1 Watemi 1:2 - Luganuzi Luswanu Kuli Wanhu Wose 2002

² Hodu, nhondo i wetumami wakwe wakawa kumutya, “Gwe Mutemi, wulece cikakulondolele muhinza mono kowa kukulindiliza. Kanyhi yawe kugona mu mhambaga yako, ho yakupele civuce.”

1 Watemi 1:2 ပူးပေါင်းရင်းမြစ်များ

Mika 7:5

Wulece kumwihuwila mwikalani muyago, hamba kumwitumbila mono mwiyendile nayo. Wilanjililaje muli zono wukulonga, hamba yiwe kuli mugolece wako.

Muganuzi 4:11

Vyo nhavivyo kanyhi, hono wejete wagone hamonga, wosuma kwipela civuce, ninga munhu hono yawe yali wene, alu ho kosuma nhawule kwipela civuce yali wene?

Mwamulizo 16:5

Ale, Salayi yakamutya Abulamu, “U wubi wono nghutendelwa na Hagali, ale, weze wako gwegwe. Hambi ane nha nakukombolela u mwitumami wangu Hagali, ninga alu, yali yeza kuwona vyono yatuga 'nda, hodu du, ane neza si nili cinji kanyhi ha meso gakwe! Ale du, u Muwaha Mulungu, yo koling'aniza hagati yetu na gwegwe!”

2 Samwili 12:3

Ninga muciwa, yali yena ngholo monga du yono yali yayigulile. Yakayidima sunga yikawilucila mu kaya yakwe hamonga ne wanagwe. Nayo yakawa kuyilisa ndigwa yono yalizaga mweneco, no kuying'wesa mu cikombe cakwe mweneco, hamonga no kuyipagata. Ne ngholo yiyo yikawa nho mwanagwe we cicekulu kuli mwene.

Wukumbucize wo Wulajilize 13:6

“Hamba yawe nduguyo, u mwana wo nyina yako, hamba mwanago we cilume hamba we cicekulu, hamba yawe mugolece wako u mwendece wako, hamba mwiyendi muyago mono mwiyendile nayo muno muno, hono yejele vyono yakusaka yakukwejeleze cinyele ho wuyihembe milungu yinji, i milungu yono nyenye nyo weneco, hamba walezi wenyu si mwayihemba hamba kamonga,

Wukumbucize wo Wulajilize 10:8

Na baho he 'tunda, Muwaha Mulungu yakawahagula wanhu wo mulango wa Lawi, wo wawe walanjilizi we Lisanduku lye Cilagane. Wamwitumamile nha wakohani. Kanyhi wawe kulavizya wulugutize mwitagwa lyakwe. Na wuwo wo mulimo wawo sunga nalu.

2 Zinghomo 29:11

Holeka wanangu, mulece kucitaga cilejeho. Hambi nha yo nyenye du, mono Muwaha Mulungu yamuhagulenyi muwe kufusa wuvumba hali mwene, hamonga no kuwalongoza wanhu lono wakumuhemba.”

1 Watemi 1:1

U mutemi Dawudi, nhondo yakawa yakombipa muno muno. Sunga ne wetumami wakwe wamugubikaga ne mabulanjeti ho yatuje civuce. Ninga hamba nhavivyo si yacitugaga civuce yaye.

1 Watemi 1:3

Hobaho wakawa kwanza kumulondola mu Isilayeli yose, u muhinza muswanu muno ku wulangwe, hanyuma wakamuwona muhinza litagwa lyakwe Abishagu, munya Shunami. Wakawa kumuleta kuli mutemi.

Esita 2:2

Hobaho i watazi we watemi, wono wali wali behi no mutemi Ahasuwelo, wakamutya, “Alu nhawule wulece kumulondola muhinza yunji mutuvu mono yakali namanya walume, kanyhi mono muswanu ku wulangwe.