1 Zinghomo 11:3 - Luganuzi Luswanu Kuli Wanhu Wose 2002

³ Hobaho i walongola wose we Waisilayeli, wakamuziza mutemi Dawudi kuko ku Hebuloni. Nayo Dawudi yakanoza cilagane nawo. Nawo wakamwitila mafuta, wakamunoza yawe mutemi we Waisilayeli, zikawa nha vyono Muwaha Mulungu yamwihuwiziza muli Samwili.

1 Zinghomo 11:3 ပူးပေါင်းရင်းမြစ်များ

2 Samwili 2:4

Hanyuma i wanhu wa mu yisi ya Yuda wakawa kumuziza Dawudi kuko ku Hebuloni, wakawa kumwitila mafuta yawe mutemi wa Yuda. Nayo Dawudi yali yeza kuhulika nha vyono i wanhu wa ku Yebeshi ya ku Gileyadi wakondya kumuzika Sawuli,

2 Samwili 5:3

Holeka i walongola wose we Waisilayeli, wakamuziza mutemi Dawudi kuko ku Hebuloni. Nayo yakanoza cilagane nawo hali Muwaha Mulungu, nawo wakamwitila mafuta, yakawa mutemi wa Isilayeli.

2 Samwili 5:5

Hebuloni ku Yuda yakatema myaka mupunghati na myezi mutandatu. Namo mu Yelusalemi, yakatema wanhu wa Isilayeli hamonga na Yuda myaka makumi madatu na midatu.

2 Watemi 11:17

U mukohani Yehoyada, yakanoza wupya cilagane muli Muwaha Mulungu no mutemi ne wanhu, ho wawe wose wanhu wo Muwaha Mulungu. Kanyhi yakanoza cilagane muli mutemi ne wanhu.

2 Watemi 23:30

I wetumami wakwe wakawupaciza muwili wakwe mwi'tuka lyo wulugu, wakawugomola ku Yelusalemi. Yakazikwa mu vitenjelo vye watemi. Nawo wanhu wa Yuda, wakamuhagula Yowahazi u mwana wa Yosiya, wakamwitila mafuta, wakamutemya yawe mutemi.

1 Zinghomo 11:10

I wasilikale we lilumbo kanyhi vitung'ati wa Dawudi, hamonga ne Waisilayeli wono wali wasigaye, wose wakamutaza Dawudi ho wamutemye, nha vyono Muwaha Mulungu yehuwiza. Nawo wo wawukangaza no kuwupela vilungo wutemi wakwe.

2 Zinghomo 23:3

Wose wakawa kwikongholela mu Nyumba yo Mulungu, wakanoza cilagane na Yowashi u mwana wo mutemi Ahaziya. Nayo Yehoyada, yakawalonjela yakatya, “Nye wayangu! Ayuno ahano yo mwana wa malehemu mutemi Ahaziya. Nayo 'luno yo kowa mutemi, nha vyono Muwaha Mulungu yehuwiza vyono u lulelo lo mutemi Dawudi, wo wowa kutema.

Walamuzi 11:11

Lulo lulo Yefuta yakawa kutulukana ne walongola wa ku Gileyadi. Nawo wanhu wakamunoza yawe mulongola wawo. Nayo Yefuta yakalonga zinghani zakwe zose hali Muwaha Mulungu ku Mizipa.

1 Samwili 11:15

Wakawa kubita ku Giligali, wakawa kumukangaza Sawuli vyono yo mutemi. Wakawulaga makumbiko ge vilavywa vyo mulamu hali Muwaha Mulungu. Nayo Sawuli hamonga ne wanhu wose wa Isilayeli, wakasangalala muno muno.

1 Samwili 15:28

Baho Samwili yakawa kumulonjela Sawuli yakamutya, “Alu Muwaha Mulungu nayo yawudemula zuwali wutemi wako kuli Isilayeli, yamupela munhu yunji mono muswanu yakucizize gwegwe.

1 Samwili 16:1

Muwaha Mulungu yakamutya Samwili, “Alu ho kojendelela kumulilila Sawuli sunga nili lo? Ane nakondya kumulema yalece kuwa mutemi we Waisilayeli. Ninga aluno, wusole mafuta, wubite ku Betelehemu, kuli munhu mono kacemwaga Yese. Hambi ne nha nakondya kumuhagula yumonga wa muli wanagwe yawe mutemi.”

1 Samwili 16:3

Wumulalice Yese, nayo yaze baho ha wulavya likumbiko, nane nokulonjela yono koyinoza. Nagwe komwitila mafuta u munhu mono nokulonjela.”

1 Samwili 23:18

Nawo vyono wejete wakanoza cilagane hali Muwaha Mulungu, vyono wojendelela kwikala baho ha Holeshi, ninga Yonazani yakawuya kwawo.

1 Samwili 28:17

Alu Muwaha Mulungu kakondya kwituma kuli'gwe nha vyono yanhuma nize nghulonjele. Kakondya kukuboka agwe wutemi, kamupela Dawudi.