1 Zinghomo 22:1 - Luganuzi Luswanu Kuli Wanhu Wose 2002

¹ Lulo Dawudi yakatya, “Ahano ho hanojeye Nyumba yo Mulungu yizengwe. Hamonga ne cikumbicilo cono wanhu wa Isilayeli wowa kulavizya vilavywa vinyanywe.”

1 Zinghomo 22:1 ပူးပေါင်းရင်းမြစ်များ

2 Zinghomo 3:1

Ninga mutemi Dawudi, u sogwe wa Solomona, yali yakondya kuhawikaniza i hanhu hono yozengwa yiyo Nyumba yo Mulungu. Ne hanhu heneco, hali ha Yelusalemi, he 'tunda lya Moliya, hono Muwaha Mulungu yelajilila kuli Dawudi, i hanhu hono Olinani u Muyebusi, yahetumamilaga nha cuga cakwe.

Mwamulizo 28:17

Baho Yakobo yakenjilwa ne woga wuwaha muno, yakatya, “Ka, i hanhu hano, hakogofya kotya cici! Ane nghuwona, aha, yo Nyumba yo Mulungu, kanyhi lye'lango lya ku wulanga.”

2 Watemi 18:22

Ale du, yu yulya mwitumami we Ciashuli, yakajendelela kulonga yakutya, “Hamba mononjela mutye vyono, anye mumwitumbiye Muwaha Mulungu, u Mulungu wenyu? Alo si yo yuyu du Hezekiya, mono yakawuhodanga wukumbicilo mu vigongo, yakawalonjela wanhu wa Yuda na Yelusalemi, vyono yiwanojeye wawe kuhemba ku cikumbicilo cono cili ku Yelusalemi du?

2 Samwili 24:18

Na mwi'zuwa lilyo du, Gadi yakamubitila Dawudi, yakamulonjela yakatya, “Alu wubite sunga ku cuga ca Alawuna, wukamuzenjele cikumbicilo baho u Muwaha Mulungu.”

Zabuli 78:60

Yakawuleka no wikalo wakwe wa ku Shilo, wikalo wono yali yekaye muli wanhu.

2 Zinghomo 32:12

Yuyu Hezekiya, yo yuyo mono yahahodanga i hanhu hose ho wuhembelo, hamonga ne vikumbicilo vyayo, yakawa kuwalonjela i wanhu wa Yuda na Yelusalemi, vyono yiwanojeye wahembe no kufusa wuvumba hanhu hamonga du.

Wukumbucize wo Wulajilize 12:11

Nayo Muwaha Mulungu, kokwihagulila mweneco, i hanhu hono mosuma kumuhembela. Na kanyhi hanhu baho, ho mowa kumulavizya vilavywa vyenyu vyose, nha vyono nghamulajilizenyi. I vilavywa vyenyu vinyanywe, ne makumbiko ganji ganji, ne zaka zenyu, hamonga ne vilavywa vinulwe vyono nyenye nyo weneco mwehuwiza nha vyono momulavizya Muwaha Mulungu.

1 Zinghomo 21:30

Ninga hamba nhavivyo, Dawudi si yasumaga kubita no kumuhemba Mulungu kuko ku Gibeyoni. Hambi nha yogopaga mumaje wa Malayika wo Muwaha Mulungu.

Wukumbucize wo Wulajilize 12:14

Langa yinojeye wose mulavizye hanhu hamonga du, i hanhu hono Muwaha Mulungu kohahagula, mu wulawa mu yisi monga ya muli zi'si ze milango yenyu. Ne hanhu baho, ho mowa kulavizya makumbiko genyu ge vilavywa vinyanywe, no kwitumila zinji zose zono namulajilizenyi.

Matayo 25:16

Ale, yuyulya mono yapegwa silinje ze elufu makumi mejete ne'hano yakazinozeza wusuluza, sunga yakatuga cambuzi ca silinje zinji elufu makumi mejete ne'hano.