1 Zinghomo 16:9 - Luganuzi Luswanu Kuli Wanhu Wose 2002

⁹ Mwimbilenyi Muwaha zinyimbo zo lukumyo, mwanze zinghani zo wizine zono yetumile,

1 Zinghomo 16:9 ပူးပေါင်းရင်းမြစ်များ

Wakolosayi 3:16

I nghani ya Kilisito yikalaje muli nyenye, hamonga no wugoli wayo wose. Mwiyijizaje nyenye wose munhu na muyagwe, akuno mukwiyilanjiziza mu mahala gose. Mwimbaje Zabuli, na nyimbo, no wimbe we cinya Muhe, mumwimbilaje u Mulungu mu zinhumbula zenyu kwe lilumbo.

Yakobo 5:13

Ma, hoyuli munhu wo wose muli nyenye mono yena wugaye? Yimunojeye yalombe. Ma, hoyuli yunji musangalafu? Yimunojeye yembe zinyimbo zo wulumbe.

Matayo 26:30

Wali weza kukondya kwimba lwimbo, wakawa kutuluka wakawa kubita ku kwi'tunda lye Mizeyituni.

Waefeso 5:19

Mweze kwiduwanila nyenye wose mu zinghani za mu Zabuli, na nyimbo no wimbe we cinya Muhe, mumwimbile u Muwaha zinyimbo na Zabuli, mukumulumba mu zinhumbula zenyu.

Zabuli 71:17

Gwe go Mulungu, yo gwegwe du, mono wanyijiza ku wulawa wudodo wangu, holeka nane si nolecela lukulu, ku wanze we metumo gako go wizine.

Zabuli 40:10

Hamba si nayihundika nghani yiyino mu nhumbula yangu, nha vyono wakondya kumhonya. Nane vilo vyose nizilongaga zo wihuwilwa wako, hamonga na zo wutazi wako. Vyono agwe wuli Mukombozi Mwihuwilwa. Hamba si nayihundicila i mhuga mbaha ye wanhu, u wihuwilwa wako, hamonga no lusungu lwako.

Malaki 3:16

Ne wanhu wono wamogopile Muwaha Mulungu, walonganaga weneco wose, nayo Muwaha Mulungu, yakawahuliciza, yakahulika zono walonganaga. Hali Mulungu, hakawa na citabu cono candikwe matagwa ga wose wono wamogopaga Muwaha Mulungu no kumuhulika.

Zabuli 145:12

Ho wasume kuwamanyiza wanhu, ze metumo gako mawaha, hamonga no lukumyo lo wutemi wako.

1 Zinghomo 16:8

Mumulumbe Muwaha Mulungu, mwanze zo wuwaha wakwe. Mugalonjele makungugo zinghani zono yetumile

1 Zinghomo 16:10

Cisangalale vyono ase cili wakwe. Wasangalale wose wono wamuhembaga mwene.

Jobu 36:24

“Hambi mwene, nha katugaga lukumyo du, muli zose zono ketumaga holeka nagwe wunojeye wumupele lukumyo.

1 Zinghomo 16:24

Mwanze zo lukumyo lwakwe kuli makungugo gose, ze metumo gakwe mawaha kuli wanhu wose.