1 Zinghomo 17:9 - Luganuzi Luswanu Kuli Wanhu Wose 2002

⁹ Hambi nha nahahagula i hanhu hono nowawika wanhu wangu Waisilayeli, nane lu nha nakondya kuwenjiza mumo, nawo wakondya kuzowela, i hanhu hono wokwikala wasina kanyhi wiwonelwe wowose.

1 Zinghomo 17:9 ပူးပေါင်းရင်းမြစ်များ

Wugubule 21:4

U Mwene kogapatila lukulu mahozi gawo gose, mu meso gawo, kowa kusina lifwa, hamba wukalale, hamba cililo, hamba wusungu si vyolokwijela yaye, hambi zihuma nha zakondya kupuluta!”

Waefeso 5:6

Mulece kumuvumila yunji yamukonjenyi na nghani zono zisina cambuzi, hambi nha ku soko ye zinghani zizo, ilikuwo lyo Mulungu likuwa kuwaziza iwana wono si wakumuhulika.

Ezekiyeli 28:4

Na kanyhi wukwihwesa nha vyono, agwe wina mahala, na kanyhi wuli munghula, holeka ti wuketujila sawo nyinji, hamonga na zahabu ne fweza.

Zabuli 44:2

Vyono yo gwegwe mweneco, mono wawawinga wanhu we makungugo ganji, ne hanhu hawo, wukawa kuwekaza wanhu wako, wukawalipiciza we makungugo ganji, no kuwamotya wanhu wako.

Wutuluce 2:23

Na yali yeza kupuluta myaka minji, yuyo Falawo mutemi wa Misili yakafwa, ninga Waisilayeli wali wakali wajendeleye mu wuwanda, akuno wakulila, wakulondola wutazi. Cililo cawo cikamuficila Mulungu,

Amosi 9:15

Nane nolowagomola no kuwawika wanhu wangu, mu'si yono nawapela, hamba si wolowuswa kanyhi yaye.” Muwaha Mulungu, u Mulungu wenyu, vyo yakutya.

Ezekiyeli 37:25

“Nawo wolokwikala mu yisi yono namupela mwitumami wangu Yakobo, i yisi yono wekalaga walezi wawo. Nawo wolokwikala mu yisi yiyo cibitilila, wene ne wana wawo, hamonga ne wana we wana wawo. No mutemi mono yehwanile u mwitumami wangu Dawudi, yuyo yo kolotema muli wene cibitilila.

Ezekiyeli 34:13

Noziwusa mu wulawa mu zi'si zo wujenzi, nizikongholele hamonga, nizigomole ku yisi yazo zeneco. Nolozitonga sunga nizifise mu matunda ne vikolongo vye malenga, vya mu yisi ya Isilayeli, nane nolozilisa mu wudimo wuswanu.

Yelemiya 32:41

Nane nolotuga nyemo ku soko yawo, nolowasikamya mono yisi yiyi, kanyhi nolowatendela ziswanu.

Yelemiya 24:6

Nowadima sunga nize niwagomole, wawuye mono yisi yiyi, kanyhi nowakamisiza mu ziswanu zose, hamba si nowaleka yaye. Nowazenga, hamba si nowamwagula yaye. Kanyhi nowahadika, hamba si nowakula yaye.

Isaya 61:3

Ho niwasangalaze no kuwapela nyemo wanhu wose wono wali mu Sayuni, wono wali wali mu wusungu no wukalale wawuce mu wukalale, wembe lwimbo lo lukumyo. Kanyhi wawe nhe mibici i mihadikwe no Muwaha Mulungu mweneco. Kanyhi wawe kwituma zo mugoloka. Nayo Muwaha Mulungu ho yakumizywe muli zono yetuma.

Isaya 60:18

Ne mazi go wuwulaji, hamba si golohulikwa kanyhi yaye. Hamba wongomezwe si woloyiziza yisi yenyu kanyhi yaye. Hambi ane nha nolomudimenyi kanyhi nolowa nili 'jinji lyo kumucitilenyi. Nanye molonghumya 'ne, vyono nakondya kumuponyenyi.

Isaya 49:17

“Hambi wawo wono wokuzenga kanyhi, nha wakuza musunho, nawo wono wakakunoza wuwe yitongo, wowuka muli gwegwe.

Zabuli 92:13

Wakuwa nhe mibici yono mihadikwe, mu nyumba yo Muwaha Mulungu, yikumota mu Nyumba yo Mulungu wetu.

Zabuli 89:22

Hamba ne walugu wakwe si womusumila lukulu, ne wabi nawo, hamba si womugaza yaye.

1 Zinghomo 17:8

Nane nghawa nili hamonga nagwe ko kose kono wabitaga, kanyhi nghakusumila ne walugu wako hali'gwe. Holeka nane nokunoza wuwe ne lilumbo yiwaha, kanyhi wuwe mulongola mono kowa wukumucile mono yinze yose.

1 Zinghomo 17:10

Na kanyhi ku wulawa lono wenjilila mono yisi yiyi, kenji na kenji wali kuhomwa ne wanhu wono wasina lusungu. Ninga alu zizo zose si zokwijela kanyhi ng'o. Nane nha nakondya kwihuwiza nha vyono nowasuma walugu wako wose, kanyhi nokupela wana.