa yo Nyumba yo Mulungu.

1 Watemi 3:7

Gwe go Mulungu, go Muwaha Mulungu, mono wumheye wusume wo kuhalila wutemi wa baba Dawudi, hamba yiwe ane nghali nili mudodo, mono si manyile na vyono wutemi winha.

Yohana 13:1

Isikukuu ye Pasaka, lono yali yikali nafika, Yesu yakamanya vyono cidaha cakwe cafika, co kuwuka mono yinze yiyi, yabite kuli Sogwe. Nayo yakawendela lukulu iwanhu wakwe, wono wali mononze sunga ko ku ndumo.

Yohana 3:30

Yinojeye Mwene yalawilicile, nane ndodomhe.”

Yohana 9:4

Yicinojeye ciwitume u mulimo wa mono yanhuma lono hakali misi, hambi i cilo nha cikuza, lono munhu si kosuma kwituma.

Luka 21:5

Wayagwe ne wejizwa wakwe, waduwilaga ze Nyumba yo Mulungu, vyono yihambigwe ne mabwe go wuguzi wukamu, hamonga ne vilavywa vyono vyalavywa kuli Mulungu. Yesu yakatya,

Hagayi 2:9

Nyumba 'mhya yo Mulungu, yolowa swanu muno muno kuciza yinongozi. Nane baho nolowapela wanhu wangu wumoteswe no mulamu.” Vyo yakutya Muwaha Mulungu we Mihanga.

Hagayi 2:3

“Wulenyi, koyuli yunji muli'nye mono yakumukumbucila wuswanu we Nyumba yo Mulungu vyono wali winha? Alu ninga wulenyi, mukuyiwona yinha wule zuwali? Yidahile kwijela nha cinhu ca caka caka du.

Ezekiyeli 7:20

Lulo, wedunhumulilanga mu wuswanu we vibwe vyawo vyo wuguzi wukamu, ninga wakavitumamila mu wunozeza vihwani vye mawifyo. Na yiyo yo soko yono yikaleka nayo Muwaha Mulungu, yakayinoza sawo yawo yiwe nha vinhu vyavufye kuli wene.

Isaya 64:11

Nayo Nyumba yako yo wuhembelo yono yasiwanulwa, i hanhu hono hali haswanu muno, hono i walezi wetu wakukumizyaga gwegwe, alu hakondya kunyanywa no moto. Ne hanhu hose hono cali cihendile muno, alu geza matongo du.

Muganuzi 9:10

Nghani yo yose yono wendile kuyituma, wuyitumaje kwe vilungo vyako vyose, hambi ku yisi ye wafu kono kobita, nha kusina milimo, hamba lihweso lyo lyose, hamba wumanye, hamba mahala bwete.

Ezila 3:12

Ninga wenji wa muli Wakohani i wakombi, hamonga ne Walawi, ne walongola wa mu zindelo, wono wali wakondya kuyiwona Nyumba yo Mulungu ye katali, na lono walangaga musinji we Nyumba yiyo yo Mulungu vyono wukuzengwa, hobaho wakawa kwanza kulila wazozize muno. Ninga wanji wono wali baho wazozaga wusangalale wuwaha.

2 Zinghomo 13:7

Hanyuma yakawakonghola hamonga mhuga ye wanhu we caka caka, wono wasina mahala, wono welajila nha wali vilungo ha mwande ya Lehobowamu u mwana wa Solomona, mono lulo yali yakali muzelelo mudodo, yasina wuzowele wuwaha ho yasume kuwemila.

2 Zinghomo 7:21

“Kwa luno, Nyumba yiyi yo Mulungu, yina cogopo muno kuli wanhu wose. Ninga hanyuma, munhu wo wose mono kolowa kukola behi nayo, kolokwizina muno no kuwuza yawe kutya, ‘Alu socici lo Muwaha Mulungu ketuma zono zinha zizi mu yisi yiyi, na mono Nyumba yiyi?’

2 Zinghomo 2:5

Holeka nane, nakondya kudumula nghani, nha vyono nzenje Nyumba yo Mulungu, yono yowa mbaha muno muno, hambi mwene Mulungu wetu, nha yo Muwaha, yacizize milungu yinji yo yose.

1 Watemi 9:8

Sunga ne Nyumba yiyi yo Mulungu, yopituka yiwe yilundo lya matongo, ne wanhu wose wono wowa kupuluta baho, wowa kwiwuza wakutya, ‘Nhawule Muwaha Mulungu kayinoza nhavivi yisi yiyi ne Nyumba yiyi?’

Zimbazi 4:3

Hambi ane nha nali mwana kuli sogo yangu. Mudodo mwendece we ciwene mwa yaya.

2 Zinghomo 2:4

Alu nane nanza mulimo wo kuzenga Nyumba yo Mulungu wangu. Ne Nyumba yiyo, howa ho hanhu hono helile hono i wanhu wangu, hamonga na nene, cowa kumuhemba Muwaha Mulungu, u Mulungu wetu, akuno cikufusa no wuvumba we mhunjile swanu, no kumulavizya vilavywa vyo mukate wono welile vilo vyose. Kanyhi ciwe kumulavizya sunga ne vilavywa vinyanywe nhondo zose, hakali mitondo ne cinyamihe. Sunga na mu vilo vyose vye Sabato, na mu zisikukuu ze ndawo yo mwezi, na mu vilo vinji vyose vyono vyelile, ciwe kumupela lilumbo Muwaha Mulungu, u Mulungu wetu. Hambi nha vyo yawalajiliza Waisilayeli, weze kunoza nhavivi cibitilila.

2 Zinghomo 2:8

Nane nha manyile wunghula we wanhu wako vyono wenha. Holeka wundetelaje mabici go muhagata, ne mibeloshi, ne mabici go musandali, ku wulawa ku Lebanoni. Nane nakondya kwiwikaniza, nghuletele wanhu wangu, ho vitazilize ne wanhu wako,