1 Zinghomo 12:2 - Luganuzi Luswanu Kuli Wanhu Wose 2002

² i wanhu wo mulango wa Benyamini, wono wali wali ku lubavu lwa Sawuli, wono wali wezoweleze muno kuguma songa no kugumila nhago, kwe miwoko yawo yose, muwoko wo kulume hamba wo kucekulu wakamutyatya kuko.

1 Zinghomo 12:2 ပူးပေါင်းရင်းမြစ်များ

Walamuzi 20:16

Hamonga na wawo, iwekazi wa ha Gibeya, nawo wakekonghola wanhu magana mupunghati, wono wahagulwa, wono wetumamilaga miwoko yo kucekulu. Muli wene, mwali mo wali wanghula wo kugumila mabwe ne zinhago, no kutowa luvwili hamba kwicelya yaye.

Walamuzi 3:15

Baho kanyhi Waisilayeli wakamulilila Muwaha Mulungu nayo yakawapela munhu mono kowaponya, litagwa lyakwe Ehudi u mwana wa Gela mono yetumamilaga muwoko wo kucekulu, mono yalawa mu mulango wa Benyamini. Wanhu wa Isilayeli wakamupela vipegwa vinji Ehudi yamutegulile Egeloni u mutemi wa ku Mowabu.

1 Zinghomo 12:29

Nawo i wana wa Benyamini u nduguye wa Sawuli, wali waficile wanhu elufu yidatu. (Ninga hamba nhavivyo, wanhu wanji wo mulango wa Benyamini, wasigala ku lubavu lwa Sawuli.)

1 Samwili 17:49

Dawudi yakenjiza muwoko wakwe mu mukoba wakwe, yakasola libwe limonga, yakaligumila ne nhago yakwe, yakamutowa Mufilisiti ha cihanda co wusu, libwe likamutobola ha nindi, likabena cipala, likenjila mu mutwe ko kusi, nayo Mufilisiti yakagwa hasi wugubama.

1 Zinghomo 12:3

Nawo wakawa hasi yo wulanjilizi wa Ahiyezeli na Yowashi, i wana wa Shemaya munya Gibeya. Ne wasilikale wawo, wali wo awa: Yeziyeli na Peleti i wana wa Azimaveti, Belaka na Yehu wanya Anatoti.

Zabuli 78:9

I wanhu wa Efulayimu, mwizuwa lyo wulugu, wakatiza wakawuya ne nyuma, akuno ho webate no wupinde hamonga ne zisonga mu mawoko.

1 Zinghomo 8:40

I wana wa Ulamu, wali wali citung'ati muno ku wulugu, kanyhi wanghula ku wuguma no wupinde. Ulamu, yali yena wana yigana limonga na makumi mahano, hamonga ne wezukulu wenji. Na wawo wose wali wo wo mulango wa Benyamini.